عندي سالفة وابي راي خبيرات الحياة ..

[الغلا...غلاي]

الحريم وما أدراك ما الحريم


أول شي صلوا على النبي (ألف الصلاة والسلام عليه )




*



*


*



*


بعدين في سالفتين عندي ,أبي كل وحدة لها خبرة رجاء تفيدني وتفيد اللي مروا بالتجربة :-



أولا:- مرت الحمى : شتسوين اذا كنتي تحبينها وتراعينها وتراعين عيالها وتلعبين معاهم وهي بالمقابل توصل لي شقتج
وتزف ولدج قدامج !! الولد عمره 5 سنين وولدها 6 !! وانتي ساكته (حاشمتها )(لدخولها شقتي اولا ولكوني ماعرفت
اتصرف لأنها كانت معصبة ومحترة وهذا ثانيا )

ثانيا :-عندي وحده معاي بالدوام حاطة نقرها من نقري ..ومادري شسوي !!

اذا حقرتها تتحرش من بعيد لي بعيد ..وعلى الحبة ونص تعلق وتتفلسف ..

مع العلم اني ام دميعة بس ياجبل مايهزك ريح قدامها بس

والله يعلم اني حدي لايعة جبدي ومنرفزتني

وانا الصراحة أتبع كلام الرسول صلى الله عليه وسلم :- "قابل الاساءة بالاحسان"

 

[زهراء الركابي]

رد : عندي سالفة وابي راي خبيرات الحياة ..

اللهم صلي على محمد وال محمد


طنشيهم اثنينهم <<<<<<<< جذي ناس ماينفع معاهم الاجذي

 

[آلـوآن]

رد : عندي سالفة وابي راي خبيرات الحياة ..

اللهم صلي وسلم على سيدنا محمد ..

مثل ما قالت اختي اللي قبلي ..
طنش تعش ..
لاتردين سوي روحج ماتسمعين او اقلبيها غشمرة وابتسمي
بطي جبودهم وانتي تضحكين ..
ثانيا مرت حمآج اذا صعدت لي شقتج .. طآآآف جنج ماتسمعين صوت البآب واذا سآلتج قولي كنت اتسبح او ماسمعته ..
لما يطيح اللي براسهآ وترد لعقلهآ وتعرف شلون تصرف..

والله يوفقج .. ويبعد عنج شر الحسآد ..~

 

[مـــاكنتـــوش]

رد : عندي سالفة وابي راي خبيرات الحياة ..

كلمي مرت حماج كلميها بالكلمه الطيبه قولي لها مثل ما انا اعامل عيالج انتي عاملي عيالي بنفس المعامله انا ما عمري صرخت عليهم وانتي ترضين اني اصرخ عليهم اذا في شي مو عاجبج قوليلي انا اتصرف معاهم وبالنسبه للزميلتج بالدوام لا تسكتين لها اذا قطت عليج قطه ردي عليها عطيها العين الحمرا اذا سكتي لها بتطمع فيج وغيرها من زميلاتج بعد وقفيها عند حدها

 

[shshoo]

رد : عندي سالفة وابي راي خبيرات الحياة ..

طنش تعش تنتعش
ليش حاره نفسج عليهم
لو انا ماافكر فيهم ولا اتعب نفسي عليهم

 

[غ ــلا الــروح]

رد : عندي سالفة وابي راي خبيرات الحياة ..

الآولــــى : عــآمـــل النــآآآس مثـــل مــآيعــآملــونكـ...,

والثــآنيهـ : عطيهـآ طآآف والحقـــرآن يقطع المــصــرآآن,,,

 

[رحيق الماضي]

رد : عندي سالفة وابي راي خبيرات الحياة ..

طنش تنتعش تبتسم للحياة

 

[zain-alq8]

بالنسبه لبنات الدوام ...الكلاب تنبح والقافله تسيير ..دام تعلق = ميته من الحره وعساها بهلحاله واردى

وبالنسبه لمرت حماج لاحبيبتي لاتسكتيين اصلا عيب ايلي تسوييه شنو مو حاشمتج وقفييها عند حدها انا لو امووت ماخلي احد يزف ولدي هالمره مرت حماااي بعد هذا ايلي ناقص ..

 

[الغلا...غلاي]

الله يجزاكم خير يالغالين ويرزقكم ان شاء الله


بس انا مرت حماي مابي اخسرها يعني أبي تصرف عقلاني ويخجلها اهي علاقتها معاي زينة بس ما دري شفيها والله لو تشوفون شكل ولدي

اشلون مخترع كسر خاطري

بس اهي كانت بحالة هستيرية

وانا ادري ان ولدي شيطان واقشر بس اشلون تسمح لنفسها تزفه وعندي !! جرأتها قوية

ومثل ماقلت مابي اخسرها ....

اما اللي معاي بالدوام مرة تهاوشت معاها وحالتنا حاله اللي ما يشتري يتفرج وما قام لساني يجي على لسانها

بس حمدالله والشكر مثل الياهل تضحك تتحرش فيني

على بو تجيب سالفة من آخر الناس والكلام لج ياجارة قصدها عني فأضطر اني اضحك بس لي متى تعبت !!

 

[مـــاكنتـــوش]

رد : عندي سالفة وابي راي خبيرات الحياة ..

