عندي سوأل عن حبوب بريفيكتل بليز ردو

[ASOMA]

هاي شلونكم
مبارك عليكم الشهر
انا عندي مشكله انا عمري بصراحه 16 سنه وبصراحه شعري قام يطيح بشكل مو طبيعي سويت تحاليل والتحاليل كلها سليمه
قالتلي وحده من صديقاتي عن فيتامين اسمه بريفكتل تقول انه زين للشعر والبشره بس انه ثقيل على المعده بس قبل لا تاكله تكون ماكله
قبلها يعني تارسه معدتها
ابي منو اللي استعملتهم وحست ان في تغير في شعرها وجم خذت على ما بينت النتيجه
تكفون فيدوني

وتقبل الله طاعتكم​

 

[سالم الروح]

منا ومنج حبيبتي
حبيت ارفع الموضوع ماعندي اي فكره
بس انصحج بالتغذيـه
تقبلي مروري

 

[نوارة 37]

رد : عندي سوأل عن حبوب بريفيكتل بليز ردو

للرفع

 

[كرندارو]

حبيبتي انا جربته وشعري يطيح بشكل خيال وما شفت منه فايده مع اني استخدمته سنه كامله و حيل معدتي تعبت علي وليما الحين مو مترقعه منه
في ناس ماشالله يفيد معاهم لان تكون المشكله بشعرهم بسيطه
بس انا من كثر ما يطيح والله خايفه اصلع
بس نصيحتي لج غزي ابر الشعر والله احسن حل وترى ما يعور بس وخز بسيط والله

وهذي نصيحتي لج

 

[LuLiTa]

انا جربتها ,, واااايد مفيدين كثفوو شعري و حتى وزني نقص و قلت شهيتي للأكل ,,,و ترا الحبوب في منها نوعين: الكبسولات العنابية و النوع الثاني اهوو الحبوب لونها صدفي و كبر البندوول ,, الكبسولات اهي اللي ثقال عالمعدة و اهم اللي موجودين بالكويت ,,,سعرهم غالي ب 9 و كسوور ,,,بس الحبوب الصدفية تشترينهم من بره واذا عندج احد اييبهم لج من دبي و لا لندن بيكوون سعرهم حييل ارخص و هالنوووع حيييل اخف عالمعدة و انسب لج اذا بتاخذين كذا كورس ,,

 

[كويتيه لذيذه]

انا استعملتهم 7 شهور والله انها مايبتلي غير الغثااااا ما انفعتني بشي نهاااائي الحين استعمل حبوب بانتوجار الحمدالله عجيييييييييييييييييييبه

 

[doudou2009]

استخدمتها بس صراحه نص العلبه ماقدرت اكمل حتى التساقط ماوقف حبيبتي شوفي الفيتامينات اللي تمشي مع غيرج مو شرط تمشي معاج
سمعي نصيحتي شربي حليب وايد واكلي جرجير وفلفل اخضر يعني خضار بشكل عام وقللي دهون وبطاط دمااااااااااار تراهم
سويلج كل يوم 3 دقايق مساج للشعر ترا هالشي يحرك الدورة الدمويه وهاذا اهم شي للشعر وشربي ماي وايد وعصير برتقال
وبالنسبه للحبوب روحي بوتس كل شي عندهم ولحد يقولج اخذي هاذا وهذاك انتي شوفي واقري واللي تحسين انج ارتحتي عليه اخذيه ترا اكو ملتي فايتمن وفيتامينات عاديه
ونصيحه اخيرة ترا الشامبوات الطبيه والامبولات وحتى الابر استخدامهم حلو ويونس بس اذا هديتيهم ترا يطيح اكثر من قبل خلج عالشامبو اللي ارتحتي عليه وسوي اللي قلتلج اياه جربي عالاقل شهرين وشوفي وتصدقي حبيبتي وانوي بهالصدقه على شعرج سوري طولت عليج بس لاني حاسه بمعاناتج وعايشتها الله يشفينا انشالله ويخلي شعورنا بواريك قولي امييييييييييين

 

[ASOMA]

رد : عندي سوأل عن حبوب بريفيكتل بليز ردو

مشكورين حبايبي على المرور
الله يسمع منج يا doudou امين

 

[سبيشل ومن]

لا موصج وايد ثقيله علي المعده