عمليتي الجراحية حق خشمي باجر ...!!

[حلوة و بس]

السلام عليكم شلونكم بنات ؟؟


انا الحين شابكة بالمستشفى وعمليتي الساعة 8

وحدي حدي خايفة

انا عندي العظمة الي بخشمي صاير عظم على عظم مكسور

و الي بيسويلي العملية دكتور ايراني ياي من امريكا زيارة حق الكويت بس عشان يسوي 7 عمليات ويرد امريكا


وايد مدحولي ياه بس انا مترددة حييييل و خايفة

عمري 18 سنة و خشمي صج صج مخرب علي

بس كلة خايفة ان يصير شكلي خايس او ما يعجبني واللللللللله امووووووووت: /

وخايفة من الكدمات الي راح تصير تحت عيني

بنات منو سوت خشمها ختفيدني و تبرد جبدي حدي خاااايفة


وازعاااااااااج خلصت الزيارة والناس ماراحوا مزعجيييين


بليييييز بنات فيدوني وساعدوني !!​

:cxxxp::cxxxp::cxxxp::ch12::gr4uu:

 

[MisS *-* BMW]

لا والله ولا مره ما سويت خشمي اعرف وحده من ارفيجاتي كانت امسويه خشمهااا بس الحمدالله صار شكلها حلو وقامت بالسلامه .. لا تحاتين فديتج عسى ربي يقومج بالسلاااااااااامه والله يعيين يارب

طمنيناا عنج لمن تطلعين حاسه فيج عدل لاني انا من الحين وخايفه :\ عندي عمليه يوم الاثنين وخايفه حدي

 

[الملقووووفة]

حبيبتى عادى لا تخافين ولا تفكرين وايد اختى سوت عملية عند خالد الصبيح والحمد لله النتيجة حلوة والعظمة عمليتها سهلة وانشاء الله اتقومين بالسلامة وتطمنينا وانا موعدى شهر 3 :yaaaaaarb:

 

[¤§ زيتونة §¤]

حبيبتي


الله يطمنج ان شاءالله

وباذن الله تنجح عمليتج وتشوفين نتايج حلوة


اثر العملية يبيله وقت على ما يروح بس ان شاءالله ما تطول

اعرف وحدة سوتها وحطت لزقات على الجانبين من خشمها وما كانت تطلع الا حق اهلها بس ليما صارت زينة وتفاجانا فيها معدلته صاير حلو وايد

توكلي على الله وربج معاج

بالسلامة حبيبتي

 

[eliana]

رد : عمليتي الجراحية حق خشمي باجر ...!!

حبيبتي لاتخافين أنا مسوية العملية من شهر وان شاءالله سهالة
بس حبيبتي توقعي انج راح تورمين وتصير كدمات ولو انه في ناس مايصير فيهم شي بس حطي أسوأ الاحتمالات عشان اذا صار فيج ماتنصدمين
ولاتقعدين اتفكرين وايد في شكلج من الحين لأن المشوار طويل على ما تتطلع النتيجة النهائية
أهم شي الحين العملية تعدي على خير وتقومين بالسلامة

 

[اميره بكلمتي]

سهالات ان شاء الله ولاتحاتييين حبووبه

وتقووومين بالسلامه يارب

:yaaaaaarb:

 

[نورالدنيا***]

رد : عمليتي الجراحية حق خشمي باجر ...!!

ان شالله سهاله وربي يقومج بالسلامه

:wqedqw: وان شالله نرتاحين من النتيجه

 

[حلوة و بس]

بنات الحمدالله سويت العملية

وويهي ورم شوية !!!

بس الحمدالله خشمي يعورني شوية و ماقدر اتنفس الا من الفم


قالي الدكتور ان سوة خشمي وايد حلو بس بصراحة انا خايفة من الشكل النهائي حق خشمي


الله يستر

وانشاءالله راح احط صوري قبل وبعد :*:*:yaaaaaarb:​

 

[رمشْ الحَيآ]

ألف حمدلله ع سلااااامتج حبيبتي و خبرينا على طول باللي يصير معاج

 

[شنشووونه]

االحمدلله على السلامه فديتج

ان شاءالله تكون النتيجه احلا من اللي في بالج

 

[كويتيه وبس]

رد : عمليتي الجراحية حق خشمي باجر ...!!

