عمليتي عند خالد الصبيح احس انها فااااشله من رفعة الخشم العاااااليه

[سكر بنآت]

السلام عليكم

بنات انا سويت عملية حق خشمي قبل اسبوع
عند د.خالد الصبيح

امس كان موعدي لفك الجبيرة وازالة الغرز
وانصدمت من شكله لما شفته
كان ضخم بعكس قبل العملية كلش ماكان فيه ضخامه
ومسويه مرفوع واااااايد ??????

قبل العملية حيل حيل اكدت عليه انه مايرفعه وايد
مابيه نفس خشم مايكل جاكسون
وقالي راح تكون الرفعه خفيفه للمنظر الجمالي
بس اللي اشوفه انه حيييييييييل مرفوع بشكل خرعني ووترني
ولما سألت د.عبدالوهاب لان اهو شالي الغرز ود.خالد مسافر
قلت له ليش جذي مرفوع قالي راح ينزل
بس مااعتقد بيصير شكله طبيعي تحطططمت


بليز بنات بليز اللي سوت عند د.خالد وكان خشمها مرفوووع
بعد 6 شهور شكله النهائي شلون عليه نزل ؟؟
بليز طمنوني حدي احاتي ومابي اعيد التجربة مرة ثانية :eh_s(2):

 

[جوري ksa]

اولاً الحمدلله على سلامتك

ثانياً ، بدري تحكمين على نتيجه لعمليه ي دوب كملت اسبوع

بالنسبه لموضوع الرفع ..
من خلال تجربتي ومن خلال إطلاعي على تجارب الغير سواء من اقاربي او عن طريق النت ..
المتعارف عليه إن الأنف يكون مرفوع بالبدايه ومع الوقت ينزل
" طبعاً يرجع الموضوع للدكتور ولأي مستوى رفع لك ارنبة الأنف "
لكن المفروض الارنبه ترجع تنزل بغض النظر عن المستوى اللي اعتمده الدكتور للإرتفاع
فاللي حابه اوصله لك ، إن انفك راح ينزل بإذن الله ( مقارنه مع وضعك الآن )
لكن بالمجمل هل راح يكون الأنف مرفوع او لا ، هالشيء يرجع للي سواه دكتورك ولأي حد رفع الأنف


واحسبي حسابك ان الجبيره دايركت ترفع الانف ، مثلاً اخوي رافض سالفة الرفع
ومع هذا وبعد العمليه ومع الجبيره وفكها كان مفجوع من الإرتفاع رغم ان الدكتور اكد له انه ما سوا اي شي له علاقه بهالخصوص
وكلها اسبوعين بالكثير والارنبه نزلت ورجعت لوضعها الطبيعي

شوية صبر وطولة بال وان شاءالله خير ، لا تحاتين
وطمنينا وش يصير معك .. موفقه

 

[FANA__3]

كلام الاخت جوري صحيح لا تحكمين على خشمج من الحين وبالنسبه للضخامة ممكن يكون الخشم وارم ولما يخف الورم ويفش راح يطلع شكله الطبيعي .. فنطري عليه لغاية ما تخف عليه آثار العمليه

 

[سكر بنآت]

Ksa جوري



حبيبتي طمنتيني الله يريح لج بالج والله يسمع منج يااارب
مشكورة على الرد فديتج

 

[سكر بنآت]

كلام الاخت جوري صحيح لا تحكمين على خشمج من الحين وبالنسبه للضخامة ممكن يكون الخشم وارم ولما يخف الورم ويفش راح يطلع شكله الطبيعي .. فنطري عليه لغاية ما تخف عليه آثار العمليه

الله يسمع منج حبيبتي
مشكورة على الرد

 

[بنت فينا]

حمدلله علىسلامتجحتى انا صاررلي جم شهروليلحين منتفخ : (

 

[زبــــــــدة]

الحمدالله على سلامتج

بييييييييه حددده تو النااااااس يبيلج 6شهور لي سنة تبين النتيجة عدل

لاتحااتين لان الحين من العملية وارم ومتفوخ ومن الخياط وهالسوالف

راح يبين بعدين بس صبري

:*

 

[$$نرجس$$]

تو الناس الحيين وارم ومنتغخ طبيعي يبيله وقت ست اشهر

 

[طيــــف]

ايي طبيعي تو الناسس انطري عليه شهرين ينزل

 

[منار123]

طبيييعي
بس هالدكتور للاسف ممكن للعلاج زين بس التجميل لا
وبالقليل ٦شهوو يالله يبين الشكل الاساسي وبينزل حيييب

 

[ام عبدالله والريم]

اصبرى حبيبتى الخشم يبيله ٣ شهور بعد العمليه

 

[aldanaha]

انا مثلج مسويه عند الصبيح اول سبع شهورتحسينه مرفوع انا الحين دشيت بالشهر 11 نزل وصا طبيعي ايهبل انا اول ست شهر جنه خشم فلبينيه وراها تسنع والحين تحلفين اني مو مسوية

 

[aldanaha]

انا الحين 11 شهر وللحين مورم ترا يبيله

 

[softlady]

متابعه

 

[دوده123]

انا بعدصارلي تقريباًاربع سنوات وبعده رفيعع خف شيءبسيط

 

[keka89]

جوري اخوج لمن سوا عمليه ليش رفع خشمه
الي اعرف الشباب يسوون تصغير للحجم بس مايسون رفعه لي فوق ؟

 

[جوري ksa]

هلا كيكه

لو ركزتي بكلامي راح تلقين إن اخوي رافض مسألة الرفع وإن نتيجة الرفع بعد العمليه مباشره ومع الجبيره كانت مؤقته
وللأمانه انا انفجعت اول ما شفته وهو كمان اول ماصحى من البنج وشاف المرايه انفجع وتضايق كثير لان الفتحات كانت باينه
لكن بعد ما فك الجبيره الأنف نزل ومع الوقت رجع لوضعه الطبيعي ..

:eh_s(17):

 

[الحربيه 20]

السلام عليكم ..اختي ممكن صورة لعمليتك عند د. خالد الصبيح
عشان نستفيد ولك كل الشكر

 

[ام العزيز]

انا صارلي شهر وثلاث اسابيع مسويه عنده لان خشمي عوي والنتيجة ان صغر خشمي ورفعه بس لازال عوي بصراحه انحبطت وضاق خلقي وللحين ماشفت الدكتور بس مساعدينه لان كله يعتذر عن المواعيد