[ عمرك سمعت بواحد(ن) شاف شوفه ] بِ قلمي ! .. واقعيه 100%

[Leyan]

السلام عليكم ورحمة الله وبركاته !
تدرون عطله وملل وضيقة خلق
قررنا انا وبنت خالتي نسوي روايه
فيها الاكشن :ggdw: والرومانسيه :eh_s(22): ولاتخلو من الحزن :eh_s(2): !
طبعاً كتبنا جم بارت بس ماخلصناها لحَد الحين !
وبنت خالتي مو مسجله بس إن شاءالله تسجل وتحط معاي إلبارتات ^.^​

..​

البـارت الأول​

طال هجر إلحبايب وعذاب العليل
ايس إلقلب منهم وبخلو فِ دواي
-​

بِ الزواره ، تحديداً إلدوانيه
مشعل : والله تعبت مادري شسوي فيها يننتني
مبارك : انت خبل ! والله لو منك امسكها واكوفنها اخليها اتوب
مشعل : انت منصجك ! ماحب سوالف الطق ماطق
مبارك : شفيد معاهم غير جذي .. مشعل انت عندك بنت والبنت صعب تربيتها ! وانت فاهم قصدي
مشعل سكت فتره .. : والله داري وهذا الي تاعبني مابي بنتي تصير نفس امها ! واهل امها بعد
مبارك : عيل شد حيلك فيها ! وربيها من يد ويديد
مشعل : انت تعرفني احبها ! واعشقها بعد شلون تبيني اعاملها جذي
مبارك : افف مشيعل افتح مخك ! مرتك ماقامت تيي هني كلش والسبه ماتحبنا ؟ شالعقليه هذي ! شسوينه لها اصلاً وامي زعلانه حييل وفوق هذا قاعده تخلي بتنك ماتطب بيت يدتها
مشعل : ماشي .. شورتك وهداية الله ،
مبارك بِ إبتسامه : عفيه اخوي !
مشعل ياخذ الجنفنفه : هههههههه يالله قوم خنلعب .. ( صارخ ) : ياشبااااب يالله بِ نبديي اللعب​

..​

stoop ​

خَ نعركم ع إلعوايل :ggdw:​

بو مبارك ( اكبر اخو فيهم ) - دايم يتيمعون إبيته​

بو مبارك : ريال متفهم وهدوء ومايحب المشاكل .. عصبي لكن بحدود ! .. 52 سنه
ام مبارك : طيبه وحنونه وعصبيه وتخاف ع عيالها بس مشكلتها مزاجيه ، 45 سنه
مبارك : اكبر عياله .. دايم شايل البيت شيل وكل الشغل على راسه .. عصبي بس هادي بنفس الوقت .. 30 سنه متزوج وعنده ( ملاك - 3 سنوات .. منيره سنتين )
مشعل : الوسطي .. عمره 27 سنه .. متزوج وعنده بنوته ( اريج - سنتين )
مناير : الجعده .. دلوعة ابوها .. 24 سنه خطبوها وايد ناس بس اهي دايم ترفض .. اتقول ماتبي ! ( انا براييي تتزوج الحين لانه سنها مناسب للزواج )​

بو ضاري ​

بو ضاري : ريال مصلي ومسمي ويخاف ربه .. مشكلته إنه مو صبور بِ شكل مو طبيعي :eh_s(2): إذا حط شي براس اييبه اييبه :eh_s(1): ! .. 48 سنه
إم ضاري : عصبيه .. مزاجيه .. بنفس إلوقت حبوبه وحنونه :eh_s(4): .. 49 سنه
ضاري : فصله وحبوب وغشمرجي يِحب مرته ومدلعها اخر دلع .. متزوج صارلها 6 اشهر .. 25 سنه
فاطمه : عوبه و ملسونه وفصله والي بِ قلبها دايم ع لسانها < هذا اخيس شي فيها .. 22 سنه​

جراح : حبوب وفصله وكلش كلش والله كلش :× ! مايحب القعده بالبييييييييت نهائياً 2000 ساعه هايت ! .. 24 سنه​

