عملية منظار للرحم ... بليز افيدوني

[7googya]

السلام عليكم ورحمة الله وبركاته
شلوونكم بنــــــــــات .. مابي اطوول عليكم بدش بالمووضووووع سيده
انا صارلي 6 سنين متزوجه وما حملت الا مره من سنتين وكان حمل خارج الرحم وعقبها ما حملت ..والمفروض اذا ماحملت عقب حمل خارج الرحم اب سنه ونص اني اسوي اشعة الصبغه .. بس الدكتوره قالتلي الافضل اني اسويلج منظار للرحم عشان اتأكد ان الانابب سليمه والرحم مافيه التصاقات او اي شيء..
الصراحه انا حدي خايفه وخصوصا انها بتفتح لي 3 فتحات وحده بالسر وثنتين بالرحم هذا الي مخرعني ...
المفروض عقب هالدوره اسويها سيده والحين موعدها...


الله يعافيكم منوو تقدر تفيدني بالموضوع وتقولي تجربتها سواء كانت نتيجة المنظار انها زينه ماتعاني من شيء اوو اذا عندها مشاكل؟؟ واذا حملت عقبها ولا لاء ؟؟ او لازم جم شهر عقب العمليه ما تحمل؟؟ لان سمعت ان لازم اتم فتره عقب المنظار ماتحمل لان مو زين ...


بنات طمنوني حدي مخترررررررررررررررعه
وان شالله ربي يريحكم ويطمنكم بالعفوو والعافيه .. ويرزقكم بالذريه الصالحه ​

 

[zalabia84]

هلا حبيبتي ... لا تحاتين انا سويت الاشعة كانت مؤلمه بس انا تشنجت وو كان فيني جيس ماي وانا مادري عشان جذي اذبحتني بس اهي ماتعور كللش يعني عوارها مثل عوار الدوره .. لا تحاتين توكلي على الله سبحانه وتعالي وسويها وان شاءالله ماكو شي

 

[خشف بدو]

حبيبتي انا مسويتها مرتين..عادي ترا تطلعين بنفس اليوم المغرب وسهله ..وانا حملت بعد العمليه ب3شهور...

 

[كويتيه مذهله 87]

لا تحاتين ماتخوف
مشالله بنات وايد حملوا من بعدها

والله يرزقج يارب

 

[eemee]

انا مسويتها يوم الاحد اللي طاف في رويال حياة عند دكتوره فوزيه العمليه انشالله سهالات انا طلع فيني بطانه الرحم المهاجره ولله الحمد بس عقب العمليه جتوفي تعورني وبطني متفوووخ لي اليوم بس الالم قاعد يخف ويوم الاحد الياي بتشيل الغرز ولا تحاتيتن سويها وتوكلي على الله

خشف بدو اني يوم سويتها شنو كان نتيجة المنظار؟

 

[Emanova]

عادي ما فيها شيء تخدير كامل و ما تحسين بشيء انا علشان سوت لي تنظيفات حسيت بعوار مثل الدوره و بس

انا سويتها العام عند ماجده اليتامى

 

[_ظل الياسمين _]

ربى يسهل امرك..توكلى على الله وسويها وباذن الله بنفس الشهر تحملين .

 

[أحلى^حياه]

انا قبل 3 اسابيع مسويتها عند فوزية
والحمد لله سهاااااااااااااااااالات
وانا انصحج بالعملية لانها تبين كل شي
يعني عقبها خلاص تكونين عارفة شنو فيج وتبدين العلاج الصح

 

[bint_al8omar]

سويها ولا تحاتين العوار نتحمله بس عشان ضمة طفل يارب لايضيع تعبنا ويرزقج ويرزقنا الحمل السليم

 

[7googya]

يعطيكم العافيه بنات ما قصرتووو ريحتووني الله يريحكم .. وجزاكم الله الف خير وربي يرزقني وياكم الذريه الصالحه

 

[دلوعت مودها]

والله ما عندي فكره بس البنات ما قصرو
عسى الله يرزقج وتحملين عاجلا غير آجلا من غير علاج ,,,,,

 

[7googya]

حبيبتي والله دلوعة مودها .. جزاك الله خير على هالدعووه ويرزقج يارب باللي تتمنين

 

[أحلى^حياه]

بشرينا لمن تخلصين

 

[7googya]

احلى حياة: ان شالله باذن الله ....ادعولي

 

[mosta7eel]

توكلي على الله ويارب يكون كل شي عال العال

 

[أحلى^حياه]

الله يسهل عليج امورج
بس لا تنسين عقب العملية تمشين علشان الهوا اللي بجسمج يطلع بسرعه
واذا تقدرين عقب العملية بجم يوم حطي عالجرح مره

 

[تمر حنا]

سهالات انشاء الله
والله يكتب لج الحمل وتبشريناا
توكلي على الله وطمنينا عليج

 

[نور آلدنيآ]

توكلي على الله وسويهآ ولا تحاتين مع اني مو مسويتها بس تجارب الخوات تشجع

 

[7googya]

مشكورين وماقصرتاو وجزاكم الله خير

 

[&رعبوووبه&]

انا سويتها فبراير اللي طاف وحملت شهر 9 الف الحمد لله عساه يثبت وافرح فيه

ثلاث فتحات والم يروح تدريجي خلال 10ايام مافيج الا العافيه

انا طلع عندي الانابيب مسكره وسلكها الدكتور

سويتها بالسلام عند الشاذلي ونمت يومين بالمستشفى

كلفتني 400 دينار