صباح الخير حبيباتي شلونكم
كل عام وانتوا بخير وان شاءالله هالسنه تكون حلوه على الكل وتكون خاليه من المشاكل
حبايبي عندي سؤال لأهل الخبره جزاكم الله خير
آنا صار لي جريب السنتين متزوجه ولله الحمد ماعانيت من مشاكل تناسليه من قبل اللهم قبل تقريبا 10 أيام حاشني التهاب بدايه كنت أحس نفس الماي ينزل معاي وبعدها بجم يوم بدت تصير معاي افرازات لونها أبيض وللأمانه شكيت إن ريلي أهو السبب مادري ليش .. عموما .. رحت عند د. ريم صافي ( بليز اللي جربتها تقولي هل هي مضبوطه 100٪ ولا أروح عياده ثانيه )
المهم خذت مني خمس عينات وقالت لي عندج التهاب اسمه شي بلازما مو ذاكره اسمه بالضبط وعطتني تحميله وحده اسمها lomexin حطيتها قبل أمس وقالت لي عادي الالتهاب ممكن يكون من النظافه الزايده واستخدام الغسول بكثره أو مثلا من مراحيض المجمعات أو المطاعم وهم طلبت من زوجي يفحص للاطمئنان أكثر
المشكله الحين عندي سؤال هل التحاميل تغير الهرمونات ؟؟؟
لأن دورتي الحمدالله منتظمه وآخر تاريخ لها كان 7-12 بس بعد ماحطيت التحميله .. قعدت أمس من النوم ولا الدوره نازله علي مره ثانيه خلال هالشهر !!!
بنات بليز فيدوني هل إنه شي طبيعي إن الدوره تيي مرتين بالشهر ؟؟؟
لأن سألت اختي قالت إن التحاميل تلعب بالهرمونات فهل كلامها صح ؟؟
واللي حاشتها نفس حالتي تفيدني شنو سوت وأكون شاكره لكم*
