عمليتي " تصغيرالصدر" بعد جم يوم ..ووعندي جم سؤال ؟؟؟

[أي معزه!!]

السلام عليكم

بنات عمليتي ما بقى لها الا جم يوم بس مادري وايد خايفه واحاتي

عملية تصغير الصدر وشده ورفعه

بصراحه ضايعه حدي ومو عارفه شنو بسوي عقب العملية

أنا زهبت ملابس لان قريت ما اقدر ارفه اديني عدل عقب العملية
فاشريت بجايم ينلبسون نفس القمي بدون لا ارفع ايدي

المهم

بنات اللي جربت اي عملية بالنسبة للصدر شلون اهتميتي بنفسج عقب العملية ؟؟

وشلون كنتي تعقمينه بروحج وشنو تستخدمين على الجرح ؟؟

اذا كا عندج يهال متى قدرتي تلبسينهم وتسوين باجي النشاطات الخفيفة معاهم


وبنات عقب ما صحصحتي من البنج صج لازم يحوشني دوخة وترجع ولوعة ؟؟؟؟ صج لازم اصوم قبل العملية ؟؟

ابي تجاربكم

وبعد العملية اشكثر تميتي لابسه الكورسيه ؟؟ ومتى بعرف قياسي اليديد ؟؟

ومتى اقدر ارد لبس الستيان من يديد ؟؟؟

بنات اللي ما تعرف اجوبة هالاسئلة اسئلها تدعيلي بظهر الغيب
اني اقوم بالسلام وتكون العملية ناجحه بدون مضاعفات ياااارب

ويالله بنات سااااااعدوني

 

[*ضيفة*]

السلام عليكم

بنات عمليتي ما بقى لها الا جم يوم بس مادري وايد خايفه واحاتي

عملية تصغير الصدر وشده ورفعه

بصراحه ضايعه حدي ومو عارفه شنو بسوي عقب العملية

أنا زهبت ملابس لان قريت ما اقدر ارفه اديني عدل عقب العملية
فاشريت بجايم ينلبسون نفس القمي بدون لا ارفع ايدي

المهم

بنات اللي جربت اي عملية بالنسبة للصدر شلون اهتميتي بنفسج عقب العملية ؟؟

وشلون كنتي تعقمينه بروحج وشنو تستخدمين على الجرح ؟؟

اذا كا عندج يهال متى قدرتي تلبسينهم وتسوين باجي النشاطات الخفيفة معاهم


وبنات عقب ما صحصحتي من البنج صج لازم يحوشني دوخة وترجع ولوعة ؟؟؟؟ صج لازم اصوم قبل العملية ؟؟

ابي تجاربكم

وبعد العملية اشكثر تميتي لابسه الكورسيه ؟؟ ومتى بعرف قياسي اليديد ؟؟

ومتى اقدر ارد لبس الستيان من يديد ؟؟؟

بنات اللي ما تعرف اجوبة هالاسئلة اسئلها تدعيلي بظهر الغيب
اني اقوم بالسلام وتكون العملية ناجحه بدون مضاعفات ياااارب

