بسم الله الرحمن الرحيم
و الحمد لله رب العالمين و الصلاة و السلام على خير الانبياء و المرسلين
السلام عليكم بنات و مشرفات
بنات انا عمري 34 و 8 شهور و رغم الخطاب بس للحين محلك سر؟؟
يعني اغلب الخطاب الي يجون ينطبق عليهم المثل زوير و عوير يا ما يصلي اويشرب او مطلق مرتين
او يجي و يقابل اهلي بعدين يتهرب من السؤال عنه؟؟؟
يعني دخلت البيت و قابلت الرجال ليه تسكر جوالك؟؟؟
او نسمع من الخطابه عن عايله و تعطيهم رقمنا و ما يدقون هذي حاله او حالتين
او اذا دقو يصير شي بايخ نردهم عشانه
مثلا دقت واحده اخطبتني لاخوها و اصرت ومن كلامها قالت كان وده يكلمني قبل لا يتقدم رسمي لاهلي؟؟
احنا قلنا هذا فري و رديناه رغم الماجستير الي معاه؟؟؟
يعني اغلبهم عيوبهم قوية اما دجاجة امه مطلقته غصب و زوجته راحت تاخذ شايب بس عشان يحللها
او متزوج و منصب بس يبي ثانية بالسر
يعني احيانا اقول مو عين لو عين ما يتقدم لي احد؟؟؟
بس بقراءاتي لقصص البنات لقيت العيون تختلف فيه الي تدخل الخطاب للبيت ثم تردهم و فيه الي تخلي الزواج يتم بعدين يتفركش قبل العرس
و فيه الي تنطر لبعد العرس بفتره و يصير الطلاق
نعوذ بالله من العين و الحسد و النفس و الامراض الروحية و من شر الناس
مواصفاتي الحمد لله ماشاء الله تبارك الرحمن تهقونها سبب العين؟
انا شاكه باختي لا تستغربون
رغم انها تزوجت بس كنت انخطب اكثر منها ماشاء الله لاحول ولا قوة الا بالله العلي العظيم و حتى لما تزوجت اخذت واحد كان متقدم لي بس استخرت وما ارتحت
و هي معروفه بعينها الحاره و احساسي جاني من قريبه لها من جهة حمولتها زوجها صار له شي ماساوي
احنا بالبيت شكينا بعينها لانها قارنت بين روحها و بين قريبتها فعينها صابت زوج قريبتها
هذا شكنا مو متاكدين انتو وشرايكم؟؟؟
الله يهديني يارب و يثبتني على الرقية
