على ماذا يحنوي امتحان قبول kg 1 في المدارس الخاصة

[الفتاة السماوية]

السلام عليكم بنات

بما ان احنا بفترة التسجيل والقبول للمدارس الخاصة

حبينا انتساعد اهني بذكر الاسئلة الخاصة لامتحان قبول المرحلة الاولى لرياض الاطفال Kg 1

كل وحده ما عليكم أمر اتحط الاسئلة واسم المدرسة اذا حابه

ها منو أول وحده تبدي ؟

 

[السهم الصويب]

الالوان والارقام والاشكال

بالانجلش طبعا

ومسكة المقص

 

[للحين ناطره]

الاسئله
الالوان الاشكال العد من 1 الى 5
رسم دائره
القص بشكل مستقيم
كان في صوره بنت صاعده الدرج وصوره بنت نازله من الدرج
سالوه اي وحده تصعد الدرج واي وحده تنزل من الدرج
امممممم هذا اللي اذكره
وكان عادي يجاوب بالانجلش او العربي

 

[الفتاة السماوية]

رد: على ماذا يحتوي امتحان قبول kg 1 في المدارس الخاصة

مشكورين بنات

وانا بضيف المعلومات اللي عندي

في المقابله يلاحظون مسكة القلم لازم تكون صح

مدى قابلية الياهل للاستماع والتعلم

طبعا قبل لا يبلشون الاختبار يسألونه

what is your name
how old are you
how many sisters and brothers you have

و مثل ما قلتوا اسماء الاشكال Shapes

ويخلونه يمشي على احرف منقطه يشوفون يعرف ولا لأ

ويحطولة رسمة فيها كذا شي يعني مثلا قطوة وسيارة شرطة وجم شي
يقولوله شنو تشوف بهالصورة

واللي يعرف شي زيادة يفيدنا

 

[Milk^Shake]

رد: على ماذا يحتوي امتحان قبول kg 1 في المدارس الخاصة

kuwait english school
اللي بسلوى
الامتحان عباره عن يسآلونهم عن الالوان والاشكال
توصيل الاشكال المتشابهه واللي لها علاقه ببعض مثلا توصيل السياره حق التاير وتوصيل القلم حق الدفتر
توصيل الاشكال المتسابهه والمختلفه بالحجم
العد لي ١٠ وتوصيل الاعداد
الاحرف بس شفوي مو تحريري
يطلبون من الياهل يرسم انا طلبو من بنتي ترسم happy face
يسالونها عن الاسم بالانجليزي
وتمشي على نقط علشان يشوفون مسكه القلم
يسالونها عن الحواس الخمس يعني وين العين بالانجلش واهي اتاشر

وسلامتكم انا لما شفت ورقه الامتحان انصدمت ههههه

 

[رفرف]

رد: على ماذا يحتوي امتحان قبول kg 1 في المدارس الخاصة

بنتي بالتكامل


سألوها عن اسمها وعمرها طبعا بالانجلش
الالوان والاشكال
تعد لي 5
عطوها صور وسألوها شنو هذا ؟ door - chair - book - boy - girl شغلات جذي
عطوها تركيب 5 اشكال بأحجام مختلفة تحط كل واحد بمكانه الصحيح على اللوحة
وتركب برج
ووووو تشك خرز داخل حبل تسوي مثل عقد
توصل الارقام المتشابهة
ترسم هابي فيس
تغني اغنية بالانجلش
تقص خط مستقيم
سألوها عن اعضاء جسمها وتأشر عليهم .. eyes - nose - ears - cheeks - hand - leg - knee - mouth




امممم هذا اللي اذكره ..

 

[ترف بابا]

رد : رد: على ماذا يحتوي امتحان قبول kg 1 في المدارس الخاصة

يسلمووووو

 

[الفتاة السماوية]

مشكووورييين بنات ما قصرتوا

 

[ام العربي]

رد : رد: على ماذا يحنوي امتحان قبول kg 1 في المدارس الخاصة

والباكستانية kg 2 شوا الاسئلة

 

[*Little**Angel*]

بنات ولي يعافيكم اخد يغرف شي عن امتحان اجيال

 

[n-h-m]

up up up

 

[الفتاة السماوية]

بنات ترى أغلب المدارس الخاصة نفس الاسئلة بالمقابله

فحاولوا اتدربونهم على كل اللي قلته وقالوه البنات فوووق

أهم شي مسكة القلم اذا شافوا الياهل يمسك القلم غلط ويشخبط بدون تركيز ما يقبلونه

علموه على قضبة القلم بطريقة صحيحة واشلون يسوي دائرة واشلون يمشي على النقط

وموفـــقــيـــــــــــــــن جـــميــــعــــاً