كلمي مرت حماج بأسلوب حلو بتستحي من نفسها وماراح تعيدها مره ثانيه والثانيه مادام انج متهاوشه معاها وما نفع خليها تولي طنشيها

 

[Tom ♥ Jerry]

.


أولا : مرت حمآج مو تخلين ولدج يلعب معآهآ دآم اهيه مآ تراعي شعـور اليهال !
ثآنيا : يقولج المثل " الحقرااااااان يقطع المصران " الي بالدوآم هاذي اششششششكره محتره منج !
حقرييييييييها و رآح تاكل بعمرها .. و خلج طبيعيه و بينيلها أنهآ مثل الطوفه بالدوآم

 

[cherry67]

مرت حماج تفاهمي معاها وقولي لها أنا محترمتج مثل أختي وان جان عاليهال لازم يوم يتهاوشون ويوم سمن على عسل فهالشي عادي .
واللي بالدوام وقفيها عند حدها ولا انتقلي قسم ثاني أو حقريها لا تهتمين ولا كأنها موجودة اذا شفتيها سوي روحج تتكلمين بالتلفون أو بتروحين قسم ثاني المهم ما تسمعينها .

 

[الغلا...غلاي]

انا توني كلمت امي تقولي لا تفتحين الموضوع مرة ثانية الا اذا اهي افتحته وحذرتني عشان ماتوصل السالفة للرياييل ..

اما السفيييييه اللي معاي بالدوام والله والله توقعت يعني عقب العطلة بتطخ وبتهيج بس لا حول ولا قوة الا بالله من اول يوم جذي

كأنها قظت العطلة ترسم خطط ومؤامرات استغفر الله

والله ظالمتني وحسبي الله عليها

والمشكلة اني ماقدر انقل لظرووف صعبة !!

بس ابي اسلوب اكثر رفعة ظغط من الحقران

 

[روونــا]

شششـۈفي مشڪلٺڪ الأۈلآ ما عندي خبڒه فيها ..

بڛ ان شآاء اللـﮧ اقدر افيدڪ بالثآنيـﮧ ..

طنشيهـآا ’’ خليهـآا ٺڪلم جددرآن المڪآٺب ’’
لآن ۈاللـﮧ الاشڪآال الي نفڛهـآا مايجي من ۈراهـآا الا ۈۈۈجـع راآڛ
خليهـآا ٺٺحرش فيـڪ ۈٺرد علێ نفڛهاآ

ۈڪثثر ما ٺڛٺفزڪ لاٺردين عليهـآا .. خۈفڪ ٺڪبر بينڪم ۈٺحطهـآا براڛڪ


ۈبـڛ ..

 

[همسات ليالي]

رد : عندي سالفة وابي راي خبيرات الحياة ..

بعد عمري والله انتي

مشكلتج انج تحرقين نفسج بنفسج وحسااااااااسه علشان جذي حاسبه حساب الكل

مرت حماج عقللها ناقص وانتي مثل ما قالت امج طوفي السالفه ومره ثانيه لا تسمحين لها تتطاول عليج

واللي معاج بالدوام طنشيها بس اهم شي مو على اعصابج يعني اخذيها من باب مسكينه محترة

والله يعينج

 

[*loveli-noni*]

مشاءالله عليج والله يزينج بالعقل والثقل .....




حبوبه حقريهااااااا والله مردهاا تعض اصابع الندم وتنقد على روحهاااااا...



وتحسبي الاجر والثواب عند ربج...

 

[كشختي ماركه]

رد : عندي سالفة وابي راي خبيرات الحياة ..

اذا عن الدووام خليهـاا توولي
أو رووحي مكتب ثااني عشان تفتكين من ويهها
وأذا عن مرت حماج قوليلهـاا انا محترمتج ومقدرتج وكل شي
واحطج بالعين والرااس بس تزفين ولدي لاء انا مارضى

 

[النصيف]

رد : عندي سالفة وابي راي خبيرات الحياة ..

الله يعينج اللي في الدوام طنشيها علي قولت اختي
اما مرت حماج فهي اكيد محتره منج وغايره واذا زفت ولدج قوليلها يام فلان هذولي جهال لا نحط روسنا بروسهم

 

[منوووووله]

معه البنات

 

[الغلا...غلاي]

الله يجزاكم خير

اللي ردوا واللي بس سيروا

وماقصرتوا

والحين انا راح احقر الثنتين واطنشهم

1. مرت حماي :- راح اكون رسمية معاها حدي وابيها تحس بالتغير اللي صار فيني.. اذا شاريتني بتحس وبتسأل...

لكن اذا تبي الفكة مني ماراح يهمها ... والمركب راح تمشي. يعني الحياة مو واقفة عندها ... والبديلات وايد واللي يحبوني أكثر (الحمدلله) ..

2. اللي معاي بالدوام :- انا ادري انها محترة مني ورافعة ضغطها حد الدوسة بدليل ان وحدة من رفيجاتها تقول على لسانها (ان محد جابلها الغولون الا انا

وبيني وبينكم تعودت عليها أحسها امممم اي مثل البصل والثوم وبعد الفلفل ثقال عالمعدة ويسوون حارج يقث بس لا بد منهم !!

و السلام ختام

ولا حول ولا قوة الا بالله العلي العظيم ..