إم ناصر - شذى​

إبو ناصر : ريال طيب وحنون بس دايم منهمك بِ شغله ! - 33 سنه​

إم ناصر : حبوبه وفصله وكلش مو مبين إنها عمه :eh_s(10): .. 31 سنه ​

ناصر : فصله وعلى نياته - 11 سنه​

مريم : مشكلجيه - ملسونه :eh_s(4): - 8 سنين​

..​

نرجع لِ إلروايه .. ​

الصاله وقت إلغدى نادوٍ الكل وتيمعو بِ إلطاوله
وبدو ياكلون ويسولفون
مشعل : منوره عطيني الدقوس
مناير تمدله الدقوس : إتفضل
مشعل : دام فضلج .. الى تعالي ليش رفضتي إلرَيال ماشوف إنه فيه عيب؟
مناير : مادري مابي اتزوج الحين
مشعل : عمرج 24 شنو عانس ؟
مناير : بدينا عاد
مشعل بعبط : هههههههه خوش لقب عانس العايله
مناير : اقوول يالشايب !! توني بسم الله علي واقدر اتزوج باجر والدليل كل يوم خطاب يمه فديتي
مشعل : اقول اكلي اكلي ( يقلدها ) يمه فديتني
مناير : يباااا شوف ولدك
بومبارك : مشعل منارير خلاص شكبركم بغول ولمه الحين تتهاوشون
ام مبارك تصب الماي : بس يا عيال خلو ابوكم ياكل
مشعل ومناير بِ إحباط : زيين !!
مبارك : الى وين حبيبتي ملوك
غدير ( زوجته ) : عند الخدامه نايمه بالغرفه
مبارك : ومنوره ؟
غدير : شربتها حليبه ونامت
مبارك : وكلتيهم ؟
غدير : اي
مبارك : سبحتيهم اليوم صح ؟
غدير بملل : شفيك سبحتهم معاك اليوم
مبارك : اي صح عطيتيهم دواهم
غدير تسن ضروسها : اي حبيبي عطيتهم
مبارك : ماشي .. اي تعالي اليوم
غدير تقاطعه : لاحبيبي اليوم بنطع انا ويااك !!
مبارك : والله ماقدر حبيبتي
غدير : مبارك مو كل مره جذي يعني
مبارك : قصري حسسج لاصنج كف ! شفيج ؟؟
غدير : ماطولت حسي إنت الي مادري شفيك
مبارك : خلاص ! قلت ماني طالع معاج شنو غصب
غدير قامت من الطاوله : سفره دايم​

وراحت تغسل إيدها
مبارك قام ولحقها ،​

طق باب إلحمام : غدييير .. غدييييير
غدير بدموع : شتبي !
مبارك : فجي الباب بكلمج
غدير : روح مابي
مبارك : غدير خلصي
غدير تقوم تفج الباب وتمسج دموعها : خير
مبارك : الحين ليش تبجين ؟
غدير : لانك متغير علي حيل صاير مادري شلون كله ماتهتم فيني و24 ساعه طالع ومخليني وكل ماقولك خنطلع اتقولي انزين جني ياهل تسكتني وتسكب فيني
مبارك : بس ؟!
غدير اطالعه : لا في بعد تبيني اكمل
مبارك : لا يبا لا تكملين ! وبعدين حبيبتي انا لامتغير ولا شي كاني نفس ما انا مبارك الي يحبج ويموت فيج وعشان ماتزعلين بسكب بالشباب وبسوي لنا جو .. ( غمز ) خاص فينا !
غدير تمشي : لا مشكور
مبارك بملل مسك ايدها وقربها صوب صدره وباس خدها : غدور يالله عاد حياتي لاتزعلين والله احبج وماقدر على زعلج .. فهميني شوي
غدير : افهمك بشنو ؟
مبارك همس بذونها : اني احبببج
غدير وهي مستحيه : يعني تبي تسكتني بجم كلمه حلوه
مبارك غمز : لا ! .. يالله عاد بابا وعدتج اني بقعد معاج وبنتعشى بره وبنسهر بعد ولا تنسين الجو الخااص
غدير تمد برطمها : زين
مبارك : يبوووي فديت البرطم والله
غدير ادزه : ههههه يوز عاد​

