- إنضم
- 18 سبتمبر 2009
- المشاركات
- 371
- مستوى التفاعل
- 0
- النقاط
- 0
السلام عليكم ورحمة الله وبركاته
شلونكم بنات احلى منتدى
اول شي حابه اقول ان هالنك نك بنت خالي لاني ماعندي اكاونت بالمنتدى وحبيت اقولكم عن تجربتي لاني ادري بنات وايد مثلي خايفين من العمليه ونتايج العمليه صج الله يستر
من زمان وانا سبب عقدتي خشمي لان وايد كبير وصوب اليمين غير عن صوب اليسار بالمره ولله لدرجة اذا صورت من الصوبين قليل الي بيدورن انها انا وماعندي ثقه بخشمي اكره روحي اذا احد شافني من الجهه اليسار وعندي الاربنه كبيره ومكوره ان شاء الله بحطلكم الصور قبل وبعد لما اخلص من العمليه
كنت محتاره بين عبدالمحسن جعفر وبين منذر العجمي واستخرت والوسواس كان ملازمني لاني اسمع الشين من منذر ومن عبدالمحسن الي تقول خربو خشمي والي تقول الفتحات غير بس الحمدلله بالنهايه صفيت على عبدالمحسن لاني سمعت وشفت من عملياته وتطمن قلبي المهم رحتله بشهر 2 الي طاف استشاره وهم رحتله هالاسبوع مرتين وشافني وقال خشمج وايد عود وعندي انسداد بالغضروف بفتحتي اليمين وقال ماقدر اكويلج اياه لان بتخرب العمليه بس بيسويلي شي ثاني غير الكوي واحتاج لاربع شغلات الي اهي يصغر الارنبه ويقصر الخشم ويضعف العظمه الي بين العيون (مكان النظارات) ويبرد خشمي من فوق لان فيه عظمه بسيطه وقالي ترى عمليتج موسهله بالمقارنه مع الي خشمها اصغر بس مع ذلك بإذن الله خشمج بيتغير وايد وايد للاحسن ووراني صور لمرضى ماشالله كلهم تغيرو للاحسن والحمدلله اقتعنت بكلامه وكنت بسويها فبداية الصيف بس صارت ظروف وعدت وان شاء الله عمليتي بتكون يوم الثلاثه الياي وبكتبلكم بالترقيم عشان اسهل عليكم
1) تكلفة العمليه 2250 للدكتور والمساعد فقط ولما اروح المستشفى ادفع 250 لغرفة العمليات والبنج وحاطه احتياط 300 دينار للمراجعات الي بعد العمليه والادويه
2) العملية بإذن الله بتكون بمستشفى المواساة يوم الثلاثه اكون اهناك على الساعه 12 الظهر واطلع بنفس اليوم بليل والبنج بيكون عام
3) صورت بفوتوكينا بمبلغ 10 دنانير وقالتلي تبين السي دي قتلها لا لان قالولي البنات ماله داعي
4) بروح السبت مستشفى حكومي اسوي تحليل دم وتحليل النزف
5) خايفه بدرجه موطبيعيه من النتيجه تكفون ادعولي ان ربي ييسرها لي وان شاء الله بنزل الصور قبل وبعد لما يخف الورم حزتها
6) قالي ماكو الم ولاتسمعين كلام البنات الي تقول الله يعينج بتموتين من التعب والاكل يقول اكلي الي تبين والنوم الي يريحج ماكو وضعيه محدده وقال ما احط فتايل لانها تخرب العمليه فبيحطلي قطن وثاني يوم بليل ان شاء الله اروحله ويغيرهم لي وعلى الصلاة سألت وقالو توضي عادي بس يوم توصلين للانف مسحي على الجبيره بماي خفييف جدا جدا بطريقة خفيفه مادري فحابه اسألكم بنات اتوضا ولا اتيمم بتراب نظيف ؟ حدي خايفه من هلشي
7) اتوقع هذي كل المعلومات الي تحتاجونها قبل العمليه وانا ان شاء الله بكون معاكم اول بأول ابلغكم بكل شي واذا في تقصير اتمنى تقولولي لاني كتبت بسرعه ومحتاجه دعائكم الحين والله يجزاكم خير:33_1185028183:
