عمركم شفنوا مثل هالخبلة

[هجووورة]

سلام عليكم
وعيدكم مبارك وعساكم تعودونه سنين طويلة

فعلا كلمة خبلة شوي علي واول من قالها امي والسبب



خدامه

اشتغلت عندي فوق الخمس سنوات ولما شبعت حبت ترجع ديرتها عذرها ان زوجها مريض ( الله اعلم)

لكني تعودت عليها وعلى شغلها لانه فوق الممتاز

وجبت غيرها لكن مع الاسف النقيض تماما

وانا محتاجتها خصوصا بها لوقت وهي رافضه والزوج اشتغل عليها تيلفونات

وانا بين الضايعه والماله منها ومن شغل زوجها خصوصا اني عرفت انها تبي تشتغل مكان ثاني اهنيه انقهرت اشلون هانت

عليها العشره (خبلة) فعلا خبلة

لكن كل من شافها قال الله يعينج على روحتها فعلا هي مرة محترمة خربتني بشطارتها

واحس اني راح اتبهدل عقبها

لا تضحكون اي شخص يمر على مثل هالخدامات ويتعود عليهم ما يقبل بأي شي

الله كريم

 

[بنت جنيف]

الله يعينج والله صعبه اذا تعودتي على خدامه تغيرينها

 

[أم لطووف]

الله يعوضج عنها بإلي أحسن منها إن شاء الله

 

[قلبي معاك]

الله يعوضج حبوبه ويرزقج باحسن منها يا رب

 

[carrot^cake]

وايد صارت
عادي ييبي غيرها وسوي نفس الي سويتيه مع هذي علميها على شغلج
بتتعبين طبعا بس شتسوين

والله يعينج

 

[نواااال]

اشتبين فيها هذول اذا طولوو قوه عينهم وصارت اهي المعزمه واهي الي تحكم حدهم
سنتين ويخربوون وشوي شوي تشوف نفسها انا من راي لاتحسفين عليها خيره

 

[الشامريه]

صرااااحه امرج غريب يعني جم سنه تبينها تقعد؟؟؟؟




بالاول والاخر بتروح وتخليج الحين الخدامات اذا كملوا سنه زين.....

 

[مــ_ــا مــ_ــي]

كلميهاا تقعد عندج شهر واحد وجيبي خدامه هنديه جديده تعلمها على طبعها وعلى كل شي تسويه بالبيت . وقولي لها اعطيج زياده على معاشج ان علمتيها عدل وتوصيها عليج وعلى اللي تحبينه واللي ما تحبينه جذي ما راح يتغير علجي شي ان سافرت

 

[Great-Chef]

معضة ان شاءالله

 

[Great-Chef]

اسفة قصدي معوضة

 

[هجووورة]

صرااااحه امرج غريب يعني جم سنه تبينها تقعد؟؟؟؟




بالاول والاخر بتروح وتخليج الحين الخدامات اذا كملوا سنه زين.....

امري مو غريب يا الغاليه بس انت قلتي الخدامات اذا كملوا سنه زين وين تلقين ام يهال لها مقاقه تتحمل هذي رايحه وهذي يايه

 

[هجووورة]

اسفة قصدي معوضة

الله يجزاج خير انت وكل من دعا لي

 

[حجيه هيونه]

عندي نصيحه بس غريبه شوي
حاولي تسوين اقامه حق زوجها يجي هني
يعني يشتغل اى شي سايق صبي اي شي حتى لو مو عندج

مكن لو جا هني راح تقعد اهي بعد

 

[LA TROO7]

الله يعينج بس مصيرها رايحه

 

[Couch potato]

خيتوا اهي خادمه مو عبدة
ياية تشتغل فترة وتيمع بيزتين وترجع لاهلها
خليها تروح دام هذي رغبتها وربي يعوضج باللي احسن منها

 

[ضحكه مستعاره]

الله يعوضج باللي احسن منها يارب

 

[*أبلة*]

حبيبتي اللي ما يعدج راس مال لا تعدينه فايده
اللي ما يبيج لا تبينه
لا تزيدينها فلوس ولا غيره
وقولي خيره
وادعي ربج يرزقج باللي احسن منها واللي تحسسج ان ماكانت عندج خدامة من قبل

 

[رفاعية19]

الله يعوضج انشالله باللي احسن منها...

 

[^kloOot^]

عادي خل تروح


ويمكن خيره لج



وخليج واقعيه


انتى تقولين لاقيتلها شغل ثاني ويمكن تعذر بزوجها



احنا لو نلقى شغل في راتب زياده او مكان ثاني احسن من اللى قبل على طول نغير
مافيها شي



خليها دور رزقتها عااااااااااااادي

وانتى الله يعوضج باللى احسن منها


زين منها قعدت 5 سنوات

 

[عرموشة]

الله يعينج