عمليه الفتق

[bubble.gum]

شلونكم بنات ..

اللي سوو عمليه الفتق يا ليت يفيدوني ؟!

انا بحمالي الاول بطني ما شاء الله كان واايد كبير لي درجه السره مخفيه ومشدوده مع البطن ..
ولدت قيصريه الحمدلله ..
بس مشكلتي بعد الولاده ان سرتي طالعه بره .. بمراجعتي حق الدكتور قالي لا مو فتق هذي عضلات بطنج راخيه ويبيلها رياضه عشان تنشد وترد مثل قبل ...

استغربت وخليته .. والكل قاعد يقولي فتق اذا يعورج روحي الطبيب .. بس ماكان يعورني وهذا اللي خلاني ما اروح اجيك عليه ..

الحين الحمدلله حملت وغيرت دكتوري ... شاف بطني قالي هذا فتق يعورج قلت له لا قالي الفتق مو شرط يعور بس اخر الحمال راح اشوي يتعبج .. وقالي اذا حسيتي بالم تعالي بسرعه المستشفى لانه مو زين ..

ان شاء الله بعد الولاده راح اسوي عمليه الفتق واكيد معاها شد ؟

الحين الاسئله ؟ هههههه

- بعد العمليه في الم ؟

- في اثر الخياط ؟

-ظل البطن مشدود ؟

- حملتي بعدها؟ بجم سنه ؟ وردت السره لي بره ؟

- ووين سويتيها ؟ عند اي دكتور ؟

يا ريت يا بنات اتفيدوني لاني حيل متضايقه من شكل بطني استحي ريلي يشوفه وهالشي اثر على نفسيا :eh_s(2):وانا توني صغيره:eh_s(16): ...

ومشكورين ..:eh_s(17)::eh_s(17)::eh_s(17)::eh_s(17)::eh_s(17):

 

[bubble.gum]

بنات اشدعوه شالانانيه اللي فيكم .. الحين ٣٢ مشاهده ولا وحده ردت ؟!!!
عالاقل رفعوا الموضوع ....

 

[kingq8q8]

ماعندي فكره

وانا نفس مشكلتج

بنات ردووو عاد اللي تعرف

 

[شوكلاتة سويسرية]

انا توني مسويه العمليه انا سويتها بسرعه بعد طلعتي من النفاس لانه كان يالمني حيل
بس اذا مايالمج لاتسوينها بسرعه لان ماتقدرين تشيلين البيبي ابد ولا شي اكثر من 5 كيلو لمدة 3 شهور.
وماتقدرين تحملين قبل سنتين
انا سويتها من غير شد
الجراحه تجميلية (يقول مع اني اشوفه مشوه) هو جرح صغير تحت السره على طول
مابي اخوفج
بس
تعبت بعد العمليه حيل
يعني بعد ماتطلعين من المعلية حسبي اسبوعين ماتقدرين تنسدحين على جنب من الالم لازم تنامين على ظهرج
واذا انسدحتي لازم احد يمسك يدج عشان تقومين ماتقدرين تقومين ولاتقعدين الا بمساعده
طبعا الدكتور يقول تحركي عادي وكل شي بس يالم ماتقدرين
ويقولج انتبهي بعد العمليه من الامساك والحكة والحمل طبعا لمدة سنتين
بس هي شر لابد منة
الحين صارلي شهرين وشوي واحس داخل بطني شي يعورني الظاهر الغرز وعساة مارجع لاني لي كم يوم اشيل ولدي مسكين عمره 5 شهور واضطريت اشيلة مع ان الدكتور محذرني
اتمنى اكون افدتج من غير ماخوفج
لكن انا لو انحط بالموقف مره ثانية
اذا مايعورني ماراح اسويه
دخلت غرفه العمليات مو سهله
خصوصا بعد البنج لازم تكحين تحسين فيج كحه وماتقدرين من بطنج يالم.
يعني اذا مو مضطره لاتسوينها

 

[شوكلاتة سويسرية]

