عناد ولدي سوى لي حالة نفسية

[om.7madiiin]

بسم الله الرحمن الرحيم

بنات أنا عندي ولد واحد اسملة عليه عمرة سنتين
ماشاء الله عنيد مطلع عيني شيطان و يصارخ 24 ساعه يصارخ حتى واهو يلعب يصارخ صرخته مزعجة تنرفز اهلي ماقمت ازورهم يزعجهم بصراخة من ندش الزوارة يصارخ لين نطلع سوة فيني اعصاب وانا الحين حامل وتعبانة وماعندي خدامة ينني ينني كل شوي اطقة بس لي متى بطق مو حيوان بني آدم هذا والله يوصلها فيني اني اطقة طق ماكو فايدة وعبث مايخلي شيء بحالة ومايقعد راحة يحوس يحوس شسوي تعبت والله انام وانا ابجي اداوم سهرانة صرت حساسة حيل اعصابي تلفت علاقتي مع ريلي تردت من كثر ما اصارخ على هالصبي لأ اقعد بس خلاص اقعد لي متى عيزت والله بس شسوي تعبت وفوق هذا لازرت امي قطة قطه محترمة تسم بدنك تخليني اطلع زعلانة شالحل ؟

 

[دلع86]

حراااام والله لاتطقينه توه سنتين مايفهم
مسكي اعصابج حطيله بباي دفتر وألوان خيمه فيها كور اي شي يحبه خل يلهى
وديه حضانه يمكن لمن يشوف ويحتك باليهال يتغير ويحاول يقلدهم ويتعدل
وانشاءالله فتره وتعدي

 

[om.7madiiin]

ماكو فايدة احط بباي الوان العاب ماكو. مايقعد

 

[^^yasmina^^]

حبيبتي هذا عمر العناد نفس بنتي بالضبط عمرها سنتين تخيلي بروح الحمام اغسلهاتنام بالحمام تنام تنام بالحمام صراخ وبجي ماتبيني اغسها لهالدرجه
الطق ترى موووو حل صدقيني

خل اقولج شغله لما اتطقين ولدج دايما دايما يكوووون عنده عادي اذا طقيتيه مو هامه شتبين تسوين فيني ؟! بتطقيني عادي تعوودت
لكن لما ما اتطقينه واااااايد واذا ييتيي بتطقيينه بيستغرررررب انتي اشلون طقيتيني

انا بنت اختي جذي
وحتي ولد حماتي
اختي وحماتي وايد وايد يطقونهم من صغررهم علي كل شي علي كل شي
شنو صار الحين ؟! النتيجه ينطقون مو هامهم يردون يسوون الشغله ويعيدونها يردون يطقوونهم ماكو فايدة هم شياطين وهم يردون يغلطون هالغلطة وعادي عندهم الطق جدا عادي


الحل الوحييييد
ان يخاف او يهاب احد مثلا ابوه تههددينه فيه
النقطة تكلمينه عدل وتسايسينه لان اعصابج هذي كلها تأثر علي الي ابطنج فموزين لا لج ولا لولدج ولا لي ابطنج
كلميه ساحليله سايسيه كلميه بهداوه وانتي تكلمينه
عفيه عالشاطر انت ممتازانت بطل بوديك العاب بشتريلك هديةالخ واذا
خطيله ورقة كبيره ولزقيها علي بابه
وكل يوم اذا كان اليوم اوكي وعاجل ويسمع كلام راح يحصل نجووم واذا ما شيطن وعاند راح يحصل اكسات وقوليله هالشي لمدددة اسبووووع اذا عدد النجوووم اكثر من عدد الاكسات اشتريله هدية لو طبعا اشتريله من سوق بو اميه يا كثرهم راخ يستانس
بس عمرج لا توعدينه بهدية وما اتييبيله اياها لان راح يتعلم الجذب اولا ان انتي وعدتيني وبعدين ما يبتي وبعدين راح يصير عادي عنده بيشيطن حتي لو قلتيله فيه هدية لان بيقول ماراح اتييبلي اتقص علي

 

[أم ميميتو]

الله يعينج والله انا ولدي اصغر من ولدج بأربع شهور هم بعد عنيييييد مو طبيعي و وايد يحوس و يتعث بالاغراض تخيلي الادراج الي عندي كلهم ملزقتهم عشان ما يفتحهم و الكوميدينه مالت غرفتي لاتها على الطوفه عشان ما يفتحها طالعلي بشي يديد من يزعل انسدحلي على الارض انا ما اطقه بس صارلي يومين وايد اصرخ عليه و حاقرته بس ما حملت بصراحه خفت هو بروحه اسم الله علسه و متعبني شاون اذا حملت انتي بصراحه الله يعينج بس نصيحه لا تطقينه اذا تعود على الطق يصير عنده شي عادي و يتعود على الطق بس صرخي علي شوي او خزي انا ولدي اذا عصبت عليه اطقه على ايده يزعل و يروح يقعد بعيد و يسويلي حركاته عشان اروح اراضيه يمااااا فديت الصبيان صج مدوخينا بس يهبلون الله يحفظهم