عمر الجنين وجيسه ....تكفوووووون ردوا علي

[MrS_Rossonero]

السلام عليكم
بنات اليوم كان عندي مراجعه وسوولي سونار...
صدموني ..قالولي ان الجيس موجود بس مو مبين الياهل ....
والجيس عمره 5 اسابيع ....وانا الحين 6 اسابيع وخمس ايام ....
والله مصدومه وموفاهمه شي ....
اللي تعرف شنو يعني تقولي ....وفي وحده صارلها جذي؟؟
رحم الله والديكم ردوا علي لاني صج صج احس قلبي بيوقف من الخرعه

 

[مارغريتا]

عيل انا شقول ؟؟
حسبتي من الدوره 8 اسابيع وبالسونار طلع 5 اسابيع !

الله يستر بس

 

[MrS_Rossonero]

رد : عمر الجنين وجيسه ....تكفوووووون ردوا علي

الله يستر علي وعليج ويفرح قلوبنا ...
والله قاعده ادعي ربي اذا هالحمل فيه الصالح لي الله يتممه واذا بيكون من الذريه الطالحه او يكون الجنين فيه شي لا يتم ببطني اكثر من جذي

 

[مارغريتا]

امين الله يثبته لج يارب اهم شي حبيبتي لا تحاتين ان شالله ماكو الا العافيه فوضي امرج لربج وان الله يكتب لج اللي فيه الخير

 

[MrS_Rossonero]

رد : عمر الجنين وجيسه ....تكفوووووون ردوا علي

بناااات وينكم

 

[كويتيه مذهله 87]

حبيبتي

عادي شي طبيعي مبجر مسويته

يمكن تبويضج صار متأخر

روحي بعد اسبووعين وراح يبين الجنين ان شالله

 

[ZajiL]

اسبوع مو فرق وايد عادي
وتو الناس على النبض انا بواحد من عيالي مابين نبضه الا بالاسبوع الثامن
نطري وعيديه بعد 4 اسابيع وان شاء الله بيكبر هالفتره
وعسى ربي يثبت حملكم كلم يارب

 

[_Pure_]

اتوقع عادي

بس نطري اسبوعين٣

 

[فرفشه منعنشه]

رد : عمر الجنين وجيسه ....تكفوووووون ردوا علي

الله يفرح قلبج ويطمنج

 

[zain-alq8]

انا كنت جذي بس حامل بدون جيس تخيلي مو مبين بالسونار بس بالدم والبول عزج الله مبين وبعد اسبوعيين قالتلي راجعي شافت الجيس بين عندها وبعدها شوي شوي يبين الجنين...لاتحاتين

 

[نرجس 85]

رد : عمر الجنين وجيسه ....تكفوووووون ردوا علي

حبيبتي اتوقع عادي لان انا نفسج سويت سونار بس بين الكيس بدون الجنين
وقالتلي الدكتوره عادي لان صغير وايد بس اعيد السونار بعد اسبوعين
الله يرزقنا الحمل السليم والذريه الصالحه

 

[غلا عيوني]

رد : عمر الجنين وجيسه ....تكفوووووون ردوا علي

الله يثبته ان شالله

 

[ابتسمامه]

حبيبتي عادي لا تحاتين 5 اسابيع اكيد مايبين نطري 3 اسابيع وعيديه
انا بصراحه مابين عندي جيس الجنين ونطرت لين الاسبوع العاشر وهم مابين وقلتلي الدكتوره انتي حامل بجيس فاضي لازم نسويلج تنظيفات وسويتها ولله الحمد راضيه بقسمت ربي...

 

[كويتية ورديه]

حبيبتي انا صار معاي جذي بالاسبوع الخامس و 3ايام بعد قالي بس جيس مافي بيبي .. وعطاني موعد على الاسبوع السابع رحت شفت ان في جنين الحمدلله يعني تو الناس مايبين الحين لاتخافين . عسى الله يتمم عليج حبيبتي

 

[miss_q8ya]

خبيبتي انا فرق بين السونار وحسبتي اسبوعين رحت سويت سونار بل اسبوع الثامن وطلع ان انا بل اسبوع السادس ومابين النبض الا لما سويت سونار الدوبلر كان تبويضي متاخر

الله يكتبلج الي في الخير ياااارب ويتمم عليج حملج