عندج حوض سمج بالبيت تعالي نتبادل الخبرات

[بنت عبدالغني شربت]

حياكم الله بنات بتبادل الخبرات لتربية الاسماك بالبيت

 

[supermarket]

هلا شربوته ... ومبروك علينا القسم اليديد

انا من مربي السمج سابقا بس تركتها لان يبيلها مقاقة

وكنت اشتري كل اغراضي من محل بالمثنى صوب مصلى الرجال

واي سؤال تبونه من عيوني ... اذا اعرفه راح اعطيكم من خبرتي

 

[غيمةالشوق]

انا عندي حوض سمج وصالهم الحين عندي 3 سنين ومن الشغلات اللي اسويها ولاحظة انها تخليهم يطولون عندي اني كنت اعطيهم الاكل كل يوم مرة وحدة بس انظف الحوض كل اسبوع مرة ومن شلة الاضائة اللي كانت بالحوض انهم طول الان قبل كانو يمتون عندي بسرعة

 

[^^نـــواره^^]

هلا بنوتات، صج صج كنت محتاجة هالموضوع الله يسلمكم عندي حوض سمك بالبيت كبير اللي عرضه يصير اكثر من متر، شاريتيه من شويخ، بس الهندي اللي هناك عطاني حقه فلتر صغير من النوع اللي يصير داخل الحوض، وطبعا ما ينظف شي، كل يومين امر اشفو الحوض حددددددددددده وصخ، فقلت ما كو الا اشتري فلتر كبير بس ما عندي خبره كلش بالفلاتر، اي نوع اخذ؟ وجم حجمه؟ والاهم من وين؟

طبعا الاكل مثل ما قالت غيومة مرة وحده باليوم بس الليتات انا دايما افتحهمبس وقت نومهم عشتوا اسكرهم علشان ساعتهم البيولوجية ما تخترب مساكين وسلامتكم

 

[MISS^^CHANEL]

انا عندي وض زاويه كبيييير وحاطه فيه مولي وحاطه قولدين فيش وسلحفه نهريه وحده
والاكل بس مره باليو والليت 24 ساعه شغال وحاطه زبال واحد وسط كبره وفلتر وسط وبس الحصا مكرونه علشان يلم اوصخ

والمولي يحالتهم يولدون بس مالحق عليهم تبلعهم القولدن العملاقه

ماشالله

واي سؤال اا حاضره

 

[Viva La Vanilla]

في موقع كويت اكوا مارين

ناس متخصصين يساعدونكم على كيفية تربية أسماك الزينة

و عندهم محل خلف مجمه الأفنيوز

و سايتهم

www.q8aquamarine.com

 

[eng_bdliat]

واي الموضوع حده يشوق
انا كنت اربي اسماك نهريه وحوضي كان صغير وكنت حاطه في فلتر
كان عندي بايروتس وتايغر وزبال وفايتر
بس تصدقون بنات كل يوم القى وحده مقرومه مادري منو كان ياكلهم سالت قالو كلهم اليفين ومايسوون شي
اخر شي لاعت جبدي منهم كل يوم وحده ناقصه عصعص ولا زعنفه عاد اشحادني
بس الحين اشتقت لهم بس ودي بحوض كبير واحط اسماك بحريه اشكالهم احلى مو!!
فبنات شنو لازم اشتري حق الاسماك البحرية مره قريت ان مو بس فلتر عادي لازم اشياء ثانيه عشان الملوحه وغيرها ياريت الي اتعرف تفيدني
مابي اروح المحلات ويقصون علي
واسفه عالاطاله ومشكوووووووووووووريييييييين

 

[AmOoNa-]

هلا بنوتات، صج صج كنت محتاجة هالموضوع الله يسلمكم عندي حوض سمك بالبيت كبير اللي عرضه يصير اكثر من متر، شاريتيه من شويخ، بس الهندي اللي هناك عطاني حقه فلتر صغير من النوع اللي يصير داخل الحوض، وطبعا ما ينظف شي، كل يومين امر اشفو الحوض حددددددددددده وصخ، فقلت ما كو الا اشتري فلتر كبير بس ما عندي خبره كلش بالفلاتر، اي نوع اخذ؟ وجم حجمه؟ والاهم من وين؟

طبعا الاكل مثل ما قالت غيومة مرة وحده باليوم بس الليتات انا دايما افتحهمبس وقت نومهم عشتوا اسكرهم علشان ساعتهم البيولوجية ما تخترب مساكين وسلامتكم

بخصوص الفلتر تلقين انواع واشكال بسوق الحمام واتوقع اغلبها نفس الشي في فرق بسيط بالجوده واعتقد الماركات الألمانيه احسن شي
مادري انا موذاك الزود مع السمج بس نصيحه اخذي فلتر صيرين ثاني ادري بيشوه شكل الحوض فلترين بس اغلب الفلاتر الكبيره تسحب السمج الصغار