وعليكم السلام الحمدلله على سلامتج
وان شاء الله تكون النتيجه احلى مما كنتي متوقعه يااااارب
بس ما قلتيلنا اسم الدكتور؟ وشنو تخصصه تجميل ولا انف واذن وحنجره وتجميل؟
واي مستشفى؟ وجم كلفتك؟ ​

 

[فاطمة 25]

رد : عمليتي الجراحية حق خشمي باجر ...!!

الحمد لله على سلامتج^^

وإن شاء الله تعجبش النتيجه

 

[EmMy]

رد : عمليتي الجراحية حق خشمي باجر ...!!

حمدلله على سلامتك
وان شاء الله يسير احلى يارب
بس لاتنسينا
نبى نشووف قبل وبعد:ggdw: :rerrerek:

 

[أم*سلمان]

الحمدلله على سلامتج يا الاميره و طمنينا عنج

 

[حلوة و بس]

بنات بقول لكم شي مضيق خلقي

شفت خشمي اليوم واهما يبدلون لي الضماد !!

كبييييييييييييييييييييييييييييييييييييييييييير ؟ :/ وانا اسساسا خشمي ماكان عود وايد :×

سويت مناحة وقمت ابجي بجي ولوية وعيني منتفخة كلة ازرق

يالي الدكتور وقالي ان هذا ورم وراح يبين شكل خشمي عقب 3 شهور لي سنة :×

وانا حدي خايفة


منو مسوية عملية وتقولي شلون كان اول ما شافتة :× !!

كانن منتفخ ولا لأ :× :/ ​

:yaaaaaarb::yaaaaaarb::yaaaaaarb::yaaaaaarb::yaaaaaarb:

 

[ALIEN]

رد : عمليتي الجراحية حق خشمي باجر ...!!

حبيبتي نطري النتيجة اشفيج مخترعه !! واكيد لازم يتورم و ينتفخ

 

[BeBoNz]

رد : عمليتي الجراحية حق خشمي باجر ...!!

عمري انا توني ياية من ايران مسوية خشمي بس شوفي ماكو اكبر من خشمي واللة ورمان وليلحينة بس فش شوي مو وايد
والكل يقولي لاتستعيلين صبري ويتعدل بس حبيت اطمنج عالورم ترى يخف شوي شوي يعني 6 اشهر يكمل الخشم بشكل نهائي يعني بعد ست شهور تشوفين النتيجة النهائية هالورم بسبب البنج والعملية والشغل لانهم فتحو خشمج ترى
وبنج كامل
وبالنسبة حق الكدمات عادي واللة طاف انا صارلي لون اصفر وبنت خالتي لون اسود بس طاف يروح تدريجي واللة
ولاتحطين مكياج انسيى ولاتفكرين تحطين مكياج
نامي على ظهرج لمدة ماتقل عن 3 اشهر
لاتستخدمين الا ماء دافء اوكي ؟
واي استفسار انا بالخدمة اذا تبيني تلاقيني بالخاص بعد يقولج سألي مجرب ولاتسألين دكتور هاهاها:eh_s(22):

 

[Apple-pie]

رد : عمليتي الجراحية حق خشمي باجر ...!!

مبرررروك ان شاءالله يطلع حلووو مثل ماتبين واحلا بعد
ان شاءالله تقومين بسلامه

 

[برونزية صعبة]

رد : عمليتي الجراحية حق خشمي باجر ...!!

الف الحمدلله ع سلامتج ياقلبي :eh_s(7):

 

[بحرينيه كشوخيه"]

رد : عمليتي الجراحية حق خشمي باجر ...!!

حمدالله على سلامتج قلبي

وإنشاءالله يطلع الشكل إلي تبينه