~ عندج قصة حب ،، سمعتيها او تعرفينها ،، تعالي ~

[{ عبره وهلت }]

:68_asmilies-com:


مرحبا يا بنات شلونكم ؟؟

حبيت بهالمووضووع نسولف مع بعض

وكل وحده تقول قصة حب سامعتها او

مرت عليها يعني من الاهل اوصديقاتها

او اسمعت فيها ،،،

عالعموم :

اترك الموضوع لكم ولا تفشلوني
ابي ردودكم ،،

وانا راح اكتب لكم بس لما اشوف

التفاعل ان شاء الله ..

 

[بدوره 22]

وناسه موضوعج حلو

انا سمعت مره ان اكو اثنين يحبون بعض من قبل الغزو

واهلهم ما رضوا يزوجونهم ..


البنت راحت بنصيبها .. والمسكينه ترملت بالغزو لان زوجها شهيد ( يا بخت عينه )

وخطبها حبيبها الاولي وسبحان الله صار نصيب


واعرف ناس مناسبينهم

كانوا يحبون بعض بس طلعوا اخوان بالرضاعه ..... شي يعور القلب

امممممممممممم


اذا تذكرت شي بقولج

 

[{ عبره وهلت }]

شكرا على مرورج حبيتي ..





تفآآآآآآآآآآعل

 

[{ عبره وهلت }]

انا راح اقول قصه ... القصه تقريبا من سنة 2002 م
يصيرونلنا من بعيد ..

قصة البنت امنه كان يحبها واحد يصيرلها اسمه عادل .
وكانت المواقف دايم تصير بالمناسبات العيد والعروس ...
وكان الحب بالنظرات على قولتهم ، وكان لما يشوفها طالعه من العرس
او بالعيد واهي اتحرى العيد علشان شوفته .. الى ان تخرجت من الثانويه
وهو بعد لان كبرها ؟؟؟!!

خطبها كان في البدايه تعارض الاهل ..؟ لان الولد الصغير اما البنت كانت
عادي هذا سن الزواج عندهم .. الى ان حوالت امه ان تقنع اهلها لان الولد
كان تتعب نفسيتها خايف ان البنت تروح منه لانها اللي يجونها واجد ..

عالعموم مالكم بالطويله .. وافقوا اهلها بس تاخروا بالملجه شوي من اهل البنت

الى ان اتصلت خالت الولد يعني تبي تفزعله وقالت لابوها لا تحرمهم من بعض وانت تعرف العشق ... !!!!!!

الابو عصب وقاااال ماعندي بنات تعشق ........ وافسخوا الخطبه وزوجت وهو تزوج ..

وبوقت البريشوفون بعض على ابو انهم عادي لكن مبين عليهم .... !
سمت ولدها الثاني عادل ... & ... وسمى بنته الاولى امنه ,,,

ملاحظه : غيرت بالاسامي !!

واتمنى التفاعل

 

[*بنت السعوديه*]

مشكوره على الموضوع الحلو
سمعت هذي القصه وحبيت اطرحها لكم
قصة بنت انخطبت من واحد من اقاربهم المهم الولد طلب يشوفها النظره الشرعيه ولما شافها ععجبته كانت كامله في كل شئ ادب واخلاق ودين بعد مرور يومين انتشر موضوع الخطوبه والكل صار يعرف وبعد فتره اتصلوا اخوال البنت وقالوا ان الولد موكويس وعنده حركات مع البنات رفض الابو ان يزوج بنته من واحد عنده مثل هالحركات وردو عليه ان البنت ماتبيه من كيفيها تعب الولد من يوم عرف برفضها وتعب اكثر لماعرف انها انخطبت من من واحد ثاني وان ملكتها قربت اهو صح عنده حركات البنات بس تركها من لما خطبها وحبها المهم البنت تزوجت اهي صح تعلقت فيه بس نسيته من لما تزوجت والولد خطبوله وحده وملك عليها بس مازال يتذكر البنت الي خطبها ويتمنى ينساها ويعيش حياة سعيده مثل ماهي عايشه حياتها
اتمنى تكون اعجبتكم القصة

 

[{ عبره وهلت }]

^
^
^

مشكوووره حبيتي على مرورج ..

