جاي الضحى
New member
- إنضم
- 29 مارس 2008
- المشاركات
- 1,012
- مستوى التفاعل
- 1
- النقاط
- 0
الله بالخير عسولات
كلنا نحب تراثنا واهلنا الاوليين وحجياتهم ومواقفهم وحزاويهم إلي تونس...وأكيد ما ودنا إن تراثنا ينسي ولا يندثر...في هالموضوع نبيج تشاركينا في مواقف أو كلمات غناوي كانو يغنونها لكم أو كلمات كنتي تسمعينها من يدج ولا يدتج أو أهلج الأولين بس ما قمتي تسمعينها وايد الحين ...وأنا ببدي عشان أوضح الصوره أكثر...
كنا الله يسلمكم يا طويلات العمر كل خميس نزور بيت يد أمي الله يرحما...تشوفينا طول اليوم مستانس في عياله وعيالهم وعيال عيالهم ....قاعد يم مطاراتا الجاي..:eshrab:....والضحكا شاقة الحلج ما شاء الله عليه..:eh_s(6):...بس لا يصير الليل..
. من يصير الليل...تشوفنا قام ومسك عصاته وقام يغني ويقول: جلوووووح مالوووووح إلي يدل بيتهم يرووووووح..:eh_s(4):..اليهال تشوفينهم: يبا تطردنا!!... توو الناس ......واهو أبدان... صار الليل ياعيال...ويرد يغني...جلوح ملوح....<<<والله ما ينلام من الصبح وهاليهاهيل والخدم صيحه مستجله ولوية....يزينها كانت من أيام.... كانت احلا طرده.... كنا نستهلها....لول وهذي كلمات غنيية كانت يدتي تغنيها حق اختي يوم كانت بالمهاد ليمان تعطس...شتقول...تقول لها أول طبعاً يرحمكم الله وبعدين : "عشتاي...عشتي وعشعشتي وبيت أبوج نبشتي وبوقتي ونحشتاي...." من وين ييباه هل حجيات ما أدري؟!!!
وعلى طاري حزاوي...منو فيكم تعرف قصه سرور؟ كانت يدتي تحازينا فيها " سرور ذبحتا مرت أباه ..إديياته وإرويلتاه...تحت مربط خيل أباه" ...ها عرفتوها؟
وراح اختم في موقف من مواقف يدي الله يرحما...تعد علينا أمي انا كان أوال ما يعرف يسوق....
..وكانت عندا ذيج البوكس...شطولها السياره.....وتعالي بالدوار شوفي الرعب...خالاتي وخوالي واهم معاه بالسياره..:eh_s(2):..نوصل البيت ولا ما نوصل....وإذا حمق وعصب على الأوادم....:eh_s(14):.قام وتفل....ويه فشلا الناس عيب......بس السالفه مو جذيه ....السالفه اهو يتفل...والدريشا مصكوكا..وتعالي شوفي...الله يرحما برحمته...كان إنسان طيب بس حار وماكو مجمالات....لول ها يا بنيات عسى ستناستو...يالله الحين دوركم..:eh_s(6):...سولفوو لنا عن مواقق وحجي اهلكم الأولييين...خلونا نسترد الذكريات وونعيد حجي وسوالف أول ونوسع صدورنا بسوالف عن تراثنا
