عليميه عندها جم سؤال

[الاحساس]

سبحـان الله وبحمده سبحان الله العظيم
لااله الا الله


السلام عليكم ورحمة الله وبركاته


بنوتات لي متى نمهّد الياهل لي اي شهر ؟؟

ومتى يتصلب راس البيبي الحين راسه ماي متى يتصلب الا أنه اخاف على راسه اسم الله عليه



...

وبالنسبة للمميات انا كله اشتري بلاستيك مااشتري زجاج لأن الزجاج كله يتكسرون فأيهو احسن .؟ واي ماركة مميات احسن .؟

واللي عندها جهاز تسخين المميات شلون يستخدمونه ماركة chicco



شكلي كل مرة رازه ويهي بهالقسم ؟؟



سبحـان الله وبحمده سبحان الله العظيم
لااله الا الله

 

[&شهرزاد&]

اول شي حياج الله كل يووم



بنسبه للمهاد. اناا ولدي بست شهور عودته
ينام من غيرر لمهات


بس بنتي للحين عمرهاا سنه ونص هههههههه

ولازم هالمهاااد بس اوول ماتنام ولا بعدين عادي

لان بسم الله عليهاا حركيه وعنيده حتي لو فيها
النووم تكابرر
يعني علي حسب تعودج للبيبي



وبنسبه للمميات. عيالي لي بدوو يعرفون يمسكون المميه بورحهم

اشتريلهم بلاستك اخاف عليهم ولا قبل

كله زجاج

احسن مااركه بيجوو. او بصيدليه بوتس

ثلاث مميات مع بعض ايوون

عجيبين لا يدخلوون هوو ولا شي


ان شالله اكون افدتج

 

[ام كوثر2007]

بيجو احسن ماركه مميات .. واذا البيبي صغير للحين ما يعرف يمسكها لازم قزاز احسن واطهر وانظف ..


المهاد انا عيالي من يخلصون الثالث خلاص احس الياهل تلوع جبده وبيطلع ايده ..


وراسه ان شاءالله ست اشهر ويصير اوك لا تحاتينه ..


وعسى الله يبلغج فيه ان شاءالله ويخليه لج .

 

[حوررريه]

اللحين اخذي قزازاحسن بيجون انظف المميه غسليها عدل بعدين عقميها بماي حار والبلاستيك خليها لين الياهل يبدا يمسك بروحه وعندج ماركة ناك انا واختي استخدمناها فيه قزاز وفيه بلاستيك،،
المهاد انا الين 5 شهور وبعدين اهو مايبيه يتنرفز منه .. والياهل رقبته تصلب ع الست شهور.

 

[ام الحوراء زينب]

المهاد مادري للحين توا ماكمل الشهر بس الدكتور قال لاتمهدينه انا مطنشته لانه ولدي ماينام الا لمن امهده
والمميات انا ماخذه بلاستيك وزجاج بس للحين ما استخدمت الا الزجاج احسن وانظف
احسن ماركه دكتور براون مايسوي غازات ولا يدخل هوا

 

[AVE.NJ]

ويه مهديه ليه يقول بس
انه اختي بنتها من كثر ماكبرت كانت تمهدها بشرشف
ترا حتى الاجانب قامو يمهدون عيالهم
وعلى الراس انه ولدي ليه سنه يالله تيبس
والرضاعات انه كنت ارضع طبيعي الحمدالله كلش مااستعملتها
الا بعدين صار ولدي حبيبي مايفرق عنده المميه

 

[قبوط ومربين]

حلاتج والله يالعليمية حياج الله باي شي انا من كثر مااعرف سوالف باليهال يسمني اهلي عيوز
بالنسبة لاسالتج انا اجوبتي نفس شهرزاد اجوبتها كله صحيحة