عندما تتفاجئ اثناء الطبخ ..................................

الحالة
مغلق و غير مفتوح للمزيد من الردود.
إنضم
5 سبتمبر 2011
المشاركات
245
مستوى التفاعل
0
النقاط
0
الإقامة
كويتية
كثير منا إذا فكرت تطبخ وإذا جتها الهمة .. وحددت الطبخة الي تبيها تتفاجئ إن بعض المقادير ناقصة
فمالحل؟؟؟


هناك بعض البدائل:

سأبدأ بحليب النستلة
فكرتي بحلى وكل المقادير توفرت إلا حليب النستلة أو الحليب المركز ماكان متوفر عندك
البديل كأس حليب جاف + كأس سكر بودرة + بيالة ماء(قد تحتاجي لإضافتها )
ضعيهم بالخلاط لتكتشفي أنك صنعت حليب مركز بكل سرعة وسهولة ومقاديره غالبا تكون متوفرة


======

اذا البسكويت خلص وبتسوين حلى
استخدمي الكورن فلكس اطحنيه


اذا القشطه خلصت
استخدمي 3اكواب ماء+2كوب حليب بودره+شوي سكر+3ملاعق دقيق+ملعقه ماء زهر +ملعقه ماء ورد
الطريقه
نذوب الحليب البودره في ماء ثم نظيف الدقيق+السكر نضع المزيج في قدر على النار متوسطه مع التحريك المستمر
عندما يغلى المزيج نضيف ماء الورد والزهر مع التحريك حتى يشتد ثم نستخدمها في حشو القطايف والحلى عموما


=====

والنشاء اذا مافيه
استخدمي الدقيق العادي مثلا تبغي تعملي حشوة الكنافه واكتشفتي ان مافيه نشاء استخدمي الدقيق

====

كثيرا ما نحتاج مخلل بوقت سريع .. وتصنيعه يحتاج فترة طويلة تستغرق أياما
اكتشفت طريقة تجعلك تصنعين المخلل بأقل من ربع ساعة
وهي تجيبي خيار وتقطعيه بالطول 4 قطع .. وتحطيه بقدر وتضيفي له فصوص ثوم وكأس خل ونصف الكأس ماء وشوي ملح ..
وأشعلي النار عليه ربع ساعة ويتكون عندك مخلل لذيذ
جربوه مع غير الخيار ينفع أيضا

===

اذا كان عندك حساسيه من البيض في الكيك والمعجنات
استخدمي بداله زبادي كل ملعقه كبيره من الزبادي عن بيضه


===

بغيتي تتبلين مشاوي ومالقيتي زبادي
ولايهمك اللبن حاضر ويقوم بنفس العملية


===

بديل الكاتشاب لنقع لحوم المشاوي او حتى للاكل مع البطاطا
كوب صلصة بندورة و نصف كوب سكر و ملعقتين خل


الكريما / زبدة مخفوقة مع حليب كامل الدسم


الزبادي/ حليب دافيء مضاف لكل كوب ملعقة خل او عصير ليمون
لا يتم تحريك هذا المزيج لمدة 10 دقائق

===

بدل الدريم ويب
علبة قشطة ,ملعقتين سكر ,ملعقتين زبدة
ويخلط على النار الى ان يذوب السكر وينتج عندنا دريم ويب

====

مافيه مايونيز بسيطة
بيضة واحدة + ثلاث ملاعق كبيره خل + ملح ملعقة صغيرة + ثوم حسب الرغبه ..
توضع بالخلاط إلى أن تتجانس ثم يصب الزيت بالتدريج ملعقة ملعقة إلى أن يثقل قوامها وتصبح كقوام المايونيز بالضبط

====



إذا خلص البرتقال والحلى أو الكيك في مقاديره برتقاله
ممكن تحطين ملعقة عصير تانج البرتقال وتطلع شي