ويالله بنات سااااااعدوني

اولا ان شاء الله تعمليها وتقومي بالسلامة وتقوليلنا شو صار معك
بالنسبة للاهتمام بالجرح بعد العملية ف كان مسؤولية زوجي لانه طبيب وثاني شي لاني بخاف لحالي لكن بعد اسبوعين سافر وتركني مع هالمهمة ولكن سهلة طلعت لازم طبعا الدكتور يشرحلك الخطوات بالضبط وانت تطبقي تغير الشاش والدوا اللي تحطيه المضاد الحيوي وايضا المضاد الحيوي اللي تبلعيه بعد العملية لغاية 12 يوم واهم شي النظاااااااااااااااااافة وتعقيم الادوات لاني ما انتبهت واخذت من الصيدلية شاش مو معقم وصار عندي التهاب بالجرج لكن عالجته وعدى الموضوع على خير
بالنسبة لاهتمامك بجهالك لازم اول اسبوع يكون معك حدا طبعا خاصة ازا عندك بيبي لازم ما تشيليه الا بعد لبس الكورسيه اما الشغل العادي تقدري تعمليه بكل بساطة بعد شيل البربيش تبع العملية وحتى تلبيش جهالك وحمامهم وتنظيف بسيط عاادي مافي اي مشكلة
قبل العملية ضروري تصومي اقل شي 8 ساعات يعني انا بعد 12 بالليل ما حطيت شي حتى الماي ممنوع وعمليتي كانت الصبح اما بعد العملية الحمدلله لا ترجيع ولا اي حاجة والالم مافي نهاااااااااائي لدرجة شكيت بنفسي وصرت احط ايدي على صدري اقول ليكون ما عملولي العملية لسة والحمدلله اكثر من حدا نفس الشي بالنسبة للالم كان رايهم
بالنسبة للكورسيه لازن تلبسيه اقل شي 3 شهور وانا صارلي مسوية العملية 6 شهور وللان البسه لكن مش بانتظام واكثر شي لما العب رياضة او اعمل مجهود قوي
بالنسبة للقياس رح يتغير كل ما يفش الورم يصغر الصدر شوي يعني من بداية العملية لحد بعد شهرين ممكن يصغر قياسك نمرة او الستيان تحسيه صار مبحبح شوي يعني انا لبست الكورسيه قياس 38 C
لكن بعد العملية باسبوعين او شهر صرت البس 36 سي وهاد اصلا القياس اللي ع اساسه صغرلي الدكتور صدري
لبست الستيان بعد تقريبا شهرين ولما لم الجرح تمام وطاب لبست الستيان لكن ما ارتحت فيه كثر الكورسيه ف احسن تظلي تلبسي الكورسيه بانتظام اول شهرين
ان شاء الله اكون افتدتك واي سؤال انا حاضرة وادعيلي الله يحققلي اللي ببالي
لاتنسي تطمنينا عنك بعد العملية:eh_s(8):

 

[فديته]

هلا فيج اختي

ان شاء الله تنجح العمليه بس والله ماعندي علم

ان شاء الله البنات يفيدونج

 

[احلا عجميه]

انشالله سهالات يارب اهم شي ضبطي نفسيتج قبل العمليه طلعي استانسي اقري سورة البقره كامله وانشالله خير

 

[أي معزه!!]

ضيفة

حبيبتي ما قصرتي مشكوره على ذكر تجربتج حياتي
وإن شاء الله بكتب لكم التفاصيل عقب العملية


فديته & احلى عجميه

مشكورين على مروركم ودعائكم حبايبي ما قصرتو

 

[كماشه]

ماعندي فكرة انا بعد افكر اسوي العمليه
تسوينها وتقومين بالسلامه ان شاءالله
منو دكتورج

 

[فوفو00]

انشالله بسويها باذن الله قريب ولاتخافين سهالات انا كنت مسويه بطني وزنودي والمشد له دور فعال في تخفيف اللالم اسالي البنات انطري انزل لج التجارب

 

[فوفو00]

تصغير و شد الصدر

--------------------------------------------------------------------------------

لقوام رشيق ممشوق تحلمين به دائما

تجرى عملية تصغير الصدر للتقليل من حجم صدر المرأة ولإبراز شكل جسدها وليحقق صدرها تناسبا متميزا مع جسدها. يؤثر حجم الصدر والشكل على شخصية المرأة ونظرتها الخاصة لذاتها ولحياتها النفسية ولأسلوب حياتها. وعلى الرغم من أن العملية تتم عادة للنساء الشابات إلا أنه بالإمكان أن تجرى أيضا للنساء في أي عمر كان. وتعتبر هذه العملية واحدة من أغلب العمليات شيوعا لذلك فإن نتائجها متوقعة ومضمونة.

