عملية شد البطن و موعد الدورة الشهرية ؟؟؟

[just-me]

صباح الخير

اذا كان موعد العملية مع وقت الدورة بهالحالة شسوي ؟؟

حدي متوهقة و مستحيل أغير موعد العملية لانها بالاميري مو بالخاص

و انتو عارفين المواعيد بالواسطه بالشهور

ياليت تفيدوني شسوي ما ابي اتغربل خصوصا مكان العملية عند الحده مثل مانتو عارفين

يعني الملابس الداخلية على بالحسره غير الغربلة و اللعوزه و التغيير اكيد ماراح أعبر؟؟؟

شرايكم ..؟؟؟ شنو الحل ؟؟؟

 

[قطوتي]

وييييييييييييييي الله يعينج

سالي الدكتور يمكن يعطيج حبوب اللي ترفع الدوره

او العكس يعطيج حبوب تنزلها

لازم تكلمين الدكتور وتسالينه

 

[فوفو00]

لا لا تعب اكلي حبوب اونزليها بحبوب قبل العملية انا كان همي بس الحمداللله قبل فترتها لا حرام مووقته دوري لنفسج حل بسرعه

 

[BlackRose]

حبيبتي انا سويت العملية اثناء الدورة
وكان لي رابع يوم الدورة

وحسيت ان وايد اريح لي على الاقل ما قمت احاتي الصلاة باول الايام

سويها وتوكلي على الله

 

[sugar lip's]

سالي الدكتور خوفج ما يصير يمكن تفقدين دم وايد ما يصير

 

[ام الجميل ناصر]

عادي جدا حتى احسن لك عشان الصلاة << استغفر الله<< مجربة
ودم الدورة ماله دخل بدم الجسم
ربي يوفقك ويقومك بالسلامة

 

[عجميه توت]

ومنكم نستفيد

 

[just-me]

صباح الخير جميعا و ماقصرتو على الردود

لا خلا و لا عدم و عسى ربي يسخر لكم خلقه

اليوم الصبح من ال 7 الا خمس رحت حق المستشفى قعدت انطر الدكتور

لمن وصل الساعة 9

و سألته قال كلش ماله علاقة و انا وايد مسوي هالعملية حق حريم

عليهم الدورة لا تحاتين



باقي من الله السلامة ثم منكم انكم تدعون لي اقوم بالسلامة و ما تتأجل

العملية أكثر من جذي .... مشكورين مرة ثانيىة