عندي فساتين كثيرة ، أبي أبدا أأجرها يصير ؟

[أم الخلاجين]

السلام عليكم ورحمة الله وبركاته..

شخباركم حبايبي ...
أبي أبدا بالتجارة .. تجارة الفساتين داخله خاطري ... وعندي فساتين وايدة ..
السايزات تبدا من small ليـــن لارج وإكس لارج .. وفساتين التختوخات اللي سايزاتهم أكبر من إكس لارج ماعندي كثير منها ...
تقريبا الفساتين اللي عندي توصل لـ 40 و 50 فستان.

ساعدوني الخبيرات في هذا المجال أو أي وحده عندها خلفية ف هالموضوع ؟

يصير أبدا أتاجر فيهم ؟!
تجارة إيجار فساتين سهرة ؟

وأنا حاطه الإيجارات تبدا عندي من 50 دينار لــ 100 دينار فقط كبداية.

شو رايكم؟!

ومشكورين ...
الله يعطيكم الصحة والعافية ..
ويوفقكم وين ماكنتوا..​

 

[حرم راشد الماجد]

تبين تتاجرين بالهدوم غيري نكج عشان لما الوحده يسألونها من وين شاريه نفنوفج ما تقول من ( ام الخلاجين )

ههههههههههههههه اتغشمر معاج حبي لا تاخذين بخاطرج

فكره الملابس حلوه بس ليش ايجار ليش ما تخيطين وتبيعين احسن لج

ولا قصدج فساتين مستعمله اذا مستعمله ما عتقد تمشي


وموفقه حبيبتي

 

[أم الخلاجين]

صباحج ومساج خير حرم راشد الماجد .....
لا أبدا ماخذ بخاطري ..... ههههههههههههه وعشان النك ماعرف ليش أول اسم ي ف بالي لما اسجل ف المنتدى .
سجلت بالاسم و أنا أضضضحك ههههههههه.

وبخصوص الفساتين :

ميزانيتي ضعيفة جدا ماتساعد إني أخيط وابيع ... عشان جي فكرت أبدا بشي متوفر عندي .
عندي فساتين مستعمله - استعمال يوم واحد و يومين .

أبدا ماقدر أشتري وأبيع وراتبي بعد مايساعد ...
وأنا إذا بخش شي من راتبي حق التجارة ماقدر إلا أوفر 100 دينار ... أكثر ماقدر.


شو رايج ؟
شو الحل ؟​

 

[orchid.27]

والله حلوه الفكره
بالتوفيق حبوبه

 

[أم الخلاجين]

مشكوره orchid.27 الغاليه ...

ويوفقج ربي وين ماكنتي​

 

[حرم راشد الماجد]

١٠٠ دينار مو شويه ترا تقدرين تسوين فيها شغل يعني اذا عندج عيال خيطي قياساتهم ملابس حق القرقيعان مع لمساتج الخاصه على اساس مشو مشو ما مشو يصيرون حق عيالج او تبدين ببضاعه بسيطه وفي تاجرات هني بالمنتدى يبيعون جمله اخذيلج بضاعه ب٥٠ مثلا وصرفيها شيلي راس مالج واشتري بضاعه غيرها بالربح وهكذا لين تصيرين متمرسه بالشغل عقب ركزي على تجاره معينه والله يرزقج من حيث لا تحتسبين يارب

 

[أم الخلاجين]

مشكورة حبيبتي ع الأفكار والنصايح ...
الله يرزقج ع قد نيتج ويوفقج ف حياتج ....

أهم شي ف الموضوع أخيط حق اعيالي :rerrerek:

هههههههههههه

أنا بعدني مب معرسه :eh_s(22):



مشكورة حبيبتي ماقصرتي ... كفيتي ووفيتي
:eh_s(17)::eh_s(22):​

 

[جروح ودموع]

فكرتج حلوه والله يوفقج ويرزقج من اوسع ابوابه آآآآآآآآآآآآآآآآآميييييييييييييييييييييين

 

[أم الخلاجين]

تسلمين حبيبتي جروح ودموع ...
ويوفقج ويرزقج بعد من أوسع أبوابه وجميع المسلمين والمسلمات ....

