اختي (دعواتكم) بقولج نصيحه عشان باجر بالمستقبل ان شاءالله بتلقين بناتج (يدعون لج)
حبيبتي لالالالازم لالالالالالالازم تهتمين فيهم
لا تقولين مالي خلق وما استمر
حرام اهما بهالعمر ومن اولها سشوار
شوفي حبيبتي البساطه والاستمرار اهي اللي تعطيج نتيجه
لا تهبين بخلطه فيها مليون شي وشي وبعدين تملين
انا امي الله يذكرها بالخير ويحفظها ويحرم ايدها من النار
من يوم كنا صغار مرتين بالاسبوع دهن حل هههههه على قولتهم جوزالهند.....اثنين وخميس او جمعه
وبين فتره والثانيه حنه
ووقت التمشط اي كريم تاخذ بيدها نتتتتتفه وشويه ماي
والله اشوف صوري وانا صغيره تخنقني العبره اقول لها يما هذا كان شعري؟ قالت اي طول الله عمرج لاني انا مجابلته
اهو لمعععععععه اهو نعووووووومه اهو كثااااااااافه اهو طوووول
وغير انه مرررررتب وحركات وقت المدارس.....حتى الابلات يسألون من وين شباصاتج من كثر الفناتق اللي كانت تسويها امي
بس كبرت وانا اللي استلمته خربته وحرقته بالسشوار والصبغ
وهم مثال ثاني......وحدة تصير لنا عندها 3 بنات....في بدايه زواجها مهملتهم وبس اهي اللي تكشخ
والبنات شعووووورهم اتييب الهم .....مللللللللحه وكشششششششه وخشنه وردات وخفيفه وتقصف وحاااااااالتهم تكسر الخاطر
وكل عله وزحير بشعرهم اللهم لاشماته
بس بعدين الام فطنت(الظاهر سمعت لها كلمه يمين والا يسار)......يمكن لما وصلت بنتها العوده 4 ابتدائي. بدا الشغل....جابلتهم مجااااااابل
تقول الدهن والصبار مااااااااااااااا نستغني عنهم
الحين ماشاءالله تبارك الرحمن شوفي شعورهم ترد الروح.....يلعبون فيه لعب بالقصات والفناتق......حتى الصبغات ماقامت تأثر فيهم لانهم مستمرين على نظامهم بسيط وسهل
وكاهي بنتها العودة ماخلصت الثانويه الا اهي مخطوبه.......كل شي نصيب بس والله لو كانت على حالها قبل ان محد يطل بويهها من كشه كانت عليها
سوري قرقت عليج بس حبيت انقل لج تجارب واقعيه مني ومن غيري......واقول لج