..​

عقب إلغدى قامو كلهم وقعدو بِ إلصاله والحب والجاي والحلويات ..​

فاطمه قاعده بصوب مع مناير : شصار مع جاسم ؟
مناير : اااااااهههه شقول وشخلي !
فاطمه : شسالفه ؟
مناير : ردينا تهاوشنا .. تخيلي فطوم كل يوم اتهاوش معاه على نفس السالفه كرهني عيشتي اقوله الناس قامت تشك كل يوم ارفض واحد بسبتك ويقولي " لالا شفيج تزوجي تزوجي ليش تنطرين " !!
فاطمه : منور فتحي مخج صارلهم 5 سنين ع هالحال لي متى يعني ؟ شنو مشغول فيه اهو لا شغل ولا وراه دوله يرأسها ولاحتى مسافر
مناير : والله ادري فطوم بس اهو مادري شفيه
فاطمه : لمه اقولج يلعب عليج ماتصدقين
مناير بعصبيه خفيفه : لو يلعب علي جان ماقعد وياي 5 سنين
فاطمه تنهدت : والحل ؟
مناير : بعد شوي بشوفه بسلايدر .. الله يستر لايفضحني جدام الناس لمه افاتحه بالموضوع
فاطمه : وااي الله يعينج على نفسج وعليه بعد !​

بِ صوب ثاني ​

مشعل - بالحوش ،​

مشعل : وبعدين !! قلت لج ردي البيت لا ايي واثور فيج انتي واهلج ... سمعيييييييي الحجيييييي .. اقول لا تكثرين بربره ويالله بعد نص ساعه راد البيت اذا مالقيتج ادفنج انتي والي يابج​

صك التلفون وهو زهقان : الله ياخذني وافتك من هالعيشه الزفت​

..​

غرفة اليهال ( الالعاب ) ​

ناصر : لاااااااااا !!
فهد ( ولد الييران يحليله كله يزور معانه ) : ويك ويك شفت قلت لك ماتعرف تلعب
ناصر : لا اعرف انطر انطر الحين اعلمك
فهد : قووووووووووووول ثاني !!
ناصر : لااامايصير !! كنت اكلمك
فهد : جب جب !
ناصر يرفس فهد : سخيف
فهد يدزه : جب جب العب​

وكملوٍ لعب .. ​

..​

نطروني بالجزء إلثاني .. اتمنى إنه عجبكم هالجزء :eh_s(7):
معنى ادري انه مافيه شي بس مجرد تعرف ع الابطال !​

 

[MiSs FoOoFoOo]

بدايتها واايد حللوه ،
كملي حبيبتي ناطرتج

 

[Leyan]

^

حبيبتي عيونج إلحلوه ^.^

نورتِ :*

-

شدعوه بنات لهدرجه إلروايه مو شي :\ ؟

 

[ρeαrℓ]

كملي حبوبة .. شكلها حلوة

 

[Leyan]

تسملين حبيبتي ،

نورتِ :*

 

[Leyan]

إلجزء إلـثاني ​

بِ سلايدر​

جاسم : قولي الي بقلبج ! شفيج خايفه
مناير بتوتر : جاسم .. الصراحه يعني انا ماقدر اكمل لي هني وبس
جاسم بستغراب : شنو ؟ .. شتخربطين انتي
مناير : يعني اذا ماييت وخطبتني قبل لا ايي احد غيرك .. ماراح اكون لك !
جاسم ماسك نفسه .. سن ضروسه : إكلي تبن ! محد بياخذج غيري
مناير ماسكه دموعها : لا تقول هالحجي ! اذا محد بياخذني غيرك شكو ماتخطبني
جاسم طالعها فتره .. قعد يهدي نفسه لانه اي لحظه بينفجر
جاسم : لاني مو من مستواج واخاف اخطبج .. ويرفضون !
مناير بصدمه : مو بكيفهم !
جاسم : ولابكيفنا ! نطري تكفيين نطري خليني اخذ وظيفه سنعه تكفين
منايره بحيره : مادري ياجاسم والله مادري !​