آميـــــــن


بنوته الكويت .... ماقدر أستخدم الخاص أنا يديدة ومشاركاتي قليلة.
والسموحة منج​

 

[بنوته الكويت]

اوكي حبيبتي مومشكله بس انا ابي اشوف الصور وابي اشتري نفنوف السهره مقاس سمول لان بصراحه عندي عرس ومتوهقه شنو البس

 

[أم الخلاجين]

ارسليلي رساله ع الهوتميل إذا ماعليج امر ... [email protected]

عندي صورة فستانين ف مبايلي برسلك اياهم على الايميل ..



waiting 4 u ​

 

[بنوته الكويت]

اوكي حبيبتي الحين ادز لج مسج ع الهوتميل

 

[Q8Buying]

تاجري ليش لأ .. اكو ناس محتاجة وتدور عليج

إممم وآنا أسويلج اعلان أو صفحة خاصة .. بالسعر اللي يناسبج فعلاً ..

 

[ريناداا]

الله يوفقج

إذا تبيين نصيحتي

1- لازم تغيرين النيك نيم حده ماينفع حق تاجره شرايج بأسم (( أزيائي غير )) او (( لمساتي فن )) أو (( احلامي حقيقه ))

مادري بس أحس لازم تغييرين النيك نيم

2- لازم الأسعار تكون أشمل من جذي يعني يكون عندج الي حده رخيص و الغالي

اذا عندج ملابس ملبوسه أكثر من 3 -4 مرات بس نظيفه وكامله اعرضيها على 20 أو 30 لأن أحيانا تكون الوحده عندها مناسبه ولازم تحظر بس الناس يصيرون لها من بعيد فماتبي تتكلف

3- اشتركي بعضوية التاجرات وأعرضي أجزاء من ازيائج بالمنتدى

4- سوي كاتلوج حطي فيه كل صور الازياء الي عندج وأي احد يبي يأجر ممكن تدزين لها الكاتلوج مع المندوب وتختار وتدفع حق المندوب سواء أجرت او لأ


5- لازم يكون عندج خط ثاني للتجاره بس



بالتوفيق

اذا مشت تجارتج عفيه دزيلي عالخاص بشريني عشان افرحلج

 

[حرم راشد الماجد]

مشكورة حبيبتي ع الأفكار والنصايح ... ​

الله يرزقج ع قد نيتج ويوفقج ف حياتج .... ​

أهم شي ف الموضوع أخيط حق اعيالي :rerrerek:​

هههههههههههه ​

أنا بعدني مب معرسه :eh_s(22): ​

مشكورة حبيبتي ماقصرتي ... كفيتي ووفيتي

:eh_s(17)::eh_s(22):​

يالله ان شاء الله فال خير وتعرسين وتيبين عيال عن قريب

عموما بلشي الحين باللي عندج لان فعلا في ناس تحتاج اشياء رخيصه حتى لو ملبوسه خصووووووووصا اللي عندهم عروس وايد

والرزق بيد الله فانتي شدي حيلج واجتهدي والله ما يضيع تعبج ويرزقج ان شاء الله

مووووووفقه

 

[baby qa6wa]

upup

 

[أم الخلاجين]

baby qa6wa تسلمين الغاليه على اهتمامج ..

بس انا ف الإمارات ... مب ف الكويت ..


* ملاحظه : أنا يديدة ف المنتدى وماقدر أستخدم الخاص لان مشاركاتي قليله ​

 

[اثيلة]

اختي موفقة مسبقا ، وفكرة ايجار الفساتين ترى ماشية ،
انا كنت قبل ابيع الفساتين ملبوسة وكان عليها اقبال
فتوكلي على الله
حببتي وربي يرزقج


حياكم بمتجرنا اﻻلكتروني
hajarmall.mtjra.com