عندي اسئلة خاصة بفترة النفاس ..

[umm-7asson]

السلام عليكم ...

أبشركم بولادتي الاسبوع اللي طاف والحمدالله قمت بالسلامة بفضل من الله ...

وانا ألحين بفترة نفاس وانا حدي موسوسة من سالفة ما أنظف عدل من النفاس وللعلم هذي أول ولادة لي فأبي نصايحكم من أشياء لازم أبتعد عنها واشياء لازم آخذها وأدوية النفاس ( بليز عطوني جدول النفاس الصحيح لأخذ الأدوية ) وعندي سآل : هل كثرة غسيل الجسم والشعر يؤثر سلبا على الجسم بفترة النفاس ، وشلون أقدر أوخر بطني ومتى أقدر ألبس الكورسية عشان يشيد بطني .

أنا آسفة كثرت أسئلة بس عذروني حدي موسوسة من سالفة اني اخترب

 

[اهـات]

الحمدلله على سلامتج ومبرووك ماجبتي

برنامج النفاس في وحده هنا بالمنتدى ماشاءالله عليه كاتبه طريقه النفاس كلها

واذا على اسبوح في ولادتي الاولى كنت اسبح كل يومين ماضرني والحمدلله


والمشد تلبسينه بعد عشر ايام من الولاده

 

[ام حلا وهلا]

الف مبروك يتربى بعزكم النظافه مطلوبه بس بدون منكثر من غسل الراس اغسلي جسمك يومين بس لاتعرضي للبرد والراس لازم تغطينه الهواء يلعب في النفاس عمتي عجوز وتعرف علاجات النفاس والحمدلله كل نفساتي حلوه وانصحك بشرب قشر القهوه والله يرجعك مثل اول وفيه عند العطار حاجه اسمها رزنه حطيه مع التمره مع الرشاد ممتازه والله يطلعك بالسلامه

 

[الأميرة جوري]

الحمد الله علي السلامه ....اهم شيء ديري بالج من البرد وشربي شغلات دافيه ولاتنسين الحسو

 

[ام اغلى الناس]

عادي لو تتسبحين كل يوم المهم تتدفين وتنشفين عدل لايجيج هوا
الكورسيه البسيه بعد النفاس باسبوع او عشر ايام
من الصبح ل الليل
يعني طول اليوم بس وقت النوم قطيه
اكلي رشاد بالتمر وشاي اعشاب وحلبه

 

[umm-7asson]

مشكوريييين على الردود الطيبة والله يسلمكم ويبارك فيكم ...
ومشكورين على النصايح الطيبة الي مثلكم

بس عفوا شنو قشر القهوة و الرزينة شلون طريقتها !!!

 

[حرم_طيار]

اهم شي دفي نفسج وشربي الأعشاب الي اتنظف زعتر-دارسين-كراويه-بابونج -ينسون وخري عن المرميه
غطي راسج على طول
وليسي دلاق
وخري عن الاشياء الي اتسوي إمساك
كثري شوربه وايدام عشان اتشدين عمرج

 

[star girl]

هم أنا مثلج بجر ومو عارفه شي
انشالله البنات ما يقصرون
اب
اب

 

[لوفيه]

ديري بالج الجو بارد الحين لاتتعرضين للهوا

وبخصوص المشد اذا ربطتيه وحسيتي بعوار

شيليه بسرعه لانج قاعده تضغطين على رحمج

وهالله هالله بالادويه وابتعدي عن البيبسي واي شي بارد

واللبن والروب يوقف الدم وخري عنهم عشان تنظفين

موووفقه يااارب

 

[ارجوانية]

ماشاء الله الف الف مبروك
والله انا بحملي الاول كنت عند الوالدة
وماشلت هم كل شي جاهز والحمد لله
ماصارت لي مشاكل ..
واللحين انا حامل وخايفة لاني مااقدر
اسافر عند اهلي يعني بكون لحالي بالنفاس
ونصيحتي اكلي التمر مع حبة البركه
والحليب الدافي مع الفلفل الاسود
والله يقومك بالسلامه ..
واتمنى من البنات اللي كانت لحالها تقول لنا
تجربتها وكيف اهتمت بنفاسها
وشكـــــــــــــــــــــــــــــــــــــرا​

 

[السيدة الصغيرة]

حبيبتي لازم تكونين مجهزه ادويتج قبل لاتولدين
اخذيهم جاهزين في واجد حريم شاطرين بشغل الادويه
اهم شي اللهوم والتمر مع الرشاد وشاي اعشاب يطلع الهوا
وفي تحاميل حق اخر عشر ايام والمره والملح الخشن لنقوع
ماتشوفين شر حبيبتي

 

[AL-DMERA]

اهم شي تملين بطنج ,,
لاتكثرين وتحوسين بهالأدويه ,,
اهم شي التمر مع الرشاد ,, شراب الينسون مع الكمون ,,
والحبه السوده والحلبه مع الأكل طبخيهم ,,
شرابي الحليب مع الحلبه يومياآ ,,
هذا اللي ماشيه عليه آنا والحمد الله ,,
تطلعين بالسلامه ان شاء الله ,,

 

[umm-7asson]

انا أحس ضايعه وايد مع نصايحكم لأن وايد أشياء ما أعرفها ..
لان انا عليمية شنو حبة البركة وشلون أخلط الرشاد مع التمر حدي ضعت

 

[bubble.gum]

امي طبعا ما تعرف شي اتقولي نسيت مادري شنو ياخذون هههههههههه .... فقلت خل الحق علي عمري طلبت من ام خالد الهاجري ادويه النفاس شحلااااته يهبل وكل شي كاتبت لج بالتفصيل الممل ارتحت له وااايد

 

[دلوعة مبارك]

حمــــداللة على سلامتج


وحيل اسمع بأم خالد الهاجري والناس تمدحهاااا حيل واذا ع برنامج النفاس مراح يقصرون البنات بتلاقين طلبج ان شاء الله

 

[غلا عموري]

مدامك ضايعه ماتعرفين لشي
انصحك تروحين تاخذين ادوويه من اي وحده ثقه
البنات يمدحوون ام خااالد
خذي منها واتبعي برنامجهااا لنفااااس احسن بوايد
طيعيني كذا مراح تعرفين لشي

والله يووفق ويسعد الجميييييييييييييع

 

[بتيخه]

زين بنات بجم كورس النفاس مال ام خالد الهاجري وطريقة استعماله