عندج الحاسه السادسه .. ؟؟ تعالي قوليلنا شنو الشي اللي حسيتي فيه وتحقق .. ؟؟

[Tulips]

الســــلام عليـــكم ّ~

موضوعي من زمان كان ودي اناقشه معاكم

الحاســــــه الســــــادسه

اهي باختصار توقع حدث قبل حدوثه ..

وايد افلام اجنبيه تكلمت عن هالظاهره .. مثلا

Final Destination
The Sixth Sense

وغيرهم

أسئلتي لكــم اهي

>> هل تؤمنيــن بشي اسمه حاســه ســـادسه .. ؟

>> شنو نظرتج لها هل اهي نعمة او نقمة .. ؟

>> قط مره تنبأتي او احد قريب منج بشي .. وصار واقع .. ؟

>> واخر سؤال .. تتمنين انج تمتلكين هالحاسه ؟



اتمنـــى الكل يشــارك بالنقاش .. ناطرتكم :eh_s(7):

 

[blue ocean]

>> هل تؤمنيــن بشي اسمه حاســه ســـادسه .. ؟
الصراحه كاحساس اي بس دكاتره علم النفس
والدين ادرى ماودي افتي ​

>> شنو نظرتج لها هل اهي نعمة او نقمة .. ؟
مممممم على حسب الحاله​

>> قط مره تنبأتي او احد قريب منج بشي .. وصار واقع .. ؟
بصراحه وايد وايد احس وقعد تزيد فيني الشغله
ومسألة اني احلم بشخص واشوفه صارت عااااادي
عندي واهي اكثر شي يصير فيني​

>> واخر سؤال .. تتمنين انج تمتلكين هالحاسه ؟
مادري اهي فيني والا لأ .. بس حلو تكون
فيني ممتع يحس الواحد انه فيه ميزه بهالامور​

مشكوره على الطرح اختي وماقصرتي :eh_s(7)::rerrerek:​

 

[هزة غضا]

شدني موضوعك لانه يتحدث عني!

>> هل تؤمنيــن بشي اسمه حاســه ســـادسه .. ؟
نعم أؤمن بها ..وقد اطلق عليها مسمى الحدس .....

>> شنو نظرتج لها هل اهي نعمة او نقمة .. ؟
هي حالة غامضة احيانا..لا اجد تفسيرا لها في كثير من المرات..واحيانا تكون بمثابة قراءة للظروف او التخرص القائم على معطيات معينة !
وبإعتقادي انها اضافة لصاحبها بشكل او بآخر.

>> قط مره تنبأتي او احد قريب منج بشي .. وصار واقع .. ؟
عن نفسي كثيييير جدا وصارت معي واجد..حدسي فظيع ومركز..اتوقع اشياء..كما لو كانت حقائق مطلقة..وتصبح واقع بعد فترة..
مثلا اسألة الأختبار..اتوقع الفقرات..وغالبا 80% بالميه تكون مطابقة لتوقعي..او في حدود هالنسبة..
ومرة جاني هاجس ان مرت اخوي صديقتي ولدت,,,فعلا بنفس اللحظة دقت صديقتي علي وبشرتني بمولودهم الجديد!
ومواقف كثيرة لا تحضرني حاليا! بكل صراحة تخليني اشك بنفسي ..


>> واخر سؤال .. تتمنين انج تمتلكين هالحاسه ؟

عندي ولله الحمد..

 

[الـــدفـــشـــة]

الي اتذكرا مرا بس صارت معاي حسيت انه بهالساعه جدي توفى وفعلا توفى مادري شلون سبحان الله
ليلحين ماانسى هالشعور < اتوقع تعتبر من الحاسه السادسه مو

وامي عندها الحاسه السادسه قوووويه بعد ماشاءالله عليها
بس ترى امي حيل تتعب منها
وانا افضل لو الواحد ماعنده هالحاسه اريح له

 

[اللعبه]

اتوقع وصير 100% ولكن من خبرات من قبل مو حاسه ولا شئ. بعد ما اعرف الشخص اعرف طريقة تفكيره واعرف شنو القرار اللي راح ياخذه فهي تراكمات لخبرات سابقه لا اكثر

 

[كراميلا مرة]

ايي احيانا جالسه لحالي واتوقع اشياء جذي تنجي على بالي فجاءه
وتالي تصير اهي فعلا حقيقه
مثل انا جالسه عادي جاء في بالي صديقتي ولدت جابت بنت مع اني قبل متوقعه ولد
وفعلا دقايق الال اتصلت وصج ولدت جابت بنت
بس مو دايما هالشيء
اتمنى يصير عندي حاسه سادسه وناسه

 

[al-musk]

دايما الأشيا المستقبلية بحياتي او توقعاتي واحساسي فيها يضبط ! وساعات ماحب هالإحساس لأني ادري انه صادق اغلب الوقت

 

[راعية الطويلة]

الحاسة السادسة أمر فطري و هو إحساس بأمر معين قبل وقوعه

يتفاوت الأشخاص فيها يعني على درجات

من رأيي هي موجوده
و العاقل يستخدمها إستخدام طيب
و يجب ألا نتمادى فيها
و تصبح حياتنا كلها مسيرة بأحاسيسنا و عواطفنا
يعني إذا جانا خاطر غير طيب
نتعوذ من الشيطان و نستعين بالله
و نقدم على الأمر الطيب
لأن إرادة الله و قدرته
فوق أي شيء


شكرا حبيبتي

 

[جوك احلى جو]

متابعه

 

[الينبوعة]