..​

دخل البيت وحط القتره ع القنفه .. تنفس صداعه وحس انه دايخ
دخل غرفة النوم وانسدح بالسرير فتح زراير دشداشته وهو يون ويمسك راسه : اااااااهههه !!
دشت إلبيت وهي معصبه واتل بنتها .. سمعت وناته وإستغربت
هدت كل شي بيدها وركضت : مشعل !!​

..​

ماسك العود ومجابلها بالسرير .. يغني ويدندن : طال هجر إلحبايب وعذاب إلعليل ايس إلقلب منهم ! وابخلو فِي دواي .. كل يوم ان يجيني ارتجيه الخليل .. واقول يعطف على الي ميت(ن) في هواه .. ساااهرن واتقلب والمدامع تسيل .. ذاب قلبي وانا متعذب(ن) في رجاه ساااااااهرن واتقلب والمدامع تسيل .. ذاب قلبي وانا متعذب(ن) في رجاااه ​

إبتسمت وحطت راسها بحضنه : احبك .. واحب صوتك
ضاري بحنان : وانا اموت فيج
ريم ( زوجته ) : احلف .. و وعدني انك ماتهدني لو شصير وحتى لو تهاوشنا بعد
ضاري يبوس ايدها : اوعدج إني راح احبج طول عمري وماكو شي راح يفرقنا غير الموت
ريم تمد بوزها : بسم الله عليك حبيبي لا تقول جذي
ضاري : هههههههه من عيوني ماراح اقول جذي
ريم تقوم عنه : يوعان ؟
ضاري : حدي !
ريم : عيل خليني اقوم اسوي عشى
ضاري : اوكِ
قامت ريم ودشت المطبخ تسوي لهم عشى
اما ضاري اول ماقامت تنهد بِ راحه : الله يخليج لي ​

وكمل عزف بالعود ،​

..​

جراح يقفل باب الشقه وراه : هااااااي
إلشباب & إلبنات : اهليييييييينننن
جراح خذاله قلاص وقعد جبالهم : شلونهم !!
إلكل : تمام .. تمام بشوفتك .. طيبين .. الخ !
جراح إبتسم وهو يشوف إلبنات شلون يتمايلون جدامه .. الي سكرانه ومتفصخه !!! والي سكرانه وتتمايل والي والي !
قعد يمه : اقول بوجريح
جراح : هممم .. شتبي
علي : ماودك اتجرب كلش
جراح رفع حاجبه : شيشه وزقايره انا من زمان .. بس انا اثول يوم إني طاوعتك بالشرب وكرهت عيشتي !! .. الحين تبيني اخذ مخدرات ماقول غير تلايط ياروح امك
قام وهو منقث ومتجه لِ إلحمام ​

..​

اسيل ( زوجته ) تركض وتقعد بركبها جباله وتحط الفوطه إلبارده بيبتها : ماتشوف شر حبيبي .. بسم الله عليك
مشعل وهو يحاول يفتح عينه بس مو قادر من الصخونه : ااخ .. ياليتني كل يوم اتعب عشان تعامليني جذي
اسيل تنزل دموعها : لاتقول جذي لو صار فيك شي مشعل حرام عليك انت برقبتك بنت
مشعل يمسك ايدها : وبرقبتي مره ! وعدت اهلها اني اصونها واحبها طول عمري
اسيل إبتسمت : الله يشافيك .. ويخليك لي دوم ​

..​

شذى ( ام ناصر ) : اقول عبدالمحسن
( عبدالمحسن = بو ناصر ) : قولي يبا
شذى : شرايك نسافر
عبدالمحسن : وين ؟ عيوني لج
شذى بِ إبتسامه : والله ودي جذي كلنا نشيل قشنا ونروح لندن يقولون الجو الحين اينن هناك
عبدالمحسن : ههههه لندن عاد !! وين يامعوده هالسفره يبلها مو اسبوع ولا جم يوم .. يبليها تقريباً 3 اسابيع شهر
شذى : إشدعوه ؟
عبدالمحسن : والله ! .. شرايج نروح دبي ؟
شذى : اممم والله ودي .. خلني اشاور الاهل واردلك خبر
عبدالمحسن : خوش !​

