عندي طاولة خشب وخربانة مدري شسوي فيها عطوني حل

[أم راشد المطيري]

السلام عليكم بنات


بنات انا عندي طاولة خشب اخربت والصبغ طلع عاد الحين شنو سويت فصلت جام لونة بني غامج وحطيتة فوقة بس هم بعد الخراب اللي بالطاولة مبين

عاد انا قلت اروح لمطبعة وتسويلي جلاد كبر الطاولة واحط على الجلاد وردة كبيرة

بنات والجام كل شوية قاعد تزلق اي شي يثبتها

شرايكم بفكرتي وعطوني افكار من عندكم

جزاكم الله خير

 

[أم راشد المطيري]

بنات شسالفة وين خبرتكم

ساعدوني

 

[ابلة رسم كتكوته]

حل يشوفها نجار احسن اهو اخبر
يمكن تحتاج صبغ خليه يصبغها نفس لونها

 

[أم راشد المطيري]

لا بنات انا ما ابي اصبغها

لانة ابي افتك فيها

شنو تعطوني من خبراتكم

 

[كويتية ونعم]

حلوةه فكرتك بس علشان الجام مايزلق حطي القطع الدائريه عند ابو مية فلس حق الطاولات والكراسي علشان متخدش السراميك وماتزلق حطيها بين الخشب والجام ويثبت ,,,,, ارجو ان تعجبك فكرتي وفهمتي على

 

[samara20001]

يبه قطيها وافتكي منها هذا احنا مامنا فايده بس نيمع الوصخ والسكراب

 

[ليليس]

السلام عليكم اختي
انا عندي لك فكرة وانشالله تعجبك
الفكرة هي تحطين بدل الجلاد مفرش للطاولة بس مو اي مفرش
مفرش يكون مشغول ع السنارة بخيط الديمسيه الرفيع وتحطين فوقها الجام
وهيك بتكوني خبيتي الخراب الي فيها ةبنفس الوقت ما ينزلق الجام عنها
انشالله تعجبك فكرتي
وتقبلي مروري

 

[ام**العسولين]

انا بعد عندي 2 نفس طاولتج
ما افكر اسنع فيهم بستغني عنهم
ترى بتصرفين عليها وهم بالاخر بتكون قديمه اشتري يديده احسن

 

[الجديدة]

قبل لا تصبغين لازم تجيبي معجون وترتبيه يعني حتى لايظل تعاريج وشي طالع وشي نازل وبعدين جيبي دهان خاص بالخشب وتفنني بالاوان
واخيرا مفرش بسيط على الوسط مع فازة جميلة
انا مع اعادة الاستفادة من الاشياء القديمة بدل رميها او الاستغناء عنها

 

[m2q8e]

يبه قطيها وافتكي منها هذا احنا مامنا فايده بس نيمع الوصخ والسكراب

مثل ما قلتي حبيبتي _03ba:

 

[لانا العود]

السلام عليكم اختي
انا عندي لك فكرة وانشالله تعجبك
الفكرة هي تحطين بدل الجلاد مفرش للطاولة بس مو اي مفرش
مفرش يكون مشغول ع السنارة بخيط الديمسيه الرفيع وتحطين فوقها الجام
وهيك بتكوني خبيتي الخراب الي فيها ةبنفس الوقت ما ينزلق الجام عنها
انشالله تعجبك فكرتي
وتقبلي مروري

نفس فكرتي سبحان الله حطي مفرش بلاستيك اللي بالمتر اللي نقش مثل الدانتيل وحطي الجام من وفوقه البلاستك بيثبت الجام بس المفرش المشغول راح يزحلقه