عمليتي السحب تعالوا شوفي شنو صار اليوم بالتفصيل ..

[فراشة الكويت25]

السلام عليكم

طبعا انا مثل ما قلت لكم قصتي
انا متزوجه من 3 سنين و8 شهور ..

وزوجي عمره 26 وانا 25 ..
بعد مرور 6 اشهر من زواجنا قلت اروح اعالج طبعا رحت حق مهجة البدر باول زواجي وشافت كل شي والحمد الله كل شي عندي سليم .. وعطتني كلوميد وماصار شي بس انا ما ارتحت لها ..
امي قالت لي روحي الراشد عاد انا ما اعرف شي بالاطبا رحت عند ايفا وعلى طول عطتني كلوميد وربي بنات عمري ما اعرف شنو كلوميد 4 شهور تعطيني كلوميد وابر وما حملت وانا ما فيني اي شي.. ولا مره قالت لي ابي تحليل لزوجج بس على اوله كلوميد ..وتركته ..
قلت خلاص ما ابي اعالج ..

طبعا حماتي اتعالج عند وحده بالبيت تداوي بالاعشاب ومن هالسوالف بس فحصتني قالت لي ما فيها شي ولا عطتني شي لان كل شي عندي سليم ..


طبعا اهم يحسبون انا فيني شي مو ولدهم واهم ودوني بيتأكدون ..

وقعدت تقريبا سنه بدون علاج وبعدين وانا رايحه البحر ولا اتعرف على وحده قالتلي انتي من متى متزوجه قلت لها تقريبا بيصير لي سنتين قالت لي ليش ما عالجتي قلت لها رحت قالولي ما فيج شي وقالت لي وزوجج قلت لها ما اعتقد فيه شي
لان ماشالله زوجي طول بعرض ماكان مبين في شي وانا وحده ما اعرف بهالامور قالت انتي شنو خسرانه خلي يسوي تحليل
وصتني على الدكتور البكري بالسلام قالت انا 20 سنه كل بلد سويت فيها بس سبحان الله ربي كتبلي عند البكري وعندي بنت

قلت اروح ..
وطبعا ربي يجزاها الف خير رحت وشفت الفرق سالني كم سؤال وطلب تحليل لزوجي

وطبعا كانت الصدمه
انه زوجي ما فيه الا جم الف ولا كلهم ميتين الا 6 عايشين بس

قالي انتوا ما يصير التليقيح ولا الطبيعي انتوا بس الانابيب بعد مو اي اننابيب المجهري ..

وطبعا عطانا تكلفه العمليه ..زوجي ماكان مقتنع ورحنا منه بس انا كنت مقتنعه بس ما ابي اضغط على زوجي ..

قلته جرب دكتور غيره راح الصباح ولما شاف تحليله قاله الخاص بس يبون افلوس انت ما فيك شي.

وقنع زوجي بالعلاج لمده سنه الله يسامحه ..

طبعا زوجي قط فلوس الدنيا على الدوا كله دواه من برا وتدون التحليل الاول نا يفرق عن الثاني الا بجم واحد بس يعني سنه علاج ولا صار نص مليون ..

الحمد الله على كل حال يمكن خيره ربي كاتبها لنا ..
عاد ردينا حق البكري ..

ولزمنا انه هالمره نبي الحل واهو الحقن
توكلت انا وزوجي على الله ومن 22 -7 وانا اعالج اخذت خمس ابر تنشيط كل يوم اخذ 200 مل
ويوم 27 يته هم عطاني 3 ابر تنشيط و3 ابر ماي وبودر لي اليوم ال30 رحت قالي اخذي ابره تنشيط 100 بس اليوم مع ابره ماي وبودر وباجر ال31 اخذي التفجير وهم مع الماي والبودر ..
وانه السبت 1 -8ما اخذ تبر واصوم الساعه 12بليل..

طبعا اليوم الساعه 7ونص الدخول والساعه 9 عمليتي..


طبعا اول ما دشيت رحت انا مع امي وزوجي قالوله ايي تسع ونص يحلل لانه يبون عينه فرش غير الي مجمدينه

دشيت غرفه كانت غرفه بروحي داخلها سري وكرسين وكبت..

قالولي قطي كل ملابسج ولبسي ملابسهم
غزوني ابره بالوردين ولا تألم الابره بس طلعوها لان وردي اصغير بس وربي بنات عوار مو طبيعي

وحطوه بالايد الثانيه هم عوار بس الحمد لله فيه وريد

وبعدين حطوا لي ابره حق المعده والترجيع تكرمون ..داخل الادرب ..

وبنات كنت خايفه عمري ما سويت عمليه قعدت اقرا قران والله بنات كانه موديني للموت وفجأه قعدت ابجي واشهق بالبجي
امي اخترعت مني وعطتني اقرا اخر سور البقرا وشوي قريت وهديت ..

