عمر يديد ...حياه ثانيه...

[Kitty^_-Kat]

السلام عليكم

بنات بقول اللي عندي مادري اذا اهيا مشكله او شنو بالضبط

سويت حادث قوي الحمدالله ماذكر منه شي بس اذكر الناس اللي كانو حوالي المره اللي تغطيني بعبايتها والرياييل يغطوني بغترهم لاني فتحت عيني انا كنت بنص الشارع وملابسي تشققت الحمدالله طلعت منه

خذيت علاج طبيعي عشان بس اقدر احرك جسمي الحين حمدالله صرت امشي على مشايه او عكازه بس لايعه جبدي من نفسييييييييي

ارد حق حياتي حق شغلي اعتمد على نفسي اذا ابي شي
الحين اذا ولدي طاح وبجى ماقدر اجندس واشيله قلبي يعورني
ابي البس تكرمون الجوتي اعصب على ريلي لانه مويمي

مادري احس كل شي تغير روتيني اللي تعودت عليه تغير الاشياء اللي اقدر اسويها قبل الحين ماقدر لازم احد يساعدني
ابي انا اتغير بعد مع التغير اللي صار بحياتي اتاقلم مع نظرات العالم لانه احس لمن اطلع سوق مثل افنيوز لازم ريلي

ينزل الويل جير ويرد يحطه ويرد ينزله احس انه تاذى

:0bee2e8d89:

 

[~~AlOotus~~]

رد : عمر يديد ...حياه ثانيه...

اول شي الحمدلله على سلامتج
وقولي الف حمدلله انج رديتي للحياة وهذي نعمة من ربج
وقولي بعد الحمدلله ان قاعد ترد عافيتج لج وان شاء تمشين بدون عكازات ولا تحتاجين كرسي
بس انتي خلج واثقه من ربج وحطي الامل بعقلج

وبالنسبه حق ولدج ماعليه لاتحاتين يكبر ويتعلم كل شي بروحة واللي حواليج ماراح يقصرون معاج
وزوجج خلج عادي معاه ولا تحسسينه انج مضايقه او ماذيته لو هو اللي صاير له هالشي انتي بتسوين له نفس الشي
وخليها فرصه بينج وبين زوجج تقربون من بعض اكثر قوليليه الله لايحرمني منك ومن هالكلام خلي نفسيتج حلوه علشان تساعدين نفسج وتساعدين غيرج بالتعامل معاج
لان اذا صرتي مضايقه ترا راح يصعب التعامل معاج

وسيري بحياتج وتاقلمي مع كل شي حواليج وماعليج من نظرات الناس والحمدلله انتي بعافيتج يعني مانقص منج شي واهتمي بنفسج

والله يوفقج ويسهل امورج يارب

 

[قطوطه حلوه]

رد : عمر يديد ...حياه ثانيه...

الف الحمد الله على السلااااامه
وقولي الحمد لله انه الله عطااج عمر جديد
ولاتضاايقين لانه شوي شووي انتي بتحسنين وكلها مسألة وقت بسيط حاولي تكونين ايجابيه بهالفتره البسيطه قولي كلام حلو حق زوجج خل يتشجع لو شافج مضايقه بيتضاايق اهو خلي نفسيتج حلوه تقربي من ربج سبحانه مفرووض ماتضايقين لانج يووم عن يوم تصيرين احسن وانتي بعد تاخذين علااج طبيعي <يعني احسن شي
وبالنسبه انج ماتحبين احد يشفق عليج هذاا احسااسج موشرط يكوون صح
وموشرط احد يشفق عليج بالعكس هالفتره يقولون اهي تاخذ العلاج وماعليها الا العااااافيه =)
وحتى ولدج او بنتج خلي احد عنده اذا كنتي بعيده واذا عنده بالكلاام الحلوو والهادي تكسبين قلب الطفل ويحس بحنانج مو شرط تنزلين له
وحتى الجوتي وانتي بكراامه خلي زوجج يلبسج اخذيها من باب الدلع كوني ايجابيه يدلعج بهالفتره وانتي ان شا الله بدلعينه طول العمر
وانتي علبالج انتي بتظلين على كرسي على طوول نسيتي انج تاخذين علااج والحين تمشين على عكازه يعني لحمد لله هذي بداية الخير ان شا الله وتفاءلي حبيبتي وانسي الي فاااات
نصييييييحه لج وللكل لاتطالعين ورااج طالعي جدااااااااامج يعني لاتهتمين بأي شي رااح الزمن يمشي ومايرد ف عيشي اللحظه وقولي ربي كتبلي عمر جديد لحمد لله =)