..​

فااطمه : وااااااي يمه بطني بطني
نجلاء : هو شفيج ؟ ( نجلاء رفيجة فاطمه من عمر .. اكبر من فاطمه بجم شهر )
فاطمه : هذا رابع قوطي بيبسي اشربه !
نجلاء : لانج ثوله وبقره .. والله بصير فيج شي
فاطمه : فيني تريووووعه
نجلاء ترفسها بريلهاا : ويييييع فطييييييم
فاطمه :هههههههههههه اتغشمر شفيج
نجلاء : الله يلوع جبدج
فاطمه : عشتو !! الاخت بترجع
نجلاء : جب جب !!
فاطمه تنط من حضن نجلاء : ودي !
نجلاء : انتي شكلج من تشربين هالبيبسي تييج حمارة إلقايله ؟ صح صح ؟
فاطمه : وييع مليقه .. سمعي خنقولج ؟
نجلاء تتربع : هاا قولي !
فاطمه تساسرها : ...
نجلاء : وي ههههههههههههه مينونه من صجج !!
فاطمه : هههههههه شرايج ؟ اي والله من صجي
نجلاء تقوم : يالله عيل بسرعه
فاطمه :ههههههههه يالله​

( فاطمه كانت لابسه نفنوف بيت يوصل لي نص ساقها ومسويه ذيل حصان < خو قاعده بالبيت ماكو شغل )​

( نجلاء كانت لابسه نفنوف ابيض مشجر باسود يوصل لي فوق ركبها بالضبط )​

قامو البنات وكل وحده فيهم فصخت جواتيها ونزلو شوي شوي​

لحد ماوصلو ممر إلدوانيه وكل وحده فيهم تتضحك : انا ودي اشوفه خطيبج ههههههه​

فاطمه : هههه ويع انتي شايفته الحمدلله والشكر .. اللهم لا شماته​

نجلاء : هههههههههههههه شدراني عن امج تمشي وتخبط لج الاكو والماكو​

فاطمه : وي مالت علي وعلى حظي .. اهو امشي خنوريج ياه​

مشو شوي شي لحد ماوصلو صوب الدرايش .. جندسو وقامو يطلون ​

فجأه ..​

نجلاء :كااااااااااك ويييييييييي شنو هذااا ؟
فاطمه : ههههههههههههههه ويييع وييييع امبي منظر بشع ههههههههه
نجلاء: ههههههههههههههههههههههههه واي بطنيييييييي هههههههههههههههههههههههههههه​

كانو إلشباب قاعدين بالمكسر والفنايلا ويناقزون من قنفه لي قنفه جنهم شواذي ​

...

ام مبارك : والله خوش ناس ماينرفضون ولا شرايك ؟
بومبارك : اي والله اصلاً اعرفهم ! وايد يتعاملون معاي بالشركه ناس محترمين واخلاص وانا اعرف الولد بعد طيب وخلوق ومايحط عينه بعين احد
ام مبارك : والله اذا رفضته بنتك بتصير مصيبه
بومبارك : ماتوقع ؟ عاد هذا مايعيبه العيب !!

..

