عمرها (18)وبتتزوج قلنا اوكي وعادي بس عمرها (14) وتتزوج والله حراااااااااااااااااام !!

[3war glb]

قوة بنات شلونكم شخباركم عساكم بخييير !!!!

بناااات في موضوووع سمعته بأذوني وشفته بعيني واستغربت حيييل !!

ذييج المره كنت انا ابييت عمي نايمه عندهم المهم وكناا متيمعين كلنا انا وعمي وبنات عمي ومرت عمي ومرت ولد عمي وجذي وبنت عمتي الصغيره الي عمرها 14 (خل اتكلم عنها شوي هذي الله يسلمكم انا اكبر منها ب 3 سنين بس حيييل ويااهاا واحسبها اختي امها الي اهيا عمتي تطلقت من ريلها فا حسيتها واايد تأأثرت بس ما بينت عرفتوو )

قعدنا وقاام نسولف وضحك شوي ولا ولد عمي ينادي مرته !! ولا تقوله شبغيييت ولا يقولها تعالي ابيج فوووق وكلنا كنا قاعديييين قالت يالله اخليكم وجذي بس الصدمه لمه ولد عمي ناده مرته تدروووون الي عمرها 14 شقااااالت >>>>واااااي يا حضج يا فلااااااااانه يا حضج عندج ريل ينااديييييج يسال عنج ويككووون ابووو ولدج تقعدين ويااه تنامين ويااه يفقدج يا حضج <<< انا انصدمت استحييييت شقووول والله عمرها 14 وتتمنى تتزوووووج ليييش صاااار مجتمعنا جذي


انا عمري 17 بدش على 18 ما فكرت للحين !!! يعني لو بيدهاا تقول اتزوج الحييين لا وتقوووول بس يصير عمري 17 او 18 بتزوج على طوووول !!

فا يا بنااات مادري هل اهوااا صااار منتشر بكل المراهقاااات ولا عشااان متأثر بطلاق اهلها وتبي حنان والله مادري

وسوري ادري قرقت وااايد :eh_s(4):

 

[ادري واداري]

مادري والله اختي عوار قلب .. بس يمكن فاقده حنان ابوها
الله يحفظها ويخليها لامها

 

[3war glb]

(ادري واداري ) انا قلت يمكن فااقده حنان بس لا اهيا عايشه عند امها وابوها كل يوم كل يوم بالضبط عندها واملبي كل طلباتها اهيا واخوهااا يعني ما عليهم قاااصر بس مادري ليش تفكريها جذي الله يهديها

 

[تعبت اداري...~]

وي شدعوه عليها للحين ياهل وتفكرين جذيه< بس كل هذا من تاثير الهرمونات الله يهديها ويستر عليها وبنات المسلمين امين
الا صج يو قالت جذيه شنو ردو عليهاآآ> وعليه طيحت فيسهم لوووووووول...؟^^

 

[بقاياالليل]

ههههههههه لاتنصدمين ولا بعد بعضهم بيموتون على الزواج تفكر وهي 15 وش ودها تسوي والمواصفات ولا خرجت عيونها تتطاير ع الشباب واذا عدها اخت اكبر ماتزوجت تجلس يدها ع قلبها تخاف انها ماتتزوج بدري وتخرب عليها الله يسترنا ويرزقنا الرزق الحلال وانا اشوف ادا البنت تبي وبدات الغريزه عندها تتحرك بقوة خخخخ لدرجه الغليان هههههه خلاص يزوجوها لاجاها نصيبها احسن ماتسوي طعه لااهلها

 

[وردة الحياة]

مافيها شي سيدة المؤمنين عائشه رضي الله عنها تزوجت وهي اصغر منها

واهيا انسانه طبيعيه الوحده من تبلغ تفكر بالزواج والله يرزقها بحياة اسريه طبيعيه وزوج ماتنفصل عنه

 

[Wild Cat 007]

مادري انتي انصدمتي يمكن لانه ما توقعتيها تفكر جذي بس شكلها فاقدة حنان مبين عليها

 

[نفهمها صح]

يحسبوون الزواج رومنسيه وطلعات
ميدروون المسؤوليات الي فيه
الجييل الحالي الله يعين

 

[طموحه بزياده]

@@@



عادي البنات بهل خياليات وعمر الزهور والمراهقه الحقيقيه انا لما كنت 14 و15 سنه كنت افكر بالزواج والزوج وشنو بسوي وشلون بتكون حياتي معاه وكنت اتمنى اتزوج هههههههه بس لما تزوجت الحمدلله ع كل حال يالتني ما تزوجت جان زين لي كبرت شوي خخخخخخ