====

خلص الطماطم عندك وبتسوين كبسه او مكرونه اوايدامات
بس استخدمي معجون الطماطم والسر زيدي عليه شوي سكر
(بالنسبه للسكر الهدف منه تعديل النكهه وليس التحليه ..ولأن الكميه بسيطه مايحلي بس يعدل النكهه ويقضي على حمضة الطماطم)

====

ماعندك فانيليا علشان مايبين نكهة البيض في الكيك
ممكن تضعين ملعقة صغيرة خل بدل الفانيلا لتقطع نكهة اورائحة البيض
وممكن بشر الليمون يغنيك عن الفانيليا

====


واذا فيه حلا يحتاج جيلي فراوله مثلا وماعندك
استخدمي عصير فيمتو + ملعقتين نشاء
ممكن تحطي سكر او لاحسب الرغبه وحركيه عالنار لما يثقل وكملي حلاك بكل ثقه

=====

اذا ماعندك بسكوت للحلا
ممكن تستخدمي التوست او الصامولي بعد ازالة القشره الخارجيه شرط تبليله بحليب محلا عشان يعطي طعم حلو
ممكن ايضا استخدام الكيك بدل البسكوت

=====

بالنسبة للشوكلاتة لو بتعملي حلا وماعندك شوكلاتة جالكسي او هيرشي
ذوبي مقدار زبدة على النار واضيفي بودرة شوكلاته نسكويك او اللي موجود لحد ماتغلظ وزيني فيها دوناتك او كيكاتك او حلوياتك

=====



بعد اذا اشتهيتي اندومي ولاعندك اندومي
حطي شعيريه وبعد ماتستوي حطي مكعب ماجي وفلفل اسود وكاري وممكن زبده وبس وعليك بالعافيه


=====


ذاك اليوم صلحتي تبوله بس البقدونس مايكفي
عادي جيبي جرجير وقطعيه صغار وحطيه معه يطلع روعه ولااحد يدري انه جرجير وتصير طعمها يجنن

=====


بتصلحين بسبوسة ومالقيتي قشطة
الله يخلي الزبادي يبيضها
 

ام الدرر

*عضوة في قروب رباط الاخوة*
إنضم
17 فبراير 2009
المشاركات
7,471
مستوى التفاعل
5
النقاط
0
مشكووووووووووورة حبيبتي عالمعلومات
 

جارة القمر

**مشرفة قسم مائدتك**
إنضم
2 أبريل 2005
المشاركات
64,020
مستوى التفاعل
5
النقاط
0
العمر
46
مشكووووووووووووره علي النقل الحلو
 

حبة جالكسي

New member
إنضم
6 سبتمبر 2011
المشاركات
589
مستوى التفاعل
0
النقاط
0
الإقامة
في قلب حبيبي...ومترررربعة
طيييييييييييييييييييييييييييييييييب سؤال صعب اذاخلص جبن الفلاديفيااااااااااااااااااااا؟؟؟
اتحداك تجاوبين هههههههههههههههههههههههههههههههههههههه
 

$ لازاورد $

New member
إنضم
6 أكتوبر 2011
المشاركات
290
مستوى التفاعل
0
النقاط
0
العمر
38
الإقامة
الكويت
يعطيج ألف ألف عافية
موضوع مفيد وااايد
بسوي حلو ومأجل عشان النستلة
مشكووووورة :e3:
 

برنسيسة2007

New member
إنضم
11 يوليو 2007
المشاركات
1,896
مستوى التفاعل
0
النقاط
0
موضوع تشكرين عليه واطلب المشرفه تثبيته

تثبيت
تثبيت
تثبيت
تثبيت
تثبيت
تثبيت


مشكووووووووره
جزاج الله جنانه وجزاج السعاده فب الدارين
اللهم اتها فتلدنيا حسنه والاخره حسنه وقها عذاب النار اميييييييييين
 

noo7a

New member
إنضم
9 فبراير 2008
المشاركات
8,367
مستوى التفاعل
0
النقاط
0
العمر
36
موضوع مفيد
تسلمين
 
الحالة
مغلق و غير مفتوح للمزيد من الردود.