عمليه للانتفاخ تحت العين

[دمعة اشتياق]

انا يابنات عندي مشكلة انتفاخ تحت العين اللي هي دهون وطبعا معطتني كبر بالعمر وتبين ان وجهي تعبان وبصراحه ودي اشيلها فماادري خايفه فهل احد سوى هالعمليه تكفون علموني وياريت تحددون اسم الدكتور لان عادي اقدر اجي الكويت واسوي العمليه

 

[روحي تحب]

والله حبوبه ابوي سواها بس مو بالكويت ووايد ارتاح بصراحه وعمتي سوتها بمستشفى البابطين والحين لها يمكن 6 سنوات وماشاء الله شكل عيونها روعه ويريت تروحين مثلا حق دكتور عادل البلوشي بالمركز الكندي تخصصه تجميل عيون وهو استشاري بمركز البحر او روحي فيصل جراق بمركز العنايه الالماني واستشيري مو شرط تسوين عندهم بصراحه آنا سالت عنهم وايد وقالولي ممتازين

وموفقه

 

[سندريــــلا]

ماعندي فكره
وماحبيت اطلع من غير رد

ان شاء الله تلاقين دكتور زين

 

[دمعة اشتياق]

روحي تحب وسندريلا الله يوفقكم ويسعدكم في الدارين يحقق امانيكم

 

[المتالقه دائما]

حبوبه في استشارية كويتيه تجميل عيون الوحيده بالكويت اسمها دكتوره صبريه صالح بالبراءه كلينك بالجابريه

وحده من اهلي عندها ارتخاء بالجفن سوت لها العمليه ماشاء الله عليها ممتازه وطيوبه روحي لها العياده والله يعينج على الزحمه

ولا تنسيني بدعواتج وبلغيني شنو يصير عليج

 

[فراشة المندى]

الدكتوره صبريه صالح انا مجربتها كلمة روعه شويه عليها والله العظيم ، والحين عيادتها برويال حياة ، انسانه راقيه في تعاملها وحبوبه وتحسين براحه لما تتكلمين وياها .
:ada::ada::ada::ada:

 

[دروب الشقى]

تقصدين ان الجلد اللي تحت العين كأنه مترهل شوي ومنتفخ وفيه بثووور ؟؟ <-- دهون
انا اعاني منها بعد .. يعني مايروح بكريمات ؟
لازم عمليه ؟

يابنات افيدونا لو كانت عمليه تخدير موضعي والا ايش ؟

 

[dla3_princess]

انا بعد عنددي انتفااااخ و موووحلوو ببجي

وودي اسووي هالعمليه موو جنه يسحبوونه بإبره ؟؟

منو يعرف التفااصيل ؟

و بجم ؟ و هل يرجع مره ثاانيه و لاالعمليه تكفي ؟؟

 

[مــســك]

الصراحة ماعندي فكرة ..


وانتي مثل حالتي .. وياريت القى دكتور زين ..

 

[نجمة على الأرض]

أرشح لج د. صبريه صالح ابرويال حياة

 

[razany]

انا كان عندى انتفاخ بسيط مو وايد بس اذا صار فيني النوم او قعدت من النوم امبيه يصير مأساه رحت عند دكتوره جلديه بمونتانا كلينك اسمها ميسوون وقالت شوفى هالابره تخفف الانتفاخ وصججج بعدها بجم يوم خففففف الانتفاخ وشبه راح بس انا كان بسيط فما ابره وحده عجبتنى نتيجتها وشكلي باخذ الثانيه بعدين

 

[قبلة مطير]

حتى انا مضايقنى ولما اضحك تطلع كسرات كانى عمرى 40
وطبعا لازم عمليه بس خايفه وابى اتاكد اى احسن دكتور
وللحين اشوف الاراء يقولون دكتوره صبريه ويقولون غاليه
بحدود 2000 شدعوه
يبيله قرض جذيه وافكر اسافر تايلند اسويها تصدقون بس 500 دينار بس اخاف
من الامراض والا يحوشنى فايروس
لان اهم شى بعمليات التجميل انج ما تلقطين فايروس من المستشفى
والله ودى اسوى عيونى من تحت وبطنى صاير كانه ورقه معفسه يكرهنى بحالى (ضريبه الحمل)
وودى اسوى غمازات تفاحه ادم يعنى اكثر طبيعيه وودى اسوى تجميل لل(؟؟)
وراسلت مستشفى هاييتى للتجميل اللى بتايلند وكله اقل من 2000 دينار بس
متردده اخاف يسير فينى شى واقول اسوى هنا بالكويت بس كل كم سنه شى بعد عالميزانيه

 

[نسمه بارده]

اب اب لعيونا

 

[blackcat2010]

رفعععععععععععع