جاسم ماسك ايدها ويتمش بالبحر : منور
مناير : قلبها
جاسم : ااااخ ياقلبها هالي ذابحني
مناير : ههههههه بسم الله عليك
جاسم يحط ايده حوالي جتفها ويهمس بذونها : احبج
منايره : ههههه امبي وخر فشله شقولون الناس
جاسم يمسكها من خصرها : زوجتي وكيفي
مناير بِ إبتسامه كلها مستحى : لا عاد فشله
جاسم باس خدها بسرعه و وخر : احببببببببببببببببببببببج
مناير مفتشله : جااسم عن سوالف المرهاقات
جاسم : هههههههه حسستيني عيايز !!
مناير : ههه الي اهو بس والله فشله
جاسم يقرب صوبها : والله مادري شلون بعيش بدونج والله اموووت !!
مناير تحط ايدها بايده : حتى لو عشت بدونك .. محد بياخذ غلاتك من قلبي
جاسم : وانا .. اذا عشت غيرج بشوف نفسي كل يوم بالمنظره .. واتذكرج
منايره : ههههههه ماتلوق رومانسيتك
جاسم : ههه .. جد والله .. عمرج سمعتي بواحد شافه شوفه ؟
..

نطروني بالجزء إلثـالث :eh_s(17):
اتمنى إنه صج يعجبكم ،
واهم شي تشجيعكم 3>
​

 

[مآ نخون آلعهد]

القصصصصصه مووصصج وبانتظارررر البااررت الثالث ...

 

[مآ نخون آلعهد]

لايوقف لايووقف لايوقف...

 

[Leyan]

^

حبيبتي تسلمين ^^
كلج ذوق :*

 

[FooFoony]

عجييييبه الرواايه
كملي حبيبتي نااطرييينج

 

[Leyan]

تسلمين حبيبتي ^^
حياج الله

 

[miss 3yara]

بداية حلوه

موفقه حبيبتي ناطرينج

 

[Leyan]

^

تسلمين حبيبتي
حياج الله

 

[Leyan]

إلـبارت إلثـالث​

إم مبارك : هو شفيج صمخه ولا تتصيمخين ؟
إبو مبارك : شفيج شوي شوي ع البنت الله يهداج بس
إم مبارك : شوفها شلون متنحه يقول احد معطيها صطار اكلمها ماترد علي
إبو مبارك طنشها وقرب صوب بنته : منوره حبيبتي شفيج
منايره اطالع ابوها : يبه مابيه !
إبو مبارك بعصبيه مفاجأه : شلون يعني ماتبينه !!
مناير : مابيه يبا يعني مابيه ياخي مابي اتزوج تو الناس
إم مبارك تقاطعها : شنو تو الناس !! الي كبرج عندهم عيال وانتي تو الناس
مناير : حسستوني عمري 30 سنه شفيكم علي وبعدين شنو بزوجوني غصب !!
إبو مبارك بصراخ : اي وغصب(ن) عليج وبشوفج شبتسوين
منايره ماقدرت تمسك نفسها اكثر وصعدت الدري​

فجأه​

ابو مبارك بصراخ : منااااااير
مناير بخوف لفت عليه ودموعها بويها : نعم ؟
ابو مبارك ياشر على السويج: يبيه ويبي تلفونج واشوفج تقربين صوب عتبت الباب
كرهتا وكرهت نفسها اكثر حذفت جنطتها عليهم وطلعت غرفتها تبجي ،​

..​

غدير : مبااااااااارك
مبارك كان توه طالع من الحمام ولاف الفوطه على خصر وكان قاعد يمش شعره : هلا حبيبتي
غدير مستحيه من شكله : إمم بناتك يوعانين قلت انروح انغديهم بره
مبارك بِ إبتسامه جذابه : افا عليج بس .. جم غدوره عندي الحين البس ونطلع
غدير بوناسه : وييه من وين طالعه الشمس اليوم تدلع وامري والحاله حاله
مبارك يقرب صوبها : يعني ماندري شينفع معاج انتي الله يهداج
غدير تبوسه بخده : لاخلك دوم جذي معاي
مبارك إبتسم لها ​