أما عملية شد الصدر فتحتاج إليها المرأة عندما يتهدل الصدر بعد حصول الحمل المتكرر أو خسارة كبيرة للوزن مما يؤدي إلى تهدل مزعج بالنسبة للكثيرات بشكل لا يتناسب مع باقي جسمهن.

و تفيد هذه العملية الرائعة لرفع أو لإعادة شكل الصدر مع إعطاء مظهر شاب لجسد المرأة. وتجرى أحيانا عملية شد الصدر مترافقة مع عملية تكبير الصدر.

كيف تتم هذه العمليات؟
تجرى العملية تحت التخدير العام ويمكن أن تتطلب العملية بقاء المريضة في المشفى على الرغم من أن جراحة اليوم الواحد ممكنة جدا لبعض المرضى.

وتستغرق العملية من ساعتين إلى أربع ساعات حسب ما تستدعي الحاجة ويتم تحديد حواف الجرح ومكان الحلمة الجديد ومكان الهالة قبل العملية ثم يتم نقل الحلمات والهالة إلى الموقع الجديد. ثم تتم إزالة أنسجة الصدر الزائدة جراحيا والقابلة للامتصاص ثم يتم وضع الضماد.

ما هي المضاعفات الممكنة (المتوقعة) بعد إجراء العملية؟
من الممكن حدوث تأثيرات جانبية مؤقتة بعد كلتا العمليتين(عملية تصغير وشد الصدر) كظهور كدمات وانتفاخات توذمات وشعور بالشد وإلى حد ما شعور بالخدر أو الحكة التي تشير إلى شفاء الجروح. ويمكن لبعض المضاعفات أن تحدث كالنزف والالتهاب وسوء التئام الجروح وعدم التناظر الخفيف في حجم الصدر ويعتبر طفيفا ومقبولا جدا.

إن أغلب المضاعفات قليلة الحدوث نسبيا ولا تستدعي العودة إلى غرفة العمليات. وستترك العملية ندبة تصعب ملاحظتها تدريجيا بعد مرور مدة تتراوح من 6 إلى 12شهر على إجراء الجراحة.كما يمكن في بعض الحالات تفادي هذه الندبة وذلك بوضع الجرح حول الهالة.

عند إجراء عملية تصغير الصدر يمكن لحالة من أ ربعة حالات أن تؤدي لفقدان حس الحلمة بشكل جزئي.

فترة النقاهة:
تمتد فترة النقاهة من أسبوعين إلى ثلاثة أسابيع وباستطاعتك حينها استئناف عملك وستشعرين بألم قليل أو خدر في صدرك لبضعة أشهر بعد العملية. ولكن تعتبر نتائج عملية تصغير وشد الصدر مرضية ورائعة في معظم ا لحالات.

 

[أي معزه!!]

كماشه

بسويها عند الدكتور عبدالناصر خلاف بمستشفى السلام بأذن الله

فوفو

حبيبتي مشكوووره على هالمقاله حياتي ما قصرتي

 

[ام عفاف الكويت]

الله يقومج بالسلامه
انا صار لي 3 اشهر تقريبا
اهم شي لاتهملين المشد
قبل ماتدشين شربي مره
وبعد العمليه اهتمي
ولاتستعجلين في شيل البربيش
وانتبهي من الشي الثقيل ولاتدزين
شوي بتحسين بعوار او بالاحرى يعووووووووووووووور
طلبي مسكنات وماعليه انا بجيت لما قلت يابس من العوار
بس بعد جم يوم جني جذابه مافي الا العافيه

 

[أي معزه!!]

حبيبتي ام عفاف مشكووورة

حدي خايفه بس وايد ردود اللي سوو اعملية تشجعني

 

[ام عفاف الكويت]

لاتخافين
اهم خطوه الاستخاره
والله يقومج بالسلامه

 

[كرز أخضر]

تقومين بالسلامه ان شاء الله ..احرصي على روحج من العطور والبخور بعد العمليه ..حطي في بطل ماي صحه صغير شوية مره وكمون قبل لاتروحين الطبيب وعقب ماتصحين من العمليه ان شاء الله خلي اي احد يجيبها لج بالطبيب وشربي منه. .حطي لنا تجربتج عقب العمليه عشان نستفيد..

