عندي سؤال بخصوص القبول بجامعه الكويت

[girl lesh]

السلام عليكم











حبيت أسأل عن اختبار القدرات لاقدر الله ماقدرت أنجح فيه
سمعت انه في تمهيدي التمهيدي اشلون كؤرس يكون ثلاث شهور ولا شلون الطريقه
ياريت أحد يفيدني من هل ناحيه ويجززاكم الله خير

 

[جبــرني اتركــه]

حبيبتي انتي اول شي اي كلية بتدخلين ؟!
اذا الكلية الي بتدخلينها مو ضروري تقديمين القدرات
راح تاخذين التمهيدي اذا دخلتي الجامعة وهو مدته كورس كامل وماعليه معدل ولا وحدات بس ياناجحة او ساقطة
واذا اي شي تبينه راسليني على الخاص

 

[SeLf^CoNfiDeNce]

حبيبتي لا تغلطين مثل غلطتي لا تاخذين التمهيدي اول كورس باجامعه اخذي الكورس الثاني لان الكورس الاول ما تاخذين معاه الا ماده وحده
و اذا الكورس الثاني تاخذين معاه ثلاث مواد فحرام تداومين بس حق ماده وحده عرفتي
هالكلام حق الاداب و العلوم الاجتماعيه بس اماكن ثانيه ماري

 

[willa]

بخصوص القدرات إذا مانجحتي تاخذين تمهيدي

و يكون أول كورس لج بالجامعة

و على حسب الكلية اللي انتي فيها

 

[girl lesh]

اشكركم على الافاده
أنا أبي ادش حقوق ان شاء الله
اشلون يعني ماده ولا ثلاث مواد مافهمت

 

[قدساوية 99]

حبيبتي الحقوق مافيها انجليزي يعني لاتعبين نفسج وتمتحنين قدرات

 

[girl lesh]

بس إلي سمعته انه لازم امتحن علشان ادش الجامعه حتى لو ايب على الحفه

 

[جبــرني اتركــه]

مو كل الكليات يبون القدرات الا الكليات الي يحسبون فيها المعدل المكافئ مثل الطب والطب المساعد ....ألخ

الكليات العلمية .. بعد مو كلهم ..

 

[طالبة1990]

فعلا مو كل الكليات الزامي القدرات

بس اللي تدش درجة القدرات بنسبة القبول مثل الهندسة والطب والطب المساعد والبنات الجامعية والادارية

اما باجي الكليات فعادي حتى لو ماقدمتي قدرات تاخذين تمهيدي واذا ادبي ماتاخذينه كورس اول

بس احسن لج تاخذينه كورس اول لان بعدها ماتسجلينه الا لمن يخلص تسجيل المستجدين


بس يمكن الحقوق نفس الشريعة

لان الشريعة مو مطلوب منهم التمهيدي يعني ماياخذون تمهيدي سيده ياخذون انجليزي 1 و2