وبخصوص الاضائه احسن لاتشغلينها وايد لانه تساعد على تكاثر الطحالب وانا يضيق خلقيي كل مانفتح الليت شوي ابوي يقول طحالب طحالب ويسكره

واي الموضوع حده يشوق
انا كنت اربي اسماك نهريه وحوضي كان صغير وكنت حاطه في فلتر
كان عندي بايروتس وتايغر وزبال وفايتر
بس تصدقون بنات كل يوم القى وحده مقرومه مادري منو كان ياكلهم سالت قالو كلهم اليفين ومايسوون شي
اخر شي لاعت جبدي منهم كل يوم وحده ناقصه عصعص ولا زعنفه عاد اشحادني
بس الحين اشتقت لهم بس ودي بحوض كبير واحط اسماك بحريه اشكالهم احلى مو!!
فبنات شنو لازم اشتري حق الاسماك البحرية مره قريت ان مو بس فلتر عادي لازم اشياء ثانيه عشان الملوحه وغيرها ياريت الي اتعرف تفيدني
مابي اروح المحلات ويقصون علي
واسفه عالاطاله ومشكوووووووووووووريييييييين

اييي شفتييييييهم شلون يشوقوووووون بس غالين واعتقد حساسين اهما يبيلهم فلتر مخصص ومواد تحيطنها بالحوض كل شهر تقريبا هذا اللي سمعته
جم فايتر حاطه؟
تره مايصير تحطين اكثر من ذكر مع بعض وبخصوص انهم مقرومين لازم تسالين بالمحلات لمه تشترين شنو السمج الي يتعايش مع بعض وموبس جذي في سمج ممكن يتعايش مع انواع ثانيه بدون ماياكل بعض بس يحب يعض الذيل والزعانف وانا ناسيه شنو هالانواع فلمه تشترينهم ممكن تشترين معاهم انواع ثانيه بس مو قولدفش لانه القولد فش زعانفها وذيلها طوال:eh_s(8):

 

[princesa n3oma]

عندى كبير ولايعه جبدى منه من زمن مو منظفته ....يبلى يوم اتفرغ وانظفه .....

بس ما عندى وقت ....


بس اللى عندى فيه اسماك جولد فش وبس .....

 

[ورد الصبا]

انا عندي مشكلة مع حوض السمك الفترة الاخيرة صرت الاحظ ماي الحوض من اغيره ما يطول 3 ايام الا ويبدا يصير اخضر :cxxxp:مليت مو سهل تغير ماي الحوض يطيح حظي بس يضيق خلقي لما اشوف الماي يصير اخضضضضضضضضضضضضضضضضضضضضضضر حده ابيه حتى مرات ما اشوفهم مساكين والله معورين قلبي:0bee2e8d89: بس ماني عارفه شنو الحل ويا هالماي الخضر يعني تفتكرون اني اسكر عليهم الاضاءة مره وحده والا شنو
وتسلمون

 

[ام كتكوت]

لي عودة


_03ba:

 

[أم يويو]

ماعندي شي أقوله بس بقول لكم الله يهنيكم فيهم

 

[أم العيال 76]

والله انا عندي حوض سمج يعني فوق المتر وشي أخلي واحد أعامله اييني بالشهر مرة ينظف الحوض بعشر دنانير ويغسل حتى الرمل وجاطة الحين فلتر صيني مافي ألماني عند اللي اشتري عنده قالي شهر واييبه واهو قالي الليت لاتشغلينه على طول لانه موزين لهم

 

[zlm]

امبيه ضغطتو عالوتر الحسااااااااااس ((( تربية الاسماك )))
اموت على سمج الزينه .... واحب اي شي فيه ماي

بس سمعو معاناتي

بحكم حبي للسمج والزينه والماي ... وبحكم انشغالي بدراستي وضيق اوقات فراغي لممارسه هالهوايه

في يوم عيدميلادي اهدتني رفيجتي حوض سمج (فازه زجاجيه) ما اقولكم الحوض المتكامل .. لكن حلو وكيوت كا ديكور للغرفه وبدايه لممارسة هوايتي .. وبنفس الوقت بدايه لكارثتي وعقدتي من تربية الاسماك

اهدتني الحوض .. وطرت على طول عند محل الشاميه حق السمج .. كان بخاطر بسمج الملون الشفاف اللي كل شي داخل جسمه واضح لووووول خذيتلي 5 بألوان مختلفه حدي كنت مستانسه .. وشريت الاكل وكل شي
ورديت البيت وحطيت الماي مثل ما وصاني الهندي قال شوي من ماي السمج نفسه اللي بالجيس وماي دافي من عندي ومشيت عالخطه المعهوده ... ويمشي اسبوع .. بعده اسبوع تيي الكارثه

