عليمية بالطبخ وعندي اسئلة:)

[A7lam]

السلام عليكم

بنات انا حدي عليمية بالطبخ وعندي كم سؤال لو سمحتو:

1- اذا بسوي دياي بالفرن: اول شي افوح الدياي وبعدين ادخله الفرن بس شلون يصير ذايب مثل المطاعم؟؟ وعلى كم احط الفرن؟ وشكثر اخليه بالفرن؟؟؟

2- اذا بسوي حلو او معكرونة بالبشاميل: هل لازم اغطيه بالقصدير ولا اخليه مفتوح؟؟ وكم احط الفرن اذا كاتبين بالوصفة حرارة متوسطة؟؟

وشاكرة لكم اوي اوي

 

[cat walk]

الدياي بالفرن اذا قصدج مع الصلصه الحمرة والخضار ,مو شرط تفوحينه اول شي حمسي بصل وثوم وحطي الدياي وياه و مع بهاراتج ومعجون طماط وبعدين حطي في بايركس ودخلي فرن حار على درجه 200 وبعد 10 او 15 دقيقه قصري الفرن شويه على 180 وغطي بقصدير وخلي يستوي عالراحه يعني نص ساعة او اكثر بس جيكي عليه ,ومادري اذا البنات عندهم طريقه ثانيه انشالله يفيدونج

والبشاميل لمن تسوينه لاتحطينه بفرن حار يعني شابته قبل فتره جذي يصير يابس من فوق حطي البشاميل بالفرن وبعدين شبي الفرن بنفس اللحظه وخلي شوي بعدين شبي عليه من فوق وجوفي علشان لايحترق وبالاخير قطي بقصدير لمن يستوي خلي الفرن على 180

 

[ام الدرر]

حبوبة اسهل طريقة ومضمونه استعملي اكياس الشوي بالفرن
نظفي الدجاجة وتبليها ((والتتبيلة بالخلاط بصلة وثوم وبهارات وملح وروب ادهني فيها الدجاجة من داخل وبره ))وحطيها بالكيس ودخليها الفرن درجة حرارة عالية 5الى 10 دقايق وعقب قصري عليه ساعة الى ساعة ونص وعقب قصي الكيس بسكين وشغلي الفرن من فوق تتحمر الدجاجة وممكن تضيفين بطاط مقطع وبصل وجزر
اما الحلو فاغلب الانواع ما تحتاج تتغطى بقصدير
والصواني والمعكرونه حسب الطريقة اذا تبي مده طويلة تستوي لازم تغطينها بقصدير اما مجرد تسخين وتحمير ماتغطينها
وموفقه يالغالية​

 

[جارة القمر]

تفضلي طلبك


http://www.q8yat.net/showthread.php?t=546256&highlight=%C7%E1%CF%CC%C7%CC+%C8%C7%E1%DD%D1%E4


المعكرونة

http://www.q8yat.net/showthread.php?t=520499&highlight=%C7%E1%C8%C7%D4%E3%ED%E1

http://www.q8yat.net/showthread.php?p=11372825&highlight=%C7%E1%C8%C7%D4%E3%ED%E1#post11372825


وبالنسبه للحلويات قصدج الكيك حبيبتي

 

[مرت زوجها..!]

بالنسبة للدياي ,, لاتفوحينه حطيه بالبايركس واهوا يذوب بالفرن ويتشرب من الصلصه بس غطيه عشان لا ينشف الصلصه

والبشاميل لا تغطينه عشان يتحمر البشاميل