عندكم خبر K850i متى ينزل؟

[جاي وحليب]

السلام .. شلونكم بنات

بغيت اسألكم اذا عندكم خبر عن sonyericsson K850i متى ينزل عندنا بالكويت؟؟؟

انا وصلني ايميل من سايتهم انه اهوا متوفر بالاسواق حاليا بالشرق الاوسط.. ولما جيكت عرفت انه نازل حاليا بس بالامارات .. واحنا كله اخر الناس
عموماً .. اكيد في وايد غيري ينطرونه .. فـ نزلت هالموضوع على اساس
اللي تكون بالسوق وشافته ولا ساءله عنه وحصلته .. ياليت تبلغنا اهني ويعطيكم العافيه

انا منزله عنه موضوع من قبل تقدرون تشوفونه اهني...

الموضوع


واهوا مميزاته قويه .. واللي يميزه ان الكاميرا 5MP

 

[TooToo]

لا والله حبوبه ما ادري عنه --مري محلات التلفونات وشوفي بمكن نزلوه

وهذي صورته

 

[SILVER ROSE]

على جم تقريبا سعره؟

 

[Pink GirL]

هلا جايونة
انا مثلج ناطرته قالولي ان صارله ايام نازل بالامارات عاد نطري متى ينزل عندنا
يقولون سعره تقريبا 200 دينار

 

[جاي وحليب]

اي انا ادري ان ليلحين مانزل عندنا ..
بس ناطره وقلت احط الموضوع اللي تستخبر قبل تفيدنا

وصاجه بنك قعدي نطري على ما ينزل عندنا.. بس ترى سعره بالامارات 2300 درهم
يعني يطلع بحدود 175 كويتي.. جذي مناسب بس خوفج الاسعار تفرق عندنا عن الامارات كالعاده ويصير فوق الميتين

 

[زلابيا]

هلا جايونه

انا بعد ناطرته ووصيت اخوي يوم راح دبي يشتريلي اياه .. وقالي ان نزل عندهم وسعره بحدود ال 200 بس قالي اني اشتري من الكويت احسن لأن بعد جم يوم ينزل وهذا انا ناطره على احر من الجمر

 

[Pink GirL]

لووول بيصير هجوم عليه ,, عاد عسى يسوى هالنطرة

جايونة توقعي انه سعرة اكثر من دبي لأن معروف الالكترونيات بدبي وايد ارخص من الكويت

 

[supermarket]

جايونة شنو يفرق عن كي 800

تليفونا العزيز

علشان انا بعد ابي منه

 

[ToOTOoWa]

على مااعتقد نزل بالكويت عند البراك بس السعر والله مادري
لانه انا مثلج عندي k800i وناطرته ينزل عشان اشتريه

 

[جاي وحليب]

هههههه اي والله شكله بيصير هجوم ...
عاد ونرد نسوي تجمع للموبايل K850i بالمنتدى.. تذكرون ايام يمعة الـ K800i لما كنا نفيد بعض بالاكتشافات الخطيره اللي نعرفها بالموبايل ههههه


سوبر ماركت..
يفرق بالمميزات اول شي واهم شي الكاميرا باليديد 5 MP
الشكل والتصميم يفرق بشكل كبير.. واذا ماني غلطانه الدقمه اللي بالنص انلغت صارت بس الاسهم
وشغلات ثانيه عاديه ممكن تشوفينها بالموضوع ومميزاته اللي انا حاطته من قبل بالمنتدى
الموضوع


او بهالموقع للموبايلات.. فيه مقارنه تختارين شركة الموبايل + الموديل..
وتقارنين .. حلو ووايد مفيد
http://www.newmobile.nl/eur/en/submit_compare.php

 

[زلابيا]

اليوم رحت سيليكوم اللي بالمنشر وسألت عن التلفون وقالي احتمال على الاسبوع الياي ينزل ان شاءالله .. يوبيييييييييييييييييييييييييييييييييييي لوووووول

بس بط جبدي يوم قتله يعني جم تتوقع سعره زين ماكفخني حلايا ويهه

 

[جاي وحليب]

ههههه شكراً زلابيا على هالخبرالحلو

 

[MaYoOoma]

والله انا ناطرته بعد وصارلي جم يوم احوس بالنت اقرى عنه
ترى المميزات كلش كلش ماتفرق عن K800i و K810i ماعدا الكاميرا والشكل
وترى اسعار الكويت ودبي صارت نفس الشي يعني ماراح يصير سعره اغلى من دبي

وبعدين انتو نطرتوا كل هالوقت نطروا عليه شهر عالاقل من ينزل وشوفوا شلون ينزل سعره
عن العيله

 

[MaYoOoma]

يبتلكم اخر الاخباار
نزل الكويت عند البراك
وسعره 180 دينار
بس يقولون وصلت منه كميه وكانت كلها محجوزه

خل اشوف بعد شاليديد وارجع اقولكم

 

[MaYoOoma]

يقولون فيه عيب ان اذا كنتي تتكلمين فيه و ياج خط ثاني او مسج ، الطرف الثاني من المكالمه يسمع صوت الخط الثاني او المسج بنفس النغمه اللي عندج
ومايندرى اهوى عيب من جهاز هالشخص نفسه والا كل الاجهزه جذيه

خلكم معاي ماخلصت

 

[MaYoOoma]

طلع العيب من الجهاز نفسه
بس اللي تشتريه تجيك عليه عدل احسن

 

[MaYoOoma]

وهذيل صورتين منقولين من موقع ثاني

الفال لنا يارب

 

[MaYoOoma]

بس يا بنات نطروا لا تتسرعون وتشترونه لان الدفعات الاولى دايما فيها مشاكل
نطروا عليه شوي واخذوه احسن يكونون مطورين السوفتوير وشغله كله مضبوط

 

[MaYoOoma]

خبر ثاني مو حلو

يقولون اذا نزل بالمحلات سعره راح يكون 220 دينار

بس انا ما اظن اذا الوكيل يبيعه 180 !!

 

[MaYoOoma]

نزل في يوريكا كفالة البراك 180 نفس السعر

وبعض المحلات بشرق 215 بدون كفاله

ترى نازل صارله جم يوم بس

وانا متفرغه تالي الليل من منتدى لي منتدى اشوف اسعاره ومشاكله هههه