 

[{ عبره وهلت }]

ررررررررفع لعيووووووووني ؟؟

 

[Mrs.Q]

كل قصص الحب حزينة استغفر الله ..
كتبوا شي حلو =)

 

[{ عبره وهلت }]

كل قصص الحب حزينة استغفر الله ..
كتبوا شي حلو =)

هلا حبيبتي ::..:

الموضوع قصص حب اياً كانت ..

انتي عندج قصة حب حلوه كتبيها ..

وحياااج الله يا اختي :68_asmilies-com:

 

[& حكاية حب موعود &]

بعد نبي قصص
ياااازين الحب زينااه بس يعور القب

 

[{ عبره وهلت }]

^
^

مشكوره حبيبتي على المرور

كتبي اللي مر عليج لو قصه..

وحياج الله

 

[mnoo33]

انا عاااااااد قصه يقوقلون انها صارت بالكويت


كان ياما كان

واحد متزوج له وحده ماتصير مو من قبيلته . بعد كم سنه من زواجه حلفت علية امه انه يتزوج بنت عمه . و واقف بعد ما اقنعته زوجته( تضحيه) . و تزوج بعرسه قالت زوجته لازم احضر عرسك ومحد يزفك غيري . جت العرس . ودخلت العروس و دخل المعرس . ولما دخل وقعد بالكوشه . جان تقول الطقاقه هذي اهداء لفلان المعرس . جان ترقص زوجته الاولى . اغنية لمني بشوق . هو يقولون تنح شاف شوفه تفتح النفس يقولون انصدم عويناته مغير يطالع اللي ترقص و يطالع اللي جنبه ( زوجته ملكة جمال ) بنت عمة ( جيكرة ) و هي دموعها ماليه وجهها يقولون جان يوقف ويقط بشته على الكرسي (طرزان) ويلف على امه قال اعرسو على بشتكم و يمسك زوجته ويروح فيها ....


انا عجبني بس احسه نذل بنت عمه مالها ذنب ...



عندي قصص عن اهلي بس ماراح اقول نذله

 

[حلوه الأطباع]

mnoo33

وااي عجيبه القصه يحليلهم


ومشكوره حبيبتي وسن على الموضوع الحلو

و up لعيوونج =)

نبي بعد قصص =)​

 

[حلوه الأطباع]

إي صج تذكرت قصه !


الله يسلمكم ولد خالتي بدون

و وحده من اهله صوب ابوه كويتيه

ومن يوم اهمه صغار واهمه يحبون بعض .. وسوالف الرسايل بين بعض وجذي

واستمر حبهم لما كبرو وكل واحد فيهم وصل لسن الزواج


ولد خالتي قال لخالتي عنها وقال لها تخطبها له

بس خالتي الله يرحمها ترددت اول شي وكانت خايفه ان يردونهم لان ولدها بدون مو كويتي والبنيه كويتيه
يعني صج اهمه يصيرون لبعض من بعيد .. بس هم في احتمال للرفض


فراحت خالتي لهم واخطبتها .. ورفضو

وكلمت خالتي ولدها وقالت له خلاص انسى البنيه و وخر عنها والله ماكو امل بينكم وحرام جذي

بس اهوا ماسمع كلامها وزاد حبه لها وتعلق فيها وايد بشكل موطبيعي


حتى كانت اختي مرسول الغرام بينهم لوووول مرات لما نزور بيتهم .. ولد خالتي يوصي اختي من ورانا ان تسلم له عليها وجذي لوول صج صج حب بريئ يحليلهم


