علي الدورة شنو اقدر اسوي من عبادة حق عرفة

[تراميسو]

يوم عرفة يوم فضيل بس ماقدر لا اصلي ولا اصوم ولا اقرا قران وحتى الذكر انا الاقي صعوبة يعني اتذكر بوخمس دقايق بالكثير وبعدين انسى بصراحه ما قاعده احس بجو ايماااااااني كلش:yaaaaaarb:

 

[الإسراء]

إي والله حتى آنا ..
حسافة ..

 

[ماريا ابنة الحي]

تحاولين تذكرين الله كل شوي

ولا تنسين التكبير

تقولين الله اكبر الله اكبر لااله الا الله الله اكبر الله اكبر ولله الحمد
http://www.tvquran.com/
الله ونااااااااسه احب اقولها
احس بشعور غريب

حاولي تتصدقين تشوفين هندي بالشارع مثلا

او اذا مو حابه تطلعين تعطين اخوج ويتصدق لج <ولو تتصدقون بالحالات الي تنعرض بالجرايد يكون احسن
والأجر يكون عظيم بهذي الايام المباركه
حاولي لو حابه تدخلين ندواة دينيه تكون فيها محاضرات دينيه تستفيدين منها
وتحاوطكم الملائكه وتقدرين بهل لحظه تدعي بأي دعاء تحبينه وراح يكون مستجاب بأذن الله


الصايمين من اهل بيتكم تحاولين تقعدينهم على الصلاة وتاخذين اجرهم

دلعي امج وابوج واهم صايمين خليهم يجربون طبخاتج وانتي تطبخين كثري من الاستغفار
منها بريتي بوالديج ومنها كثرتي استغفار ومنها تصيرين طباخه زينه هههههههههههههههه

ولاتنسين الاذكار
اتمنى اكون ساعدج

 

[همسة السلام]

رد : علي الدورة شنو اقدر اسوي من عبادة حق عرفة

غاليتى الحبيبه

الله يكتب لنا الاجر العظيم ياااربي

اكثرى الاستغفار واكثر من قول لااله الا الله وحده لاشريك له له الملك وله الحمد وهو على كل شى قدير

الدعاااااء بقلب صااادق ولا تخلين الشيطان يدخل عليج

شوفى الحجيج بصعيد عرفه يشعرك فى قوة الايمان

اشياء كثيره سويها ياحبيبه كبرى هللى سبحى

ربي يتقبل منا ومنج صالح الاعمال يااااربي

 

[كرز حالي.]

رد : علي الدورة شنو اقدر اسوي من عبادة حق عرفة

الاستغفار التكبير الصدقه الدعاء اقري القران من الانترنت تاخذين اجر القراءه
لا تقولين ولا تفعلين الا الطيب

 

[اسيره2]

الموقع الي حطته الاخت راااااائع يسهل عليج قراءة القران الكريم ونتي تعرفين الاجر العظيم لكل حرف تقرينه فمابالك في هذه العشر رح يتضاااعف ان شاء الله ثقلي ميزانج بالقران وبالذكرر سبحان الله والحمدلله والله اكبر ولا اله الا الله ترا لو تفضين نفسج سااااعه وحده من يووم في 24 ساعه وتقسمينه ربع ساعه ذكر وربع ساعه قران وربع ساعه استغفار وربع الاخيره دعاء باللي تبينه

ترا انقضي ساعات بالمسلسلات والنت يعني ماناخذ ساعه من حيااتنا ونستغلها ونثققل فيها ميزاننا


الصدقه بطلي الكبيت وطلعي هدووم ماتبينها شيلات جواتي اي شي زايد عندج بالكبت او حتى قديم تصدقي فيه دقي على لجان اييووون ياخذونهم او قطيهم ابصندووق الصدقات موجود ابكل فرع الجمعيااات


اشتري بطانيات وعطيهم حق هنود او فقااراا ترى البرررد يقررررس عندناا

تصدقي لو بكلمه طيبه لو بتبسم في وجه اختك المسلمه


روحي اقرب لجنه خيريه وماشاؤء الله منتشرين بالكويت عندهم صدقات سقي الماء-- توزيع القران -- حجاب مؤمنات -- ووااايد اعمال تبدا من دينااار وااحد وشوووفي الاجر العظيم


فرصه اختي اغتنميها لاااطوووفج باقي يومين من العشر الفضال اجتهدي والله لايضيع اجر عامل ان شاء الله

 

[البسمه المقهورة]

السلام عليكم ورحمة الله وبركاته

1/ الاكثار من الدعاء والأستغفار والتهليل والتكبير
2/ الصدقــــــــــــــــة بكل انواعها سواء مادية او بالأفعال
3/قراءة القران اذا حافظة شي عن قلب
4/ تفطير صــائم .. تقدرين تفطرين اهل بيتج بما انج ماراح تكونين صايمة ومومتعبة مثل الباقي
5/ ممم بعد تقدرين تطرشين مسجات لصديقاتج وأهلج تذكرينهم بفضل يوم عرفة وبفضل الدعاء فيــه


هذا الي فبالي حاليا وان شاء الله اي شي اقدر اضيفه برجع للموضوع واضيفه
والخوات جزاهم الله خير ماقصــروا

 

[اسماء العتيبي]

رد : علي الدورة شنو اقدر اسوي من عبادة حق عرفة

يالغاليه اسآل الله ان يقبل مني ومنك ومن اخواتي جميعا

اقرأي قرآن بالنت يعني ماتمسكين المصحف ..
حسي واستشعري عظمة هذا اليوم ..

افرشي سجادتك واستقبلي القبله وادعي بكل اللي تبينه واستغفري ..

صلي على الرسول كثيييييييير

كثري من لا اله الا الله


الله يقبل يالغاليه

 

[يامغيث اغثني]

رد : علي الدورة شنو اقدر اسوي من عبادة حق عرفة

الله اكبر الله اكبر الله اكبر لاإله إلاالله الله اكبر الله أكبر ولله الحمد

استغفرالله العظيم واتوب إليه عدد خلقه ورضا نفسه وزنة عرشه


اللهم صلي وسلم على سيدنا محمد وال محمد كما صليت على ابراهيم وعلى ال ابراهيم في العالمين انك حميد مجيد



لاإله إلا انت سبحانك اني كنت من الظالمين

 

[سماء|~]

رد : علي الدورة شنو اقدر اسوي من عبادة حق عرفة

الله يكتب اجرك ياغاليه


سبحان الله المعطي المتفضل ربي يكتب لنا الاجر إن علم صدقنا فالانسان ان مرض او سافر وفاتته عباده تعود عملها كتب لها اجرها


وماقصروا الغاليات استفدت انا بعد منهم :eh_s:

 

[مارياq8]

رد : علي الدورة شنو اقدر اسوي من عبادة حق عرفة

كثري من الحمد والتهليل والله واكبر


وان شاء الله ربي يحسبها لج ولنا في اليوم المباارك


آميـــــــــــن