عملية إزالة حاجز الرحم، في أحد جربها؟

[Osaka girl]

السلام عليكم ورحمة الله وبركاته

شلونكم بنات؟

انا كنت حامل بشهرين عقبها وقف نمو الجنين واضطريت
اسوي تنظيفات واكتشفوا ان عندي حاجز رحم
يعني حاجز يقسم الرحم نصين
خلقة من رب العالمين

ولازم اشيله قبل لا احمل
في احد منكم مر بهالشي وسوت العملية؟
وعند منو سويتيها؟
ومتى قدرتي تحملين عقبها؟

حدي متوترة واول مره اسمع بهالحاجز
حاجز رحمي septate uterus
أظن جذي ينكتب

الصراحة مادري وين أحط الموضوع حطيته هني وشكرا

 

[Om_RaYomaH]

سبحان الله
سمعت عنه وقريت عن ابحاث
حالة نادرة
بس ماعمري صادفت هالحالة
الله يسهل عليج حبوبة
اكيد لازم تشيلينه الحاجز عشان اذا حملتي البيبي يكبر بدون ما اي شي يضايقه

 

[حشمه]

الله يقومج بالسلامه للامانه صديقتي شخصو حالتها مثلج

ماسمعت منها موضوع ان قالو لها شيليه بس حملت

بس بالتلقيح وقالو لها نولدج قيصريه بس سبحان الله

لما ولدوها قيصري اكتشفو ان عندها رحمين مو حاجز

بس انتي وضعج غير وان شاء الله تطمنينه قريبا

 

[أم هيونه]

سبحان الله العظيم
اسأل الله العظيم ان يكتب لك كل مافيه خير وخيره

 

[M!SS.LOBY]

الله يهون عليج

 

[M!SS.LOBY]

سبحان الله

 

[M!SS.LOBY]

الحمدالله

 

[M!SS.LOBY]

الله أكبر

 

[M!SS.LOBY]

استغفر الله

استغفر الله

استغفر الله

 

[Osaka girl]

الله يجزاكم خير بنات
بشيله ان شالله اذا الله كتب لي خيره
واذا شر بيصرفه عني
بس حبيت اعرف اذا احد جرب او عرف بحالة نفسي يعطيني التفاصيل
والله يرزقكم باللي فيه الخير

 

[@أم يوســـف@]

الله يعوضج ويرزقج بالحمل السليم

 

[نونا**]

الافضل تروحين لاكثر من دكتور وتشوفين اراءهم عشان تتطمنين

 

[Osaka girl]

اب بنات
محد جرب؟

 

[دلوله123]

بقولج تجربة صديقتي نفس الكلام حملت مره و اجهضت على طول و اربع سنين حملت و اجهضت و سافرت برا قالو لها هذا مو حاجز هذا هارت شيب رحمج شكل قلب الحب و الحمدلله الله يتمم لها حملها و الله يكتبلج الخيره يااارب بس اخذي راي اكثر من دكتور و شوفي و استخيري اهم شي

 

[Aloe Vera]

قريت عن هالحالات بامريكا بالمواقع الامريكية
اهو ساعات يكون عند الوحدة رحمين او رحم منقسم قسمين
و لازم متابعة و علاج خاص
بس ماسمعت بهالحالات بالكويت
الله يكتبلج اللي فيه الخير
انا اتوقع الافضل تعالجين برة

 

[موني^^]

ماأنصحج تسوينها

الا بعد ماتروحين عند أكثر من دكتور

انا اعرف رفيجتي حملت ومن اول شهر صار اجهاض

وراحت حق دكتور وقالها سبب الاجهاض ان رحمك ذو قرنين

وهذا يسبب تأخير حمل

واذا صار حمل لازم عملية ربط عنق الرحم من الشهر الرابع

وخافت وانصرعت مسكينة وتحطمت وقال لها نسبة الحمل ضعيفة

وماشاء الله عقب شهرين حملت

ةهي الحين على وشك ولادة

وتخيلي راحت عند نفس الدكتور اللي قال لها رحمج ذوقرنين

وكانت بالشهر الثالث وطمنها وقال لها كل شي تمام

وقالت له انا خايفة يصير اجهاض لأن انت قلت لي ان رحمي ذو قرنين

قال لها لا خلاص مافيج شي رحمج طبيعي مافيه شي

وهي انقهرت حدها من الدكتور ان قبل خوفهااا

والحين يقول رحمج طبيعي

يعني لا تثقين بكلاام دكتور واحد