المهم بسنه 2000 توفت خالتي اللي يرحمها بالسرطان

و وقتها ولدها انقلبت حالته 180% وتغير حيل

وإلتزم وتدين وربا لحبه

و وخر عن البنيه وغير رقمه علشان ماتكلمه


واهيه المسكينه حاولت حاولت توصل له بس ماكو فايده ... دقت على اختي علشان تكلمه بس اختي ماقدرت تساعدها لانه اساسا حتى احنا بنات خالته ماقام يشوفنا واعتزل عن الدنيا وتغير حيييييييييل

ودقت على اخوانه تبيهم يساعدونها بس ماقدرو عليه


و ظلو على هالحال لما سنه 2004

اهوا تغير شوي وشال لحيته واعتدل .. يعني لا دين دين ولا نفس قبل

واهيه كلما ييلها احد يخطبها ترفظه

وتسمع عن اخبار ولد خالتي من اهلها او من اختي او من اخوانه


فوقتها امي كلمته وقالت له متى تتزوج ومن هالحجي
فقال لها ماقدر اتزوج انا بدون منو اللي بترضى فيني

وقعدت امي تكلمه وتقنعه بالزواج وان لايتحبط وخليدورون له يمكن يلقون له بنت الحلال وجذي

فقال لامي عن هالبنت .. وقال لها كل شي شلون كان يحبها وشلون خالتي الله يرحمها اخطبتها بس ابوها وامها مارضو وارفظو


عاد عزمت امي ان تروح وتخطبها له مره ثانيه

وصج والله راحت امي وخالتي الثانيه عند اهل البنيه وكلموهم وجذي

اهلها كانو مترددين شوي بس امي وخالتي اقنعوهم وقالولهم ترى هاذي ثاني مره نخطبها .. وامه الله يرحمها كانت تتمناها له وبعدين اهوا ريال مايعيبه شي ويشتغل والحمدالله واذا علجنسيه فان شاءالله ياخذها

والحمدالله الله سخر ابوها و رضا

و تزوجو =)


وماشالله الحين عندهم بنت =)

وعايشين الحين احلى عيشه مع بعض​

 

[زهرة البنفسج22]

انا سمعت عن اثنين يحبون بعض بس تفرقو كل واحد منهم تزوج وجاب عيال وصدفه بالحج تلاقو هي مع زوجها وهو مع زوجته وحنو البعض ولما ردو الكويت تطلقت وهو طلق مرته وتزوجو بس ترا صج السالفه------لا والله خربت الحجه هههههههههههه

 

[{ عبره وهلت }]

^^^^
^^^
^^
^

يسلمووووووو بنات على القصص الروعه....

 

[mo9a7ya]

كملووو بنااات القصص روعه

 

[MisS * Sn3a]

أعرف مهندسه كويتية .. حبت بدون ..
وتمت 7 سنين حب بدون زواج ..
تقدم لها .. طبعاً الأهل مارضوا ..
خاصه انه العايله اصيله ومعروفه .. وهذا بدون وما يعرفونه ..
لما آخر شي .. سافرت بدون علم اهلها ووثقة عقد الزواج برا ..

صج صارت لوية وصيحه .. بس الحين الأهل متقبلين اللي صار ..
وتبون الصج !
ما احسها مرتاحه وياه !​

 

[{ عبره وهلت }]

ويه مس الله يعينها ..

بناااات يسلمووووو على القصص

لايوقف لايوقف

 

[mo9a7ya]

اعرف وحده حبت واحد 7 سنين
كان حبهم برئ يعني بس مسجات بالفون واذا بكلمها يكلمها بالويد اند بس
كانو اهل الصبي رافضين البنت ولما وافقو اهل الصبي
البنت انخطبت وتزوجت
بعدين البنت سكنت بشقه والا يطلع بيت حبيبها جدام شقتها
وبعدين صار بينهم نظرات لي ما الصبي تزوج

حراام يكسروون الخاطر