عندي خبر

[~LiBrA~]

السلام عليكم ورحمة الله وبركاته

















شلونكم خواتي يا اطيب قلوب في الكويت كلها





طبعا اغلبكم عارف ان ريلي مسافر للعلاج بره صارله 5 شهور ومره يصير زين ومرة يرد ينزل تحت





وانا حالتي النفسيه زيرو مع هالوضع هذا وقاعده اضيع وقتي كثر مااقدر اهني عشان مااضيق خلقي






الخبر الي وصلني ولله الحمد يارب بعد فضل الله وفضل دعواتكم لي ان ريلي تحسن وايد عن اول



والمفروض هالفترة هذي يرجع



بس تكنسل موضوع رجعته الحين لان محتاج يكمل كورس علاجه شهر بعد وعقبها يرجع


كانو قبل كل شهر يقولولي راح يرجع الشهر الياي وشهر بعد شهر ليما وصلنا هالمواصيل بس هذا الي الله كاتبه شسوي بعد



بس انا متأمله خير والدكتور وعدني ان انشالله ريلي راح يكون عند بداية شهر2 يااارب


صج ضايق خلقي ان راح اكون متخرجه حزتها وقاعده حاطه ايدي على خدي انطر الفرج بس ميخالف



بس الي ابيه منكم تساعدوني بأفكار لاستقبال زوجي



صج المكان مايساعد بس راح احاول كثر ماقدر اغير الاجواء فيه وبشكلي وبكل شي


انتو عاد ساعدوني بفكرة اليوم الي راح يرجع فيه شنو اسوي؟؟؟



بخاطري م التعديل الي بسويه اني احط بالونات الغاز مع يافطه welcome back بس مادري وين احصلها


انتو شرايكم؟؟؟





ومشكورين مرة ثانيه كل الي دعولي وعسى الله لا يوريكم الي شفته



وانشالله ما يتأجل الموضوع اكثر بعد عن المده الي متفقين عليها يارب

 

[BiiShOoO]

الحمدالله الي طمن قبج و ريحج و طمن بالج و ان شاء الله يرجع لج بالسلامة يا رب


غيري ستايل لبسج بالبيت و طريقة مكياجج و صبغي شعرج

 

[Gourges]

رد : عندي خبر

والله اني مادري بسالفة ريلج بس انتي من العضوات المميزات بنظري ...


ياااااارب يااااااارب هلسنه من اولها تفرحين بزوجج وبردته وكلها وكل الاسنين اليايه انشالله ايكون زوجج بصحه وعافيه يارب ...

وبخصوص الافكار بدال الفكره عشر ..


1- نيولوك حقج واذا انتي بطبوطه سوي رجيم خلي جسمج صج عجييب ...واذا شعرج اسود خليه اشقر واذا اشقر خليه اسوود ... وهالله هالله بالقمصان والبدل الحلووه ... اذا تلبسين بدل حق الطلعه ...

2- اذا عندج ميزانيه حلووه سويله عشا حق اهله .. بمناسبة ردته بالسلامه صدقيني وايد بيفرح ...

3- اتوقع اهوا زهق من الفنادق والمستشفيات فا ااذا رد خلي استقبالج بالبيت ... بس شتسوين غيري كفرج ... المفارش غيريها ..

طريقة التسريحه والفراش والكبت وغيره حاولي تلفين الدار يعني غيري اماكن الاثاث .. صدقيني والله هلشي يغير بالنفسيه ...

قنفاتج اذا عندج قنفات وصاله هم فرفري فيهم .. يعني سووي تغيير بالشقه ...

4- اعتني بجسمج وابشرتج وكثري من الماي ... لي شهرين انشالله الا بشرتج ترد الروح ... وصحيه ولمعه ...

5- افكار حق ردته : بالونات هيليوم ... وورد طبيعي روحي اي محل ورد يبي ورد طبيعي ونثريه .. و روحي اشتري ناموسيه علشان تغير من شكل الفراش وتحسسكم انكم امرا ...ونثري الورد .. اشتري من التاجرات الاضاءات العجيبه ... والابجورات الغريبه خل تعطي شكل ... سوييله اكل بيت حلوو ولذيذ اذا يا على العشا او على الغدا ... لانه اكيد طقة جبده من اكل بره ...

