عندي درس بعد اسبووع :(

[قلب راشد]

بلييييز عندي درس نموذجي بعد اسبوع عن الهرم الغذائي

شنو أوزع هدايا للحضوور ؟؟؟؟؟

 

[رضاب]

وزعي عليهم


ميداليه يكون فيها توضيح لفوائد الفواكه او اللحوم او الخضروات

وغلفيها حراري وحطيها مع الميداليه



اممممممممممممممم


خطر على بالي

ليش ماتكتبين عن انفلونزا الطيور نصايح او تتكلمين عن المرض وطرق الوقايه


بس بخصصوص الهدايا ما أقدر أفيدج

 

[سوق الجمعة]

سوي هرم فلين كبير ومقسم على انواع الغذاء ومعلقة عليه بروشرات ملفوفة بأعواد اسنان مثلاومن بره اما حليب صغير او فاكهة صغيرة <==ابداع

 

[الحياة]

شوفي انا اقولج سوي دعاء الركوب ووخليورا دعاء الركوب نصايح غذائية نادرة او غريبة
وبجذي بتكون عند الكل يوميا..

 

[منورة]

سوي مطويات عن اهمية الغذاء المفيد ونصايح للصحة وخليها بسلة وزينيها بالفواكة الصغيرة اذكر شريتها من ايام زمان بخيطان




او سويها على شكل برتقال تفاح وداخلها نصايح وغلفيها حراري وتصير مثل الميدالية




وموفقة اختي

 

[قلب راشد]

قصدج سله للفواكه الصغيره العااب ؟؟


مشكوورين حبايبي على النصاايح

ما عندكم فكره جديده

تخلي الحضوور ينبهرون والدرس يعجب الموجهه ؟؟

 

[ساره ستايل]

اممممممممممممممم

سويلج سله وحطي فيها جم نوع من كل مجموعه غذائية
وبجانب كل مجموعه مطوية فيها نبذة بسيطه عن هالمجموعه الغذائية
وغلفي السله ابورق سلوفان وشرايط املونة

ورحي عند بو 100فلس تلقين عنده اللزقات اللي فيها مغناطيس وتتعلق عالثلاجه
في عنده على اشكال فاكهه وخضروات وحليب ولحوم
حطيها مع كل مجموعة

ترا انا مدرسة اجتماعيات وماعندي فكرة عن مواضيع الروضه

بس قلت بدش اذا قدرت اساعدج .. بساعدج انشالله

 

[قلب راشد]

تسلميين ساررونه حبيبة قلبي

 

[قلب راشد]

إنزين يا جمااعه وين أحصل مدالياات على فواكه ؟؟

 

[حروف]

الله يعينج ........ هم انا عندي

اتوقع تحصلينهم عند بوميه

سارونه ...... طلعنا زماله اي مرحله

 

[قلب راشد]

الله يوفقج حبيبتي

 

[أوركيد]

الميداليات ...تحصلينهم عند بو اميه ..