@@@

 

[المرتاحة]

شوفي ترى على حسب شخصية البنت

في بنات اعمارهم اكبر يعني تلاقين عمرها 18 او 20 او يمكن اكبر بس تحس انها مو مستعده للزواج و تبي تعيش ابيت ابوها مرتاحه مالها خلق مجابل ريل و حنة اليهال وتحس انها ما تتحمل مسؤوليات

وفي بنات عمرها 14 او 15 تكون مستعده نفسيا للزواج وودها تتزوج اليوم قبل باجر علشان تحايل بيتها وريلها و عيالها .. والبنات اللي جذي غالبا تلاقينهم مو يم الدراسه ولا يهتمون ياخذون اعلى الشهادات .. تاخذ لها شهاده اي شي وتمشي الحال و يمكن بعد ما تكمل لان كل تفكيرها بالزواج..
وبالنسبه لوجهة نظري البنات اللي جذي ودي انها تتزوج بس تتزوج ريال بمعنى الكلمه يداريها و يحرص عليها

 

[FeShinGoOo]

نفس وحده اعرفها عمرها 15 تقريبا او 16 ميته عالزواج لان امهم علمتهم ان اهم شي بالدنيا الزواج واشكره لما نقعد معاها اتقول ودي اتزوج ولد فلانه
وامهم من اعمارهم 12 سنه تكلمهم عن الزواج ويالله خلصي ثانويه خل ازوجج وحتى عيالها الصبيان من 17 سنه اتزوجهم :/

استغفر الله بعد اهو يجوز مانقدر نحرم على كيفنا بس بهالزمن ماشوفه صح ان البنت تتزوج واهي اصغر من 20 سنه عالاقل

 

[هــنــوف]

حبيبتي اسمحيلي بس هالبنت ماتستحي على وجها حتى لو كااان عمرها 100 سنه شكو تقول هالكلااااام والعمر انا بنظري ماله علاقه انا بدش 18 وعرسي قريب والي تقدم لي الكل يمدحه واكثر واحد ابوي ليش ارفض بس هالتفكير صااار حتى عند ام 11 سنه من هالمسلسلااااات البااايخه الي مالها طعم

 

[al3sooola]

امبي قوية 14 لو 17 او 18 تهون بس مو 14

 

[كلي أنوثة]

ويييييه مشكلتها عبالها الزواج جذي، انا بعد كنت حاطة ابالي جذي بس لما كبرت و قمت انخطب قمت افكر اني لازم اخم و اطبخ و اغسل و اكشخ و اسوي كل شي حقي و حق ريلي و بالمستقبل عيالي و هاذي مسؤولية لازم اتحملها مع الدراسة.. مو بس ريال و مهر و نفنوف ابيض و عرس
الا اذا بيحط الريل 3 خدامات وحدة تطبخ وحدة تنظف وحدة تشيل العيال فالهشي كرم منه و يكون الزواج بدون مسؤولية، و بجذي تقدر تتزوج ام 14 و حتى ام 9 سنوات بدون لا تحاتي دراستها او اي شي ثاني

 

[pearls_q8]

تبي تعوض الشي الي فاقدته بالزواج والظاهر تبي احد يهتم فيها

 

[جيرازksa]

يمكن فاقده حنان الابو وعبالها الزوج بيعوضها عن ه

 

[UNICORNA]

امممممممممم

شوفى طبايع وسلوكيات البشر تختلف من فرد لفرد يمكن اهى ميولها تتزوج وتحب وتنحب

يمكن محرومه بسبب طلاق امها وابوها فتبى تعوض هالحنان

يمكن واااايد اشياء فمو لازم اللى نحنا نسويه ونعتقده غيرنا يسويه علاوه ان هالوقت صار

كل شى فيه فعلا غريب ومتوقع )=

 

[روانتي 12]

يمكن اخذتهاا من باب الغشمره .. يعني قصدهاا تحرجهاا

مو يعني تبي تتزوج .. والله اعلم فيهاا اعتقد فااقده حنان امهاا

 

[*ريما*]

تفكير سخيف
الله يهديها توها صغيرة

 

[مسك حياتي]

صغيره لا تواخذينها لاصار عمرها 18 بيتغير تفكيرها ان شاء الله ...

يمكن من كثر قعدتها مع الكبار صار تفكيرها جذي ...

الله يهديها و يوفقج و تييبين النسبه اللي تبينها و تدخلين الكليه اللي تبينها ...