عمر ولدي سنتين ونص ما يتكلم وش الحل ؟

[goOog]

مرحبا خواتي

عمر ولدي سنتين ونص وما ينطق الا كلمه بابا دادا
ونادر ما يقول ماما
ومرات يقول كلمات مومفهومه
ناقشت زوجي بالموضوع على انه يوديه المستشفى يكشف عليه
بس ما كو فايده رافض فكره انه يكشف عليه ويقولي اخليه لين يصير عمره ثلاث سنوات
بعدين نكشف عليه
الناس تقولي لازم تودينه المستشفى تكشفين عليه يمكن يكون لسانه مربوط ويحتاج جراحه
فمادري اوديه بدون علم زوجي او اني انتظر لين يصير عممره ثلاث سنوات
فهل هو حاله طبيعيه يتاخر عن الكلام
مع العلم انه هذا ولدي البكر وما عندي الا هو :eh_s(2):

فا تكفون ساعدوني لاني بديت اوسوس

 

[قاهره عذالي]

انتي تتكلمين معاه والا بس مخليته لحاله اغلب الوقت ومحد يناقشه ؟

تقعدينه طول الوقت على الرسوم والتلفزيون عشان يلتهي عنج وتلقينه منسمج مع التلفزيون ؟

قليل حركه وتحسينه فاهي وخمول والا حرك وشطانه ؟

لما تطالعينه يطالعج يركز فيج ؟

لما تناديه باسمه يلتفت لج ؟

تحسين عنده حياة اجتماعيه يعني يعرف ابوه ويعرفج ويبيكم ويلحق وراكم ويحاول يتواصل معاكم ويفقدكم ؟

 

[goOog]

انتي تتكلمين معاه والا بس مخليته لحاله اغلب الوقت ومحد يناقشه ؟
- اي دايما اتكلم معه
تقعدينه طول الوقت على الرسوم والتلفزيون عشان يلتهي عنج وتلقينه منسمج مع التلفزيون ؟
- اي يطالع طيور الجنه
قليل حركه وتحسينه فاهي وخمول والا حرك وشطانه ؟
- هو هادي بس عصبي
لما تطالعينه يطالعج يركز فيج ؟
- اي يطالعني و يسمعني و يفهم كلامي بس ما يتكلم
لما تناديه باسمه يلتفت لج ؟
-اي
تحسين عنده حياة اجتماعيه يعني يعرف ابوه ويعرفج ويبيكم ويلحق وراكم ويحاول يتواصل معاكم ويفقدكم ؟
- اي

 

[قاهره عذالي]

ما هبل بالجهال الا طيور الجنه


شكلج معودته على طيور الجنه من كان باللفه

انا اخو وحده اعرفها من انولد ع الدنيا واهله مخلينه مقابل طيور الجنه

الحين ما يسولف


شوفي ولدج دام يعرف اسمه لما تنادينه ويلتفت عليج معناها سليم ..


ولما تطالعينه يطالعج هم معناها سليم

الحمدلله ولدج مافيه لا توحد اجتماعي لان اللي توحد اجتماعي يتاخرون بالكلام لان ما يسوون حياة اجتماعيه وما يتفاعلون مع الناس


نصيحتي

لا تقعدينه ع التلفزيون كللللللللللللللللللللش اذا كان ولا بد لا يزيد عن ساعتين باليوم لا تصير حياة كله تلفزيون ترا يخلي الجاهل يتشتت انتباههه وما يركز والانتباه والتركيز مهم عشان يكتسب اللغه

وخلج دامج قاعده عنده تحاولين معاه يرد وينطق وراج

واخذي له موعد عند الصباح عندهم مركز للتخاطب هناك يعطونج العلم الاكيد

روحي طبيب الاطفال الصبح اللي بمستوصف منطقتكم وقولي المشكله له وهم راح يحولونج هناك لاخصائيين التخاطب يكشفون عليه بالصباح


بس عموما انا اشوف ولدج سليم

ومدري عن سالفة انه لسان مربوط هذي تسالين فيها الدكاتره

 

[نـعـومـه]

يمكن طبعه هادي بس هم حاولو تسولفون معاه جنه كبير

وديه الالعاب

تلفزيون موزين كثرته

ولا مانع من زياره دكتور احسن زوريه

 

[PuPa^^SWeeT]

قطعو التلفزيوون و الايباادات عنه



وخليييج وياه سووولفي و طلعيييه


واخذيله موعد انف و اذن و حنجرة


وعادي قولي شكله يشكي من اذوونه التهاب بودييه اكشف علييه من غير لا يدري ريلج



واذا قالج الدكتور انه فيه شي


قولي لريلج خيييرة ودييته اكتشفنا جذي

 

[حروف من ذهب*]