 

[ســتارز]

الحمدلله على سلامتج واضح من حالتج ان الحادث كان قوي والله نجاج منه

سبحانه كل شي له حكمة فيه يمكن اختبار لج

اهم شي معنوياتج وثقتج بنفسج بينج وبين روحج وبين اهلج والمحيطين فيج

حاولي تعطين نفسج اهمية اكثر من قبل من ناحية العلاج الطبيعي


اذا حبايبج واهلج مهمومين من اللي صار سعادتج بتخفف عليهم

موفقة

 

[~Mazuna~]

رد : عمر يديد ...حياه ثانيه...

الحمد الله على سلاامتج

الحمد الله انج طلعتيي منهاا

شوفي اذاا ستمريتي بالعلااج الطبيعييي كلشي راح يررد مثل قبل بس يبيله وقت

خالتي مرت بنفس تجربتج ظلت شهوور على هالحاله والعلاج الطبيعي الي بالكويت للأسف مافاادها بولااااااشي
راحت علااج بالخارج المانياا تحسسنت واايد هنااك خذت علاج طبييعي بس غير الي هنيي هنااك مكثثثف وسباااحه صج صج الحمد الله استفاادت والحين شوي شوي قاامت تسهل عليها الاشياء قاامت تسويها بنفسسها بس هم يبيلها وقت على ماترد مثل قبل

وانتي يمكن تستجيبين للعلاج بسسرعه لانج صغيره بالعمر غيير المره الكبيره

بس لاتحاتيين حبيبتي كلششي برد مثل قبل بس قلتلج لازم يبيله وقت
ولاا تحسسين ريلج بشيي خليه براحته دام اهواا موحاس ولا تكلم خليه

الله شفييج انشالله :d

 

[زهراء الركابي]

رد : عمر يديد ...حياه ثانيه...

ماتشوفين شر
والحمدلله على سلامتج

 

[ياحُبِي لِلكويت]

رد : عمر يديد ...حياه ثانيه...

وعليكم السلام ورحمة الله وبركااته .. الحمدلله على سلامتج لله الحمد انج نجيتي من الحادث شجعي نفسج على الحيااه:eh_s(17): العافيه درجات انشاءالله تقومين بالسلامه وتمشين بدون مساعدة احد والله يخلي ولدج لج اللهم امين :33_1185028183:

 

[واقعية حـلـم !]

يا بعد عمرررري الله يشفيج ان شااااء


الحمد الله على سلامتج اجرررررر و عافية و طهور إن شاء الله


انت انكتب لج عمر جديد



و حطي في بالج النفسية نص العلااااج خلج روحج عالية و بالنسبة لولدج احمدي الله انه خلاج له و نجاج


و زوجج اعتبريها فرصة يهتم فيج و يدلعج و علاقتكم ان شاء الله تصير اقوى


بس انت لا تنفرينه منج بالنفسية الشينه


تعاملي معاج كانج طفله و هو ابوج ترى الرجال يحب احساس ان المره تحتاجه



و الله الله بالدعاااااااااء و تحرري اوقات الاستجابة الثلث الاخير من الليل و بين الاذان و الاقامة و يوم الجمعة دايما ادعي لنفسج