الحمدالله احس نفسي من المحضوضات لان عندي احساس قوي يخليني احس بشي وقلبي دليلي وحتى زوجي دوم يقولي من تقولين شي ما اعارضج لان احساسج قوي
صارت عندي حساسية من كثر ما احس هههههههههه​

 

[Tulips]

منورين حبايبي شاكرتلكم مروركم الحلو

 

[*لبيه*]

Re: رد: عندج الحاسه السادسه .. ؟؟ تعالي قوليلنا شنو الشي اللي حسيتي فيه وتحقق .. ؟؟

الحاسة السادسة أمر فطري و هو إحساس بأمر معين قبل وقوعه

يتفاوت الأشخاص فيها يعني على درجات

من رأيي هي موجوده
و العاقل يستخدمها إستخدام طيب
و يجب ألا نتمادى فيها
و تصبح حياتنا كلها مسيرة بأحاسيسنا و عواطفنا
يعني إذا جانا خاطر غير طيب
نتعوذ من الشيطان و نستعين بالله
و نقدم على الأمر الطيب
لأن إرادة الله و قدرته
فوق أي شيء


شكرا حبيبتي

عجبني ردهاااا

برافوووووووووووو :rerrerek::rerrerek:


ويسلمو لصاحبة الموضوع ..~

 

[امولة الخليج]

تلايبس قلبي دام انتي اللي كاتبة الموضوع لازم ارد لانه حلو مثلك بصراحة انا مومنة بها الحاسة واحسها نعمة في اوقات ونقمة قي اوقات والحاسه هذي قوية عندي وقت مايدق جرس البيت مثلا اقول خالي ويطلع خالي وكذا يعني تقريبا امتلك جزء منها ويسلمووووووووووووو حبيبتي عالطرررررررررررررررح

 

[بنت المنصور]

انا فيني شي بس ما بقول حاسة سادسة بس احس بالشي مرات يعني مرات قاعده مع البنات يطري علي اخوي اقول بقلبي
ماكلمته اليوم اما الحين يدق التفت الا يرن تلفوني وهو متصل ، ولا اكون رايحة ابقضي لي شغلة في محل معين قبل لا اوصل بدقيقتين اقول اما الحين مسكر مع ان اليوم يوم عادي يعني مافي سب لتسكيرة المحل وصج الف ويهي اشوف الا مسكر تصليحات

يعني احس بشي قبل بفترة بسيطة بدقيقة يمكن ومو كل مره يصير بس للحين احس انها صدفة مع اني مرات اخاف من نفسي لما

تضبط معاي الشغلة ...

شكرا على الموضوع الحلو

 

[! هُوْ وِينِه !]

حيل مضآيقني هآلشئ
لدرجة مآ توقعونهآ


>> هل تؤمنيــن بشي اسمه حاســه ســـادسه .. ؟
مآ آؤمن لآن الله هو إلي يعلم علم آلغيب
بس آشيآء غصبن عني آعرفهآ
>> شنو نظرتج لها هل اهي نعمة او نقمة .. ؟
كلهم

>> قط مره تنبأتي او احد قريب منج بشي .. وصار واقع .. ؟
إي وآجد صآرت معآي
آلكورس إلي فآت
كآن سير آلإمتحآن ونآسة غش وجذي
يوم جآء إمتحآن قبله بسآعآت قلت للبنآت ترآ محد بيقدر يغش
بيصير علينآ رقآبة شديدة وفعلآ مآ حد قدر يرفع رآسة
>> واخر سؤال .. تتمنين انج تمتلكين هالحاسه ؟
ممتلكتهآ

 

[(كويتيه عسل)]

>> هل تؤمنيــن بشي اسمه حاســه ســـادسه .. ؟

ايه

>> شنو نظرتج لها هل اهي نعمة او نقمة .. ؟

نعمه اذا كان بيصير حدث مفرح وسعيد وتكون نغمه اذا كان احساسج بان بيصير حدث شين تعيشين بتوتر وخوف وقلق

>> قط مره تنبأتي او احد قريب منج بشي .. وصار واقع .. ؟

مو تنبئ استغفر الله هالشي بايد الله
الله عالم بالغيب
جم مره احلم بشي وافسر الحلم ويتحقق او اييلي احساس ان بيصير شي واحس قلبي مومرتاح ويطلع احساسي صادق

>> واخر سؤال .. تتمنين انج تمتلكين هالحاسه ؟
لأ

 

[Tulips]

اشكركم حبايبي

على المشاركات المميزه :eh_s(17)::eh_s(17):

 

[عويتقة]

>> هل تؤمنيــن بشي اسمه حاســه ســـادسه .. ؟
مو اكيدة
>> شنو نظرتج لها هل اهي نعمة او نقمة .. ؟
ممكن تكون نعمة
>> قط مره تنبأتي او احد قريب منج بشي .. وصار واقع .. ؟
نعم بس ممكن تكون صدفة بس
>> واخر سؤال .. تتمنين انج تمتلكين هالحاسه ؟
نعم لو كان فيها خير

 

[بدوية بملامح كشميرية 86]

أنا. للأسف. اتوقع. شي. يجي. العكس

 

[محرومة من الحب]

>> هل تؤمنيــن بشي اسمه حاســه ســـادسه .. ؟
طبعا
>> شنو نظرتج لها هل اهي نعمة او نقمة .. ؟
نعمة
>> قط مره تنبأتي او احد قريب منج بشي .. وصار واقع .. ؟
كل مرة وبكل شي
>> واخر سؤال .. تتمنين انج تمتلكين هالحاسه ؟
اكيد​