عملية زراعة الرموش

[نونو ksa]

.....................................................................................................................................................





السلام عليكم ورحمة الله وبركاته



مرحبا كيف حالكم ان شاءالله بخير


عزيزاتي واخواتي عضوات منتدى كويتيات


انا سمعت وقراءت في اكثر من موضوع عن عملية زراعة الرموش بحيث تكون طويله وكثيفه وجذابه


بس دورت دكتو او دكتوره يسوي هاالعمليه بس ما حصلت


فقلت مالي إلا الله ثم انتم ياليت اللي عندها خبر او معلومه عن زراعة الرموش تفيدني


او سمعت ان دكتور يسويها يا ليت ماتبخل علي

يلا انتظر ردودكم يا غاليات

 

[نونو ksa]

للر فع

 

[قطوتي]

مااعرفه عمليه

في تركيب رموش مده شهر

ويسوونه بالصالونات .. طبعا الرموش حدهم حلوين

بس الله لا يوريج الاذيه .. يقزون وعينج تحكج .. سبحان الله ماكو شي مثل الطبيعي

 

[نونو ksa]

قطوتي مشكوره يا قلبي ودايم منوره مواضيعي

تسلمين على المرور

 

[قطوتي]

حبيبتي العفو

الموضوع منور بصاحبته : )

انا مااقدر اذا عندي معلومه لازم اقولها ولا تقرقع بقلبي :dddds:

 

[فـلـفـلـهـ]

مااااعندي فكره

 

[انثى بمزاجي]

اول مرة اسمع زراعه رموش

 

[قلب حنان]

اول مره اسمع فيها ياريت في؟

 

[Ji Ji]

الللللللللله

لو في زرآآآعة رمووووش ونآآسه والله

اللي يعرررف ياليت يفيدنا

 

[لووودس]

يييييييييي والله ما اخاطر بعنوناتي احس ان العمليه تعور حتى لو بعد البنج الا عنوناتي هههه

 

[sozeeta]

ايوة سمعت شي من هالنوع من طبيب لبناني عنده مركز زراعة شعر ، كانوا عاملين معه لقاء في قناة هي ( قناة المراة العربية ) ، فحكى ان القادم هو زراعة الرموش ، يعني مو تركيب رموش صناعي لا ، زراعة طبيعية من نفس الشخص المانح لكن ما قال تفاصيل غير انها عملية دقيقة .

 

[نونو ksa]

اسفه تأخرت عليكم بالرد

حبيباتي مشكورات على مشاركتكم ونورتو موضوعي

 

[shorok]

مرة كان في مقابلة مع دكتور كويتي بس ناسيه اسمه كانت مستضيفته د.فوزية الدريع في برنامج سيرةالحب و قال انه يسوي زراعة للرموش بس تكلفتها وايد غاليه مو متذكرة بالضيظ بحدود 2000 دينار و على ما اظن الدكتور كان د.لاري

 

[مــســك]

الله وناسة لووو في جان زين ..

ياريت احد يفيدنا اكثررر ..

 

[رفوله عسوله]

وووووويع لاري لو اموت ما اغامر اسوي عنده شي لو غمازة ماسويت عنده دكتور فاشل ديروبالكم منه

 

[حرم الحوت]

اول مرة اسمع زراعه رموش

 

[**جـلـنـار**]

لا عمليات ولا هم يحزنون

استخدمي الاثمد وبس

 

[نسمه بارده]

شدعوى الفين دينار علي رموش ليش شنو زارع خيوط ذهب
اذا الشعر بكبرة مايتعدي 2000-3000 عند اكشخ دكتور لبناني بعد
شفيهم دكاترتنا زادو المهايط
الله يعين لو شغل امريكا واوروبا جان شسووو ياحافظ
تركدو يادكاتره شوي ذبحتونا بهالاسعار حشى ناويين تسدون قروضكم علي ظهورنا ههههههههههههه منبطه جبدي