الدعاء علاج نفسي و عبادة




و احمدي الله على كل حال و تذكري قول الله سبحانه و تعالى (( و بشر الصابرين اللذين اذا اصابتهم مصيبة قالو انا لله و انا اليه راجعون اولئك عليهم صلوات من ربهم و رحمة و اولئك هم المهتدون))


لا تجزعين و تضيعين الاجر فكري ان هالشي ابتلاء لان الله سبحانه و تعالى يحبج و يبي يطهرج من الذنوووووب و اصبرررررري و احتسبي الاجرررررررر انتبهي التذمرررر او لما تقولين اشمعنا انا و من هالكلام الي كلنا نقوله لا تضايقنا و صكت فينا الدنيا ترى ما راح يحل مشكلتج و لا يساعدج و لا يعدل نفسيتج بس بيضيع عليج الاجر وبسس


لله ما أعطى و لله ما اخذ و الله سبحانه و تعالى عادل ما يظلم عبده و ما تدرين وين الخيرررررره


بقولج حديث شريف عن الصبرررر بنقله من موقع اسلامي و تأملي فيه و ان شاء الله يهون عليج روى أبو موسى ، أن رسول الله صلى الله عليه وسلم قال : { إذا مات ولد العبد ، قال الله تعالى لملائكته : قبضتم ولد عبدي ؟ فيقولون : نعم . فيقول : قبضتم ثمرة فؤاده ؟ فيقولون : نعم . فيقول : ماذا قال عبدي ؟ فيقولون : حمدك ، واسترجع . فيقول : ابنوا لعبدي بيتا في الجنة ، وسموه بيت الحمد }



احمدي الله يا قلبي على كل حال


و انا حاسة فيج و الله و ادري ان موووووووو سهل الوحدة اتحدى نفسهاااااو تصبرر و تحتسب


لان بشررررر و الانسان ضعيف


بس انت فكري بالاخرررره فكري ان الدنيااااا دار ابتلاااء فكري ان ابتلائج بهالدنيا يمكن باذن الله يفرج عليج باخرتج


ادعي الله بالشفااااااء الذي لا يغادر سقم


ارقي نفسج كل يوم


التزمي بالعلاج و ان حصلج سااااافري عالجي بره ربج خلق الداء و خلق الدواء



تصدقي الصدقة اثرها عظيم على نفسيتج و معروف داوو مرضاكم بالصدقة



احمدي الله و اشكررريه على كل حال و انتبهي تطلع منج كلمه تضيع عليج الاجرررررر و تكونين من القانطين من رحمه الله اسم الله عليج



غيري نظام بيتج بحيث ان كل شي يكون قريب يمج و تقدرين اطولينه و الحاجة ام الاختراع تكيفي مع هالوضع المؤقت لانج ان شاء الله كلها فتره بسيطة و بتبشررررريناااااااا بسلامتج اللهم آآآآآآآمين قوووووولي آآمين ترى اشوفج هههههه


جيبي لج خدامه تساعدج اذا ما عندج



تفاءلي و تذكر ان امر المؤمن كله له خيرر ان اصابته سراء شكر فكان خيرا له و ان اصابته ضراء صبر فكان خيرا له












الله يشفيج


و يعافيج


و يخليج لولدج


و يسخررررررررررر لج زوجج يا رب






و ان شاء الله قررررريب نشوف لج موضوع تبشريناااااااا بسلاااااامتج













اللهم اشفها شفاء لا يغادر سقماااااااا


اللهم اشفهاااا شفاء لا يغادر سقمااا


يا شافي يا معافي يا مجيب دعوة الداعي اذا دعاااااااااااا







و على فكرة حبيت عنوان مووووووضوووووعج و شفت فيه مساحة تفاؤل كبيرة الله يتمم عليج






و اتمنى لج احلى عمررررر جديد و احلى حياااااة ثانية ..

 

[أهداب]

رد : عمر يديد ...حياه ثانيه...

حمدلله علي سلامتج