عندي استفسااار لا تردوني ابي اعرف؟

[أعشقه]

بنات انا تعبانه نفسيتي حيل واربي جالسه اهوجس وربي ادري تعبتكم معي
بس والله وش اسوي حاولت اني مااجي ولا اكتب بس مايدعيني قلبي ابي ارتاح واتطمن
انا خايفه بقوه من الولاده وربي بموووت من الخووف مع اني جربتها عندي بنت
بس الحين مهوب قادره استوعب هالفكره .. مدري لان سمعت عن كثير ناس مانو وهم يولدون
ومن جاني النزيف وانا قمت اهلوس اقول اذا هذا بدايتها شلون بعدين
عندي كم سؤال ابي اسالهم وسامحوني اذا ازعجتكم ..
ابي اعرف وش الاسباب الي تخلي الوالد وهي تولد تصاب بنزيف ..
يعني وش الاسباب .. وشلون تتفادى لو بيحصل معها نزيف ان مايصير ..
وانا خايفه ان الحين معي نزيف ومن اتحرك يرجع علي ابي اعرف لو جيت اولد بيرجع علي النزيف ولا شلوووون .. ؟
وش اسوي تعبت من التفكير فيدوني ..
جزاكم الله كل خير ..

 

[يحبني برشآ]

عادي حبيبتي ياكثرهم اللي فيهم نزيف وهم حوامل
وقت الولاده مايصير فيهم شي ..
تعوذي من الشيطان وهذي وساوس كل وحده حامل ، اختي ليل نهار بس تبكي وتوصينا على عيالها
واختي الثانيه موسوسه ان جنينها مشوهه بسم الله عليها ولدت وجابت قمر الله يحفظها

 

[yasmeen_q8]

شوفي انتي نفسي سانا كنت اقول جذي كنت اقول اني بموت وتييلي هالافكار وهالهواجس واكثر اقعد بالليل اطالع ريلي وابجي اقوله يا ترا بتنساني وتنسى كل اللي سويتلك اياه لو صار فيني شي
وبتتزوج وشلون بتكون مرتك ......الخ
وكنت ابجي حييل واقوله سامحني لو بيوم غلطت عليك او اذيتك
كنت اصلا مو متخيله اني اقدر اولد
وكنت اقول يا ترا بشوف ولدي ولا لا ؟! وشلون بيكون شكله
وكا الحمدلله ولدت وولدي جدامي

هذي هواجس من الشيطان
وكلي امرج لله

واذا عالنزيف كلمي الدكتور او لدكتوره يسوونلج تحاليل سيولة دم

 

[المها الابيض]

انا صار معاي نزيف بالولاده لاني كنت استعمل بيبي اسبرين
والدكتوره قالتلي قطعيه اول مادشين التاسع عشان مايصير نزيف بالولاده
وصار فيني نزيف بس الحمدلله سيطروا عليه ووقف لله الحمد
خلي ثقتج بالله قويه وان شاالله الله يسهل عليج وعلينا ونولد بالسلامه

 

[*مطبخ الذواقة*]

تعوذي من ابليس حبيبتي

عسى ربي يقومج بالسلامة

لا تدشين الولادة وعندج هالافكار ترى مو زين

 

[أعشقه]

والله مدري وش اقول لكم
والحين تو رحت المستشفى وخوفوني زووود
قلبي يوجعني اكثررر
قالو لي ان المشيمه نازله وقريبه عند عنق الرحم وقالت لي هذا خطر
قالت لي ارتاحي قد ماتقدرين لين تولدين وقالت لي وقت الولاده لازم الي بيولدونك بشويش عشان ماتتذى المشيمه وتتاذين انتي والجنين والله احس خايفه ياربي وش اسووووووي ابي ارتاح ويروح هالخوف من قلبي ..
اشكركم ع ردودكم وادري ان كل شي بيد الله وربي هو قادر ع كل شي
بس الواحد يدور له ع اي امل لعلى وعسى تتغير نفسيته او شي ..
ربي اسالك بحق السموات والارضين انك تيسر علي ولا تعسر ..
شاكره لكم مروركم

 

[love u 4ever]

تعوذي من إبليييييييس ومالج إلا ربج .. توضي وصلي لج ركعتين واقري قرأن .. وشغلي وقتج بالاستغفار والأذكار ..

حبيبتي لا تحاتين احسني الظن بربج ..

لا تفكرين وحاولي تشغلين نفسج ..

تقومين بالسلامة يارب ..

 

[أعشقه]

الله يعيني ويسهل علي وعليكم يارب
الخوف غصب عني والله