بقولج تفاصيل اكثر عن يوم العملية
انا سويتها بسعودية محل اقامتي
قبل العمليه بكم يوم رحت المستسفى بيطلبون منج تحاليل دم واحد تجلط دم والثاني وظائف كبد وكلى.
ويحددون يوم العمليه تجين من الصبح طلبعا ودعت ولدي ودموع وحاله ورحت المستشفى ولازم تكونين حافة بطنج مافيه شعر كلش.
وحتى منطقة العانه لان بحطون المطهر لمن بدايتها.
بعين نزلوني غرفه العمليات وحطوني بالسرير وعطوني المخدر وبعدها ماحسيت قمت الا بالم شديد بطني عطاني دكتور التخدير مسكن وقال هاه راح قلت لا وزادوا الجرعه وقال راح قلت لا قال بنزيدها بس ترى ذه اقوى شي خلاص
وقلت راح بس الحين ماقدر اكح يعورني وانا فيني كحه قال معليش حطي يدج عالجرح وكحي .
رقيت الغرفه وثاني يوم طلعت
طبعا بعد مامار على الدكتور وشالوا زي الانبوبة مخلينها بالجرح تجمع تكرمون الدم شالها وكانت مؤلمة جدا وبعض المستشفيات سمعت انهم يشيلونها ببنج موضعي او شي زي كذا بس هم ماسوولي.
وكانت لي مراجعه بعد اسبوعين وخلال هالاسبوعين قالوالي الخياطه تجميلية مايحتاج تنشال الخيوط بتطبح بروحها.
وبس

 

[!amorra!]

ماتخوووف من اسهل العمليات واكثرها انتشااااار بين الرياييل والحريم وشكثر حريم احملوا بعد عمليه الفتق

سهالات حبيبتي لاتخافين ان شالله ماكو الا العافيه

 

[bubble.gum]

بقولج تفاصيل اكثر عن يوم العملية
انا سويتها بسعودية محل اقامتي
قبل العمليه بكم يوم رحت المستسفى بيطلبون منج تحاليل دم واحد تجلط دم والثاني وظائف كبد وكلى.
ويحددون يوم العمليه تجين من الصبح طلبعا ودعت ولدي ودموع وحاله ورحت المستشفى ولازم تكونين حافة بطنج مافيه شعر كلش.
وحتى منطقة العانه لان بحطون المطهر لمن بدايتها.
بعين نزلوني غرفه العمليات وحطوني بالسرير وعطوني المخدر وبعدها ماحسيت قمت الا بالم شديد بطني عطاني دكتور التخدير مسكن وقال هاه راح قلت لا وزادوا الجرعه وقال راح قلت لا قال بنزيدها بس ترى ذه اقوى شي خلاص
وقلت راح بس الحين ماقدر اكح يعورني وانا فيني كحه قال معليش حطي يدج عالجرح وكحي .
رقيت الغرفه وثاني يوم طلعت
طبعا بعد مامار على الدكتور وشالوا زي الانبوبة مخلينها بالجرح تجمع تكرمون الدم شالها وكانت مؤلمة جدا وبعض المستشفيات سمعت انهم يشيلونها ببنج موضعي او شي زي كذا بس هم ماسوولي.
وكانت لي مراجعه بعد اسبوعين وخلال هالاسبوعين قالوالي الخياطه تجميلية مايحتاج تنشال الخيوط بتطبح بروحها.
وبس

حبيبتي مشكوره على الرد ....
والحمدلله على سلامتج وان شاء الله ربي يشافيج ... :yaaaaaarb:

 

[bubble.gum]

ماتخوووف من اسهل العمليات واكثرها انتشااااار بين الرياييل والحريم وشكثر حريم احملوا بعد عمليه الفتق

سهالات حبيبتي لاتخافين ان شالله ماكو الا العافيه

انا احاتي وااايد ...
دورت بالانترنت عن هالعمليه بس ما لقيت اللي يطمني ..
اللي ربي كاتبه راح يصير