شلونكم بنات احلى منتدى
اول شي حابه اقول ان هالنك نك بنت خالي لاني ماعندي اكاونت بالمنتدى وحبيت اقولكم عن تجربتي لاني ادري بنات وايد مثلي خايفين من العمليه ونتايج العمليه صج الله يستر
من زمان وانا سبب عقدتي خشمي لان وايد كبير وصوب اليمين غير عن صوب اليسار بالمره ولله لدرجة اذا صورت من الصوبين قليل الي بيدورن انها انا وماعندي ثقه بخشمي اكره روحي اذا احد شافني من الجهه اليسار وعندي الاربنه كبيره ومكوره ان شاء الله بحطلكم الصور قبل وبعد لما اخلص من العمليه
كنت محتاره بين عبدالمحسن جعفر وبين منذر العجمي واستخرت والوسواس كان ملازمني لاني اسمع الشين من منذر ومن عبدالمحسن الي تقول خربو خشمي والي تقول الفتحات غير بس الحمدلله بالنهايه صفيت على عبدالمحسن لاني سمعت وشفت من عملياته وتطمن قلبي المهم رحتله بشهر 2 الي طاف استشاره وهم رحتله هالاسبوع مرتين وشافني وقال خشمج وايد عود وعندي انسداد بالغضروف بفتحتي اليمين وقال ماقدر اكويلج اياه لان بتخرب العمليه بس بيسويلي شي ثاني غير الكوي واحتاج لاربع شغلات الي اهي يصغر الارنبه ويقصر الخشم ويضعف العظمه الي بين العيون (مكان النظارات) ويبرد خشمي من فوق لان فيه عظمه بسيطه وقالي ترى عمليتج موسهله بالمقارنه مع الي خشمها اصغر بس مع ذلك بإذن الله خشمج بيتغير وايد وايد للاحسن ووراني صور لمرضى ماشالله كلهم تغيرو للاحسن والحمدلله اقتعنت بكلامه وكنت بسويها فبداية الصيف بس صارت ظروف وعدت وان شاء الله عمليتي بتكون يوم الثلاثه الياي وبكتبلكم بالترقيم عشان اسهل عليكم
1) تكلفة العمليه 2250 للدكتور والمساعد فقط ولما اروح المستشفى ادفع 250 لغرفة العمليات والبنج وحاطه احتياط 300 دينار للمراجعات الي بعد العمليه والادويه
2) العملية بإذن الله بتكون بمستشفى المواساة يوم الثلاثه اكون اهناك على الساعه 12 الظهر واطلع بنفس اليوم بليل والبنج بيكون عام
3) صورت بفوتوكينا بمبلغ 10 دنانير وقالتلي تبين السي دي قتلها لا لان قالولي البنات ماله داعي
4) بروح السبت مستشفى حكومي اسوي تحليل دم وتحليل النزف
5) خايفه بدرجه موطبيعيه من النتيجه تكفون ادعولي ان ربي ييسرها لي وان شاء الله بنزل الصور قبل وبعد لما يخف الورم حزتها
6) قالي ماكو الم ولاتسمعين كلام البنات الي تقول الله يعينج بتموتين من التعب والاكل يقول اكلي الي تبين والنوم الي يريحج ماكو وضعيه محدده وقال ما احط فتايل لانها تخرب العمليه فبيحطلي قطن وثاني يوم بليل ان شاء الله اروحله ويغيرهم لي وعلى الصلاة سألت وقالو توضي عادي بس يوم توصلين للانف مسحي على الجبيره بماي خفييف جدا جدا بطريقة خفيفه مادري فحابه اسألكم بنات اتوضا ولا اتيمم بتراب نظيف ؟ حدي خايفه من هلشي
7) اتوقع هذي كل المعلومات الي تحتاجونها قبل العمليه وانا ان شاء الله بكون معاكم اول بأول ابلغكم بكل شي واذا في تقصير اتمنى تقولولي لاني كتبت بسرعه ومحتاجه دعائكم الحين والله يجزاكم خير:33_1185028183:
