عملية شفط وشد البطن ،،،،استفسار

[الباسمه]

مرحبا بنات
اختي سوت ريجيم قاسي الحين نزلت تقريبا 19 كيلو
جسمها حلو
بس الكرش الله لايوريكم
اهي تبي تسوي شفط وشد بس كلش ماتدخل النت وانا قلت بستفسر واعطيج الخبر الاكيد واكيد بنات مالي غناة عنكم
تكفون قولولي منو افضل دكتور ويكون ثقه ماهمها الفلوس
واهي تكره البنج وتتعب نفسيتها منه
شنو نسوي!!!!!!

والاهم اهي تبي تسويها على شهر 6 لازم تحجز الحين !!!!!
لاتخلوني ناطرتكم​

 

[الباسمه]

ونسيت اقولكم تبي تشفط المنطقه اللي تحت الستيان بالظهر​

 

[الباسمه]

شو هالكرم بنااااات
صدمتوني !!!​

 

[zezo1]

والله ماعندي خبره للاسف البنات ان شاءالله مايقصرون معاج حبوبه واذا كان بخاص ماتحجز من الحنين تروح لهم على شهر 5 وتسوي فحوصات وتحدد هذا الي اعرفه وخالاتي مسوين شفط وشد بدار الشفا عند منو والله ماادري​

 

[ساشا]

أختي أنا توني مسوية العملية صار لي ١٠ ايام

التفاصيل هني http://www.q8yat.com/t1032115.html

 

[ساشا]

وووووويه الباسمة ههههههه مانتبهت ان هذه انتي
عيل أكيد صار عندج فكرة
تحياتي

 

[ام فطوووم]

انه سويت بس ما انصحكم بدكتوري للاسف

 

[** رش رش **]

أنا سويت شفط بس مو عاجبتني النتيجه فعلشان جذيه ماراح انصحج بدكتورتي

 

[Mona.liza]

انا سويتها عند دكتور أشرف عبد القادر والنتيجة ولا أروع بس البنج ترا حسب الجسم انا يتعبني حتي لو شويه وناس ماشاالله مايأثر فيهم الزبدة خل تستشير أكثر من دكتور وتستخير أحسن لها والتوفيق من رب العالمين أي استفسار آنا بالخدمة

 

[ام فطوووم]

موناليزا دكتورج دكتوري وحطيت عليه 100 اكس
لاتعامل
لا وقت يعطيج مثل الاوادم
ونتيجته اتلوعج الجبد وانه دافعه 4000
يالهوووووي

مايسوى الصراحه شغله
موبس انه اتكلم عنه
اختي سوت عنده ورفيجه خالتي ولا وحده فينا راضيه بالنتيجه

 

[Mona.liza]

هلا. اختي ام فطوم ليش ماعجبتج النتيجة ودي اعرف شنو صار بالضبط لو سمحتي ومن ناحية انه مايعطيج من وقته انا معاج كلامه قليل وكله مستعيل بس انا مايهمني هذا بالدكتور بس في ناس من حقها تسمع شرح وافي وتاخذ وقتها طالما دافعة فلوس هذا حقها وبالنسبة للنتيجة تختلف من شخص لي الثاني ودي اعرف ليش ؟؟؟؟؟!!!! طالما الدكتور واحد ليش تختلف النتيجة من بنت لي الثانية صح ولا لأ المفروض النتيجة وحدة انا معصبة ياريت تقولين لي شنو صار معاج بالتفصيل يمكن تلفتين نظري حق شي مومنتبهتله وتحياتي لج

 

[حرم الحوت]

انا سويت شد ونحت وشفط للجسم كله والحمدلله باجر اكمل ثلاث سنين من عمليتي والنتيجه ولا اروع منها الحمدلله واقري تجربتي موجوده بالتوقيع وبالنسبه للبنج والله يابنات ترى بنج مستشفى الزهير تعبان حده واذا تبون تتاكدون سالوا البنات عن اللي سوو باي مستشفى ومستشفى الزهير وشوفو كلامي صح والا لا

 

[ام فطوووم]

والله ما ادري حبيبتي
ماعجبني اكثر شي بالشفط
ولا كأنه شافط شي وماخذ مني فلوس
وايقولي 6 لتر شايل مني
اي 6 لتر؟؟؟؟
وينهم
والله ما احس بتغيير وفخوذي واردافي كبار
وكنت متامله من كلامه بوايد شغلات ونبهته من سالفه الفخوذ ايشد حيله فيهم
بس الله لايوريج ولاجنه جايسهم حرام عالعوار والمعاناه اللي عشتها

 

[ام فطوووم]

سالفه ان مايعطيج من وقته
ان ايدخلج العياده وايخلي وحده بالغرفه اللي يمها اللي للفحص
ويدخل مره عند هذي ومره هذي اتحسينه مشتت
بس انه مارحتله الا ماقريت ان في وحده صعدته السما
بس ما ادري ليش جذي