بالليل بساعة 2 بالضبط وانا نايمه ... ( انا ماعرف انام الا بالظلمه) حسيت بصوت عند الكوميدينه يم راسي (( واهو مكان الحوض )) حسيت بشي قاعد يطق بالحوض زجاج .. ياربي اسمع صوت شي يطلع من الماي ومثل حركه مو طبيعيه .. بطلت الليت وتفاجئت ان وحده من السمجات كانت تناااازع جدامي !!!! شكلها والله لي غاية اليوم اذكره .. تطلع من الماي وتدش .. تعولص وتتقلب وحركتها مو طبيعيه ... حدي خفففت والله منظر كان مقرف على يضحك على يكسر الخاطر كل شي توقعوه

خفت شسوي تميت بس اشوفها اشلون تنازع وانا قاعد ابجي .. مادري شسوي
جان اخذ الحوض واحطه بالمنزع .... قلت من اقعد من النوم يحلها رب العباد ... المهم قعدت والمأساة انها ماتت
وتم عندي 3 قبلها ماتت وحده وانا اغسل الحوض بطلعهم وحده فلتت مني وطاحت بالبالوعه وانتو بكرامه

تمو 3 .. حسيت هال3 بينهم وبين نفسهم يقولون نموت بكرامتنا .. ولا نكون بإيد هذي اللي ماتعرف تربي سمج ( لووووول ) وصج ماتمو عندي .. كرهت شي اسمه سمج .. وتربية اسماك .. وعالغدا والله لو صار سمج ما اشتهي اشوفه والسبب تأنيب الضمير


المهم عدت فتره .. وتعود حليمه لعادتها القديمه لوووووووووووووووول شريت غيرها وقلت لا بس بخلي 1 يمكن غلطتي كثرة السمح في حوض 1

بس المشكله انعادت معاي ونفس الشي !!!!!


الحين ناويه للمره 3 اشتري سمج بس في اسئلة تراودني ... شنو سبب موت هالسمج

هل لسبب :
برودة غرفتي ؟؟؟ وااايد بارده الغرفه
او الحوض مو مناسب؟؟؟ مع ان سألت لما اشتريت السمج قلت انا مو حوض اللي في فلتر ومادري شنو .. مجرد فازه زجاجيه ... وقالو بالعكس عادي ونصحوني باللي يعمر واللي يموت
او هل بسبب تنظيم الاكل ؟؟ كنت مواضبه بالنظافه والاكل وتبديل الماي



الحين قولولي شسوي اي نوع سمج اشتري ؟؟؟ شنو لازم ادير بالي عليه ... ؟؟ شنو الخطوات اللي اتبعها

الحين مسويه فورمات على غرفتي .. فا ابي احط لي سمجه منها كا ديكور ومنها ممارسة الهوايه وشي الهي نفسي فيه

بليييييييييييز المساعده​

 

[جرح الليالي]

عندج سؤال عن أسماك الزينه...حطيه هني *_*

مراااحب يا بنات المنتدى


شلونكم


هواية تربية اسماك الزينه هواية اكثر من روعه

لكن تحتاج لخبرة ومهارة واهتمام ...

واكيد يدور في اذهان البعض اسئلة عن هالهواية

فاي وحدة عندها سؤال تحطه هني واللي عندها رد لا تبخل علينا

ومثل ما يقولون خلووونـــــــــــا نفيد ونستفيد :tek:​

 

[سمي الزعفران]

رد: عندج سؤال عن أسماك الزينه...حطيه هني *_*

جرح الليالي الله يجزاج خير توني بسوي استفسار عن اسماك الزينه بنات ليش يموتون بسرعه انا توني شاريه حوض كبير وشاريه سمج زينه ودي اعرف شنو اسباب موت الاسماك بسرعه

انا اوكلهم باليوم مرة واغير مكينه تعقيم الماي يوميا ليش يموتون بسرعه

 

[جرح الليالي]

رد: عندج سؤال عن أسماك الزينه...حطيه هني *_*

حبيبتي شنو نوع الاسماك اللي عندج

لان في انواع تحتاج تدفئة وفي انواع لا
وفي انواع حساسة للماي يعني تحتاج دوا عشان تزول عكورة الماي

فانتي اي نوع عندج
؟؟

 

[جرح الليالي]

رد: عندج سؤال عن أسماك الزينه...حطيه هني *_*

وبعد حبيبتي يمكن عدد الاسماك وايد على الحوض

وبعدين ماله داعي تنظفين الفلتر كل يوم ، يكفي كل 3 اسابيع

وانتي حاطة لهم اوكسجين؟؟

ولما تحطين ايدج بالماي المفروض تكونين غاسلتها عشان ما يتلوث الماي ويموت السمج

والاكل لا تحطين وايد لانه في نوع مهما تحطين له اكل ما يردج

وهذا يسبب له تخمة وبالتالي فالفضلات تزيد وتسبب تسمم للاسماك

 

[نويره]

رد: عندج سؤال عن أسماك الزينه...حطيه هني *_*

[COLOR="Puأنا أحب هواية تربية اسماك الزينة
rple"][رووووووووووووووووووووووووووووووووعه/COLOR]

 

[جرح الليالي]

رد: عندج سؤال عن أسماك الزينه...حطيه هني *_*

حياج الله يا نويره