 

[حرم الحوت]

حبيبتي تقومين بالسلامه ولا تخافين والله العمليه كلها سهالات وعسى الله يسلم المسكنات اللحين ما تخليج تحسين بعوار وديري بالج تطين مره على الجرح لانها صج يمكن توخر عنج الشمم بس تخلي اثار العمليه والخياط ما يروح خلج على المضاد الحيوي وشربي مره بس لا تمسحين الجرح وماشاءالله دكتورج شاطر ما يبيله خوف وبعدين اتكلي على الله وسويها وصلي استخاره
وتقوووووووووووووووووووووووووومين بالسلامه

 

[Turquoiseya]

نصيــــــــــــــــــــــــحة لوجهه الله
دشي العملية وانتي صايمة
ماراح يجيج لا ترجيع ولا لوعة بس دوخة خفيفة عادية
كل عملياتي ادخلها وانا صايمة عقب ماشفت الويل في عمليتي الاولى لما كنت بس شاربة عصير
قيصرتي الاولى: ماكنت صايمة وشفت الويل منها خصوصا الترجيع احس قيصرتي بتنفتح
قيصرتي الثانية ماسووها لي الا عقب 8 ساعات من دون اكل يعني دخلت عندهم بالليل ونمت ولما قمت ماعطوني شيء وقالوا لي لازم اندخلج العملية وانتي مو ماكلة ولا شاربة شيء ويارب لك الحمد طلعت منها ولا ترجيع ولا هذرة ولا بطيخ فرق 360 درجة عن عمليتي الاولى
عملية خشمي: هم دخلتها وانا صايمة والحمدالله قمت بعد البنج وانا مرتاحة ولا حسيت لابدوخة ولا شيء

 

[فوفو00]

بالتوفيق انشالله وطمنينا عليج

 

[أي معزه!!]

كرز اخضر

مشكوره حبيبتي ونفس كلام الوالده ابعد عن العطور

حرم الحوت

شاكره مرورج حبيبتي والمره مو زينة تشد الجرح والغرز هذا اللي اعرفه ومشكوره حبيبتي

تركوازيه

حبيبتي تذكرين يوم عذبتيني بصور نانسي لووووول

مشكوره بعد عمري كنت ابي تجارب بخصوص التخدير وما قصرتي بعد عمري

 

[ام عفاف الكويت]

التخدير اخر اكل لج نصييييييييييييييييييييييييييييييييييييييييحه 1 بالليل
بيقولون لج وقفي اكل من 5 الفير لا لا لا
خلج 1
وبعد البنج بترتاحين لا استفراغ ولا تعب
وراح يعطونج صابون تسبحي فيه خاص للعمليات وكثري بالمنطقه
والتخدير ديري بالج لاتجذبين وتقولين ماكلت خلج دقيقه ترى البنج اخطر شي

 

[Turquoiseya]

تركوازيه

حبيبتي تذكرين يوم عذبتيني بصور نانسي لووووول

مشكوره بعد عمري كنت ابي تجارب بخصوص التخدير وما قصرتي بعد عمري

لوووووووووووووووووووووووووووووول
تدرين انها طرت على بالي
قلت لايكون شيشتها والحين بتغامر وتسويها
الصراحة ما الومج يوم تعذبتي، انا كل ما شفتهم حاشني احبااط
ان شالله تقومين بالسلامة ويصير صدرج احلى من نانسي وربعها
انتم السابقون ونحن اللاحقون ان شالله

 

[أي معزه!!]

حبيبتي ام عفاف ماقصرتي
وإن شاء الله بكون دقيقة هذا بنج مو اي شي براحه يخرع

تركوازية

الله يسلمج يارب وإن شاء الله تطلع النتائج ممتازه يااااااارب