..​

مشعل يلف ويها بتافف : يا الله عليج يا اسيل خلاص لاتحنين
اسيل : تكفى مشعل والله البنات بيذبحوني اذا مارحت معاهم
مشعل بخيبة امل : وبنتج ؟
اسيل بعدم اهتمام وهي تدلع : اقطها عند اختي
مشعل : وانتي بس قاطتها عند اختج ؟ خلاص اوديهم بيت امي
اسيل بسرعه : لالالا !!
مشعل : شنو شفيج ترا ماقلت بقطها بالبحر انا
اسيل : لا مابي ماتوديها
مشعل يرفع حاجبه : بكيفج اهو ؟
اسيل بضيق : مشعل شفيك قلت ماتوديهم
مشعل بعصبيه : تدرين شلون بتقعدين بالبيت وماكو طلعه وبتجابلين بنتج
قام من مكانه وطلع من الغرفه وهو يتافف
اسيل : اوووووف هين يامشيعل ماكون اسيل اذا ماوريتك انت وامك ام السحور هذي​

..​

جراح : تووليييين .. توليييييييييييييييييييين وصمخ
تولين تركض له : ها شفيك
جراح ياشر على الكومدينه : يبيه
تولين بِ إبتسامه ساحره : متاكد ؟
جراح يصارخ: خلصيييي
تولين بوناسه " هين يا الحمار " .. ركضت وخذت الابره وعطته ياه​

فجأه سمعو احد يصارخ هد الابره وقام طلع من الغرفه
تولين بخيبة امل : افففففف !! ​

..​

مشت بخفه وهي اتدلع وماسكه الملف بيدها ​

تأكدت من شكلها 100% كان جذاااااااب​

إبتسمت برضى ودخلت المكتب وهي تتميع : استاذ ضاري​

ضاري رفع ويها وتنح : اححم .. هه هلا انوار
انوار بدلع : يبتلك الملفات
ضاري يمد ايده بياخذهم وهو ساكت
انوار قصدت وحطت ايدها صوب ايده وضاري على طول سحب ايده بتوتر
انوار ابتسمت بخبث : شفيك ؟
ضاري : ها ؟ لا ولا شي
انوار تحط الملفات بالمكتب وتقرب صوبه : امم بس شكلك متوتر​

ضاري " اخخخ بنت اللذينه تينن !! استغفرالله ياربِ " : انوار .. ممكن تروحين شغلج
انوار بخيبت امل واصرار قربت صوبه وهمست : لاء مو ممكن
إنصدم ضاري من حركتها .. لاشعورياً إستنشق ريحة عطرها الجذابه ونظر لشكلها المغري وحس بشي غريب
حطت ايدها بِ ايده وهي تبتسم بخبث : ..​

...​

ريم : اففففف ياربِ هالضاري هذا وين راح ؟
قامت من السرير تتأكد من شكلها ونفنوفها ( كانت لابسه نفنوف اسود يوصل لي نص الفخذ وتحت الصدر حزام بني ضعيف .. ولابسه كعب اسود وحاطت ميك اب لاهو ثقيل ولا ناعم كان شكله حلوٍ وايد وراقي .. )​

إبتسمت وركضت مره ثانيه وهي تتأكد ع العشى الي مزهبتا : ان شاءالله يعجبه​

دخلت غرفتها وبدت ادق عليه مره ثانيه وثالثه ورابعه وللاسف مايشيل​

..

إلسـاعه 10 بِ ليل

طلعت من غرفتها شوي شوي وخذت تلفون الصاله وركضت داخل غرفتها مره ثانيه

قعدت صوب السرير وبتوتر دقت على رقمه : الوو .. جاسم

جاسم بعصبيه : انتي وينج ! من زمان وانا ناطرج ادقين

مناير بتوتر : في واحد خطبني !

جاسم : ..

-

نطروني بالبـأرت الرابع :*​

 

[άGώâ ми àώàŁ]

3ajjeeba
waiting

 

[مايلي سايروس 15]

عجبتني روااايتج حيااتي
يعطيج الف عاااافيه
لا تحرمينه من قصصج الحلوووه

 

[دلوله كيوت]

يعطييج العافيه عالروايه العسل نفسج



وموفقه

 

[so_what]

Waiting

 

[MiSs FoOoFoOo]

عجييييييب حدااا البااارت
الله يستر من أنوااروو
..
ناطريينج طولتي حبيبتي متى البارت ؟؟

 

[FooFoony]

Up Up

بلييييز نبي بارت
ويينج طولتي حبيبتي