 

[Mona.liza]

صح كلامج اختي ام فطوم هالشي يزعج المفروض يعطينا اهتمام مو يحوس من غرفة للثانية بس الظاهر مايبي يضيع وقته الثمين عشتووو المهم حبيبتي لاتسكتين روحيله قوليله ملاحظاتج يمكن يسويلج شي ولو اني استبعد ان لج خلق مرة ثانية بس صج قهر الله يعينج ،،،، انا عندي ملاحظة بعد شفط الدهون وشد البطن فخوذي متنوا الظاهر الدهون قامت تروح لهم بس البطن اوكي مشدود مع تفخة بسيطة من فوق بس مو مضايقتني لأن فررررق عن أول كرشة اشكبرها وطايحة بعد الحمدلله علي كل حاال المهم وانا اختج روحيله والله يمكن يسوي شي لأن هاذي سمعة للدكتور وشغله والله كريم

 

[الباسمه]

موناليزا دكتورج دكتوري وحطيت عليه 100 اكس
لاتعامل
لا وقت يعطيج مثل الاوادم
ونتيجته اتلوعج الجبد وانه دافعه 4000
يالهوووووي

مايسوى الصراحه شغله
موبس انه اتكلم عنه
اختي سوت عنده ورفيجه خالتي ولا وحده فينا راضيه بالنتيجه

الف شكر لكل البنات اللي ردو علي زيزو ' ساشا ' رشرش والكل

بس حبيبتي ممكن تقولين منو دكتورج وشنو اللي ماعجبج بالضبط فيه

 

[ii DareeN ii]

غريبه ام فطوم انا خذيت فكرة زينه عنه لان شفت اول شي تجربتج كنتي تمدحين فيه

 

[الباسمه]

بنات كتبو تجاركم مع الدكاتره وشلون النتيجه عقب الشفط لوسمحتو

 

[NgQQshiYa]

اختي الباسمة أنا ما سويت شفط ليلحين بس ناوية اسوي حبيت أقولج وين رحت عند اي دكتور وشنو صار معاي وشنو قررت أنا عمري ماسويت ولا اي عملية تجميل بحياتي والصراحة صار لي يمكن سنتين وانا اقلب بالنت وأشوف تجارب البنات و أقارن لان عندي قناعة تامة أني ما اسوي تجميل بالكويت وان اضطريت ما تكون لا عند دكتورة ولا عند دكتور مصري او كويتي اول شي المرة عمرها ما ضبطت شغلها والمصري يحطلج الشمس بإيد و القمر بأيد مو دائماً يكون شاطر الا اذا كان كبير بالعمر وعنده خبره و الكويتي احس ما عنده خبره و مادي وانا ما احب اكلم الدكتور و أقوله حالتي و شنو ابي و يقاطعني او مستعيل وما يسمعني عدل و يسوي روحه فاهم أنا نوعي يا تجميل و شي على ذوقي و بالمللي يا بلاش منه اظل على هيأتي ابرك انا وايد احب الدقة مو حي الله تجميل وتلزق و ترقيع وصار لي سنتين اقلب بالنت خامرة بدون مشاركات بس صراحة تجرأت من كلام حرم الحوت وترا صار لي اشهر وانا افكر بالموضوع لين قررت اروح حق الدكتور عبدالناصر خلاف من اسبوع و اول مرة أشوفه او أتعامل معاه للأمانه كنت حدي مستحية أني أقوله ابي شفط دهون وتعبئة هههههه
أنا ارتحتله وتكلمت معاه خلاني اقول شنو ابي وحسيته فاهم شنو ابي وعارف شنو اللي محتاجته سألته عن إبرة شفط الدهون وقالي وفهمي التفاصيل قالي راح ياخذ من جهة البطن ومن فوق الخواصر عالجنب لي تحت ومن الظهر وهذا اللي ابيه بالضبط ويحقنهم بالمؤخرة وقلتله ابي شكلها دائري يعني يعبيلي شوي عالجنب مو أوفر قالي اي يعني على شكل قلب حب قلتله اي ويحددلياها من تحت وقلتله على مشكله ثانية أني ابي حل حق مكان الهالات اللي تحت العين قالي انتي ماعندج هالات او سواد أهي مثل الحفرة ومسويه ظل قالي اعبيلجياها دهون واعبي الخدود شوية قلتله أوكي بس نسيت أقوله او اسأله عن شغله كنت ابي أحط حق سيقاني و شوي عالفخوذ بس اللي بيشيله مني بس لتر وشوي ما ادري اذا يكفي وبس وعطاني ورقة التحاليل بس ليلحين ماسويت قررت اسويها بعد شهرين عقب ما اكمل المبلغ قالي يسويها لي ب 1600 وبس حبيت أعطيج فكره وترا إحس ان شاطر سوي استشارة عنده مو خسرانه