عمود الصاله

[al.nada]

شلونكم بنات :eh_s(8):

عندى عمود بالصاله مانى عارفه شلول اجمل من شكله

العمود مستطيل بوسط الصاله شكله موحلو مضايقنى

ابى تنورونى بأفكاركم وحلولكم شلون استغله واجمل من شكله

يعطيكم الف عافيه ​

:hjy5jewf:

 

[MyLittleBerry]

1- تقدرين تحطين عليه رفوف خشبيه ( في محل اسمه home selection ) في مجمع الرايه مسوين الفكره على العمود وتحطين عليه تحف

2- تلبسينه حبل المتين ملوت السفن من فوق لي تحت
3- تلبسينه الموزاييك الملون اللي جنه قشور سمج
4- تصبغينه ذهبي او تلبسينه ورق جدران
5 - تلبسينه ورد صناعي كله
6- اتييبين رسام يرسملج عليه
7 - تلبسينه خشب
8- تلبسينه حجر



بعد ....

 

[MyLittleBerry]

او فكره


حلو تخلين الرفوف مو متساويه يعني بشكل عشوائي

او يكون متساوي يعني جنه مكتبه وتحطين كتب

 

[MyLittleBerry]

فكره ثانيه

تصبغين العمود لون برونزي

واخر العمود حولينه تسوين مثل الاصيص بس مو مرتفع وتحطين فيه عصي البامبو تلقينهم في ايكيا

يعني يكونون حولين العمود

 

[MyLittleBerry]

هذي بعد فكره

هذا مو عمود بس تقدرين تلبسينه عمود

 

[MyLittleBerry]

هذا عمود ملبس ورق جدران

 

[MyLittleBerry]

هذا عمود ملبس بعد

 

[al.nada]

او فكره


حلو تخلين الرفوف مو متساويه يعني بشكل عشوائي

او يكون متساوي يعني جنه مكتبه وتحطين كتب

مشكوره kuwaitbutterfly

على الافكار والصور الرائعه بس فكره الرفوف عجبتنى :ggdw:

 

[MyLittleBerry]

هذي بعد فكره

شوفي الصوره حلو تلبسين العمود مثل الكرسي الدائري

 

[روقاء]

راي من راي العضوه kuwait buterv fly يعني تحطين رفوف وتحطين تحف ذربه وفخمه وتبين حلاوه المكان وفخامته

 

[انثى تختصر النساء]

انا عندي نفس العمود مستطيل وبما ان المساحه عندي صغيره حطيت عليه مرايه قص ولصقتها وايطارها جبس وفوقها اصيص من الجبس مستطيل حطيت فيه اشجار بسيطه متدليه وتحت المرايه حطيت صندوق ناعم مفتوح وفيه شغلات هذا من جهه
والجهه الثانيه حطيت عليها الطاولات المرتفعات المزخرفات كأنها فازه ويجي معها تلفون طقم طراز قديم ينحط فوقها وتحت التلفون مفرش دائري بحجم الطاوله

 

[toota]

أنا براي تسون داير مداره جلسة دائرية...وتلبسينة خشب..

 

[الدانة-81]

خليه كله مرايا

و اذا اهو عمود أساس ما تقدرين تطقين فيه مسامير لأنه قاعد يشيل حمل

أو خلي الغنفة المدورة وايد أحلى

 

[لؤلؤة الإمارات]

ما شاء الله kuwaitbutterfly عطتج أفكار وااايد
والله يوفقج ويوفقها

 

[colorfull]

ماشاء الله kuwaitbtterfly كفت ووفت
او تقدرين تضيفين براويز حق صوركم اذا اهو بغرفة المعيشه

 

[كوب قهوة]

1- تقدرين تحطين عليه رفوف خشبيه ( في محل اسمه home selection ) في مجمع الرايه مسوين الفكره على العمود وتحطين عليه تحف

2- تلبسينه حبل المتين ملوت السفن من فوق لي تحت
3- تلبسينه الموزاييك الملون اللي جنه قشور سمج
4- تصبغينه ذهبي او تلبسينه ورق جدران
5 - تلبسينه ورد صناعي كله
6- اتييبين رسام يرسملج عليه
7 - تلبسينه خشب
8- تلبسينه حجر



بعد ....

رايي من رايي اختنا كويت باترفلاي // كنت بقولج عن فكرة الموزاييك ،، الشايع او حسن ابل عندم سوالف تحير
تقدرين تاخذيت السيراميك المربعات الصغيرة وتصفينهم بالطريقة اللي تعجبج

 

[الحنونهـ]

يسلموووو..حلوه فكرة الكرستالات..
وهم بعد فكرة الارفف..