وبعدها طلبوا تكرمون اروح الحمام بعدها دشيت العمليات بس كنت مستانسه كل السسترات يسولفون ويضحكون معاي ودكتور البكري بعد بس حطوا ابره المخدر بالدرب وحطوا الكمام ما ادري عن نفسي الا والسستر اتقعدني

بعدها رجعوني غرفتي .. وانطروا ساعتين ويابولي اكل اكل لان صارت فيني دوخه مو ماكله شي وياني الدكتور وشرحلي جم بويضه سحب مني ماشالله 9 بويضات وكلهم بالحجام المناسبه وخذا عينه من زوجي فرش وقالي بعطيج فولك اسد وتحاميل ..احطهم الصبح وبليل لين الاربعا الاربعا ما احط شي الصبح لانه بيرجع الاجنه ربي يكتبلي الي فيه الخير ويثبتهم لي يارب ..

وبعدين بس راح الدكتور قالولي ما يصير انشيل الدرب الا لما اتروحين الحمام تكرمون ورحت بنات نازل علي دم وفيني حرقان اشوي
وبعدين شالوه ورخصوني والحمد الله على كل شي رجعت البيت حطيت التحميله وكليت الدوا ونمت وتوني صليت العصر والظهر لاني ما صليت ما سمحلي العوار اصلي الظهر ..

والحين قاعده اكتب لكم كل شي وانشالله الالربعا بكمل لكم كل شي بالتفصيل ..

اختكم ​

فراشة الكويت 25

 

[@حوريه86@]

الحمدلله على سلامتج وان شالله ياااار ب تبشرينا بحمالج وبتوم يااارب ويثبت الاجنه برحمج الهي امييييييييييييييييين ولا يردج خايبه

 

[غيـ الناس ـر]

عسى الله ما يضيع تعبج ويرزقج يا رب بالتوم المعافى

 

[الشرطيه]

ان شاء الله تبشرينا بالحمااااال بالتوأم

 

[@عبايه@]

وعليكم السلام

الحمدلله على سلامتك

اسأل الله أن يثبت أجنتك ويتمم حملك ويرزقك الذرية الصالحه السليمه

اللهم آآآآآمين

 

[احلى^فراولة]

يااااااااااااااااااااااااااارب تبشرينا بالحمل الثابت والتؤام المعافى

كثري دعاء بقيام الليل وقت السجود اساليني وحده بوحده

 

[SaD FaCe]

ان شاءالله ما يضيع تعبج يارب

ويرزقج بتوأم حلويين ان شاءالله

 

[فراشة الكويت25]

امين يارب ويرزقكم كلكم ربي يجزاكم الف خير

 

[احلى اسم بالكون]

هلا ممكن تقولي لي وين سويتي عمليتك عند من


وش عطوك ادويه وتحاميل


لان عمليتي السبت الجاي الله يخليكي لاتهمليني


والله يرزقك ويرزقنا

 

[فراشة الكويت25]

عند محمد البكري بالسلام
تحاميل ما ادري حق شنو بس يمكن حق بعد العمليه تهئ الرحم للأجنه وثبت الاجنه
وعطاني فيتامين الفوليك اسد ..
وبس
وانشالله ربي يرزقج الذريه الي تفرح قلبج يارب بس قبلها عطااني ابر تنشيط وابر تفجير قبل العمليه

 

[احلى اسم بالكون]

ايه حتى اني ابر تنشيط 30 ابره وبعد زادها كم ابره وابره التفجير اتوقع الاربعاء السحب الاسبوع الجاي


سويت تحليل تخثر الدم ماعطاكي بيبي اسبرين يقولون البنات مهم علشان لايصير تخثر

 

[فراشة الكويت25]

حتى انا سويت تحليلين السر والدم وما عطاني بيبي اسبرين .. يمكن دكتور عن دكتور يفرق ونا الحمد الله تحاليلي كلها اوك انا اخذت بس 15 ابره مع التفجير

 

[غزلان كويت]

يا رب ارزق اختي فراشة الكويت وكل محروم يا ارحم الراحمين وحدك القادر على ذلك

 

[$غــ(ز)ــل$]

حمدالله على سلامتج يالغاليه
واجرررر ان شااءالله
وعسى الله يكتبلج الحمل عاجلا غير آجل ياارب

 

[hadooya_ali]

الله يرزقج بالذرية الصالحة امييييين يارب

 

[الفريده]

الله يرزقج بالتوأم ان شاء الله ولا يضيع تعبج

انا باجر عندى سحب البويضات والله كريم

الله لا يضيع تعبنا ويرزقنا بحق سيدنا محمد وآل بيت سيدنا محمد عليهم السلام

 

[حورية الشماااال]

فراشه حبيبتي عليج بالاستغفار والصدقة واقري البقره كل اربع ساعات او بعد كل صلاه وفي الليل حاولي تختمينها في قيامين يعني يومين ورى بعض انا باديه في القيام اق حتاول اختمها في يومين وصلاتي وانا قاعده واذا تقدريني شربي ماي مقري وشغلي الرقيااا وتسبحي بعد اسبوع او تسع ايام بالسدر والماي وربي يرزق كل محرومه وانا ناطره لي اسبوع مرجعه الاجنه وياربي ياحبيبي يرزقني ويرزق كل ب نت محرومه

 

[Amory]

الله يرزقج حبيبتي واتيين اتبشرينا ابخبر حملج واتفرحينا بالقريب العاجل.

 

[مووووني]

الله لايضيع تعبج ويرزقج الذريه الصالحه
يارب

 

[داعيه إلى الله]

الله يتمم عليج ويرزقج بالذريه الصالحه ويرزقنا معاج