حبيبتي ولدج طبيعي والحمد الله كافيه إلا العافية لانه ما عنده الي سيؤلف عليه وهو البجر وطبيعي يتأخر بالكلام حاولي ترددين معاه بعض الكلمات عشان يحفظها وينطقها

 

[همسات ناعمه]

حبيبتي لاتحاتين ولدج مافيه الا العافيه بإذن الله

بنتي البجر عمرها اللحين ثلاث سنين ونص
بدت تقول بابا و ماما لما صار عمرها سنتين ونص
قبلها ماكانت اتقول اي شي
ومنها بدت تتكلم فصحى لانها تقعد عالتلفزيون وايد
وبس اللحين تتكلم عادي وتسولف وتسأل
فالامر ان شاء الله عادي

ويقولون الياهل اللي يتأخر بالكلام يطلع ذكي :eh_s(10):

 

[أمـ مبارك]

عادي الصبي يتأخر بالكلام لي عمر اربع سنوات

ودامه يسمع ويركز الحمدالله

 

[goOog]

يعطيكم العافيه حبايبي
على الرد

 

[نسيانك صعب]

شوفي حبيبتي انا ولدي كنت اناديه مايرد لما اصارخ حيل يلتفت علي هالكلام كان عمره تسع شهور ورحت لدكتور انف واذن وحنجره وطلع في ماي ورا طبلت الادن وسوا عمليه انابيب له والحين عمره ثلاث سنين ونص توه قبل فتره بدا يتكلم بس مايقول جمل طويله يعني بس كلمتين مثلاً ابي ماي

وغلطتي مادخلته حضانه من خوفي عليه لانه حيل ضعيف ومايعرف يدافع عن نفسه الحين توهقت بدخله روضه مادري وين وبدخله هالفتره حضانه يمكن يتغير
جني طلعت برا الموضوع

بس اهم شي شوفي اذونه وتركيزه

 

[نسيانك صعب]

وانا بحط موعد له اليوم ان شاءالله عند ثوابت للاستشارات عشان مشكله التخاطب عشان اتطمن عليه
واذا تبين رقمهم عندي ترا ممتازين موجود الدكتور ابراهيم الخليفي وعندهم مصطفي ابو اسعد واستاذ اسلام انا بنت خالي امدحته لي وولدها تغير من راحت لهم والله يسهل امورج ويحفظ ولدج

 

[noha33]

حبيبتي نصيحة عن تجربة من نفس الحالة
أولا روحي طبيب أنف وأذن سويله تخطيط سمع مو بس فحص هذا تخطيط يعطون الياهل دوا منوم وبعدين يسوون تخطيط نفس مال القلب بس على الراس مدته نص ساعة أنا سويته بمستشفى هادي
لأن كثيرا يكون سبب تأخر الكلام يكون ضعف بالسمع أو ماي ورا طبلة الأذن
وإذا السمع سليم تاخذين التقرير وتروحين لأخصائي تخاطب
لو تبين رقم أخصائية ولدي راسليني عالخاص أنا حاضرة
ترا والله نصيحة لا تخلين أحد يقولج ترى ما في شي ومن هالكلام اللي لا يودي ولا يجيب
انا ولدي كان نفس حالة ولدج وهم كان البجر وتأخر الكلام وايد سوالي مشاكل بعدين
الله يخليلج ياه ويشفيه حبيبتي ما تشوفون شر

 

[M!SS.LOBY]

تو الناس صبري شوي

 

[مس ميمي]

مثل ولدي يسولف خرابيط اشياء ماتنفهم بس اصبري عليه شوي

 

[goOog]

مشكورين على الرد
ويعطيكم الف عافيه

 

[ناتشوو]

نصيحة
اخذي تحويل من المستوصف لمركز سالم العلي لمشاكل السمع والنطق
في منطقة الصباح الصحية
وهناك بيسوون له التحاليل والاختبارات اللازمة

 

[انا لها شمس]

والله كل السبب التلفزيون
انا بنتي ماشالله عليها عمرها سنه تسولف بطلاقه
عكس بنت اختي عمرها سنه ونص ماتعرف شي ابداااا
لانها بروحها منعزله دايما مع براعم وطيور الجنه والايباد
مهندسه بالالكترونيات بس بالحياه العامه صفرررررر

الحين لازم تحطينه مع اليهال داااايما حتي لو تودينه حضانه او كل يوم عصر مع يهال عايلتكم وشوفي
في تطور ولالا

 

[طيبة83]

وديه حق طبيب احسن

 

[Australia girl]

حبيبتي السبب مو تلفزيون ولا ايباد ولا انه بجر

راجعي السمع عنده يمكن يكون في ماي باذونه رفيجتي ولدها بعمر ولدج نفس حالتج يتحجى ولدها جنه بو سنه يادوب ماما وناونا واخته العوده سنه بينهم ماشالله تسولف فحصت طلع في ماي بالاذن


ومايشوف شر وانشالله شي بسيط