وعسى الله يتمم عليج يارب وهذا كل الي عندي ولي طرا افبالي ...

اي صج حطي اغنيه بالبيت ان اشتقتيله عاد شوفي اغنيه على ذوقج وقوليله اهداااااااااااااااء من قلبي

 

[كلي ثقه و سنع]

رد : عندي خبر

الممدتين علي سلامته وأقول بالبدايه تذكري سجود الشكر لله والصدقات و ماعندي افكار ان شاالله الخوات يساعدونك

 

[كلي ثقه و سنع]

رد : عندي خبر

كلامي مو مفهوم من الاي فون يعدل الكلام من كيفه

 

[white**angel]

الله يرده لج بالسلامه والافكار الي قالتهم قورقس وايد حلوه

 

[اشتياق]

ياحياااتي الله يرده لج سالم غانم يارب
ويشفيه اللهم امين

 

[جنون العشق]

الله يشافيه يارب ويخليه لك ويرده لك بافضل حال وهذا اهم شي

 

[احساس زوجه]

الف الف الحمد الله علا سلامته ويقر عينج بشوفته

شوفي الافكار عدي وخربطي

بس انتي اكيد عارفه مود زوجج شنو يحب شنو

واهم اهم شي التجديد بكل شي غيري كل الاماكن بالصاله بغرفة النوم بكل درب مثلا التلفزيون بالصاله يسار حطيه يمين وجم اكسسوار حق القنفات واشموع

واللي ودي ما تنسينه سوي حمامات اسبوعيا واهتمي بكل مكان بجسمج فاهمه قصدي

وانا مع فكرة العشا العائلي جمعي اهله وصبي الكشخه صب وشعرج سووي شي جديد وخليج مع ذوقه يعني يحب الشعر الطويل خلي شعرج لا تقصينه واذا يحب القص عاد تفنني بالشعر واصبغيه

واهم شي الرياضه خلي جسمج مشدود



والله والله اني حاسه فيج وبفرحتج

 

[tbola]

رد : عندي خبر

الحمدالللللله على كل حال وانشالله تكون السنه اليديده عليكم حلوه والله يشفي يارب

 

[لـمـعـه]

يااااااااحياتي الحمد لله على سلامته والله يقرعينج بشوفته باقرب وقت وتفرحين فيه

لاتنسين ياختي داو مراضكم بالصدقه

 

[برد ابو الذهب]

بعد عمري شهالخبر الحلو الحمدلله على سلامته والله يتمم عليج فرحتج ويحفظه لج من كل شر
وعاد انتي ام السنع والافكار ما يحتاج احد يعلمج بس حاولي كثر ما تقدرين تغيرين كل شي كل شي شكلج استايلج شغتج خليه يحس انها ازمه وعدت ونولد من جديد ريحي نفسيته حرام
والف مبروك حبيبتي

 

[P!NKia]

الله يرده بسلامه ويطول بعمره ويخليه لكم
وان شالله البنات مايقصرون

 

[شبعآنه دلـع]

رد : عندي خبر

يا حياتي يا ام حيدر عسى الله يفرح قلبك دايمن كنت ادعيلك في صلاتي لانك فعلا كاسره خاطري الله يتمم عليك فرحتك ويعافي لك زوجك وتقبلي مروري

 

[eman12]

الله يرده لج بالسلامه ياقلبي

 

[حرم يوسف بيك]

رد : عندي خبر

الله يرجعه بالسلامه ويعطيه الصحه والعافيه

 

[مــارووكوو]

رد : عندي خبر

الله يتمم عليك فرحتك ..
ويلبس زوجك الصحة والعافية يارب

 

[hم حيدر]

الله يقر عينج بشوفته سالم ومعافى يااااااارب

وتكون سنة خير وسعادة وصحة عليكم

البنات ما قصروا وصج فكرة العشا العائلي وااايد حلوة

 

[مناير ...!]

رد : عندي خبر

الله يرده لج حبيبتي بالسلامه ويفرح عيونج بشوفته

 

[مرتاحه]

ان شاء الله يردلك بالسلامه