على لسان الحجرف: التربية تدرس إطالة اليوم الدراسي!!

[منال القلب]

مرحبا معلمات..

يعني معقولة!! استبشرنا خير بالدماء اليديدة والتغييرات الحديثة، وبالاخير بتدرسون إطالة الداوم!!

الخبر موجود في " الوطن " عدد يوم الأربعاء. واااي ليش اطالة الدوام؟ المشكلة تعالوا شوفوا

التعليقات تحت الخبر. الي يقول اي احس طولوا الدوام خل يحللون المدرسات والمدرسين معاشاتهم

من زين الجو علشان يطيلون الدوام؟ عبالهم جونا مثل جو اوربا وامريكا مثلاً؟ الطلاب اصلا من بعد

الحصة الخامسة ينتهي عداد الاستيعاب عندهم المفروض يسوون دراسة شلون يخففون اليوم

الدراسي بحر الصيف مو العكس!!! ان شالله الدراسة تفشل. واساسا لو لو لو صار قرار الكل

بيعترض. ولنا في يوم الثلاثا حصة النشاط أسوه حسنة :rerrerek:

قال اطالة اليوم الدراسي قال... اي خير ان شالله..

​

 

[** رش رش **]

يا ويل قلبي
لا طبنا و لا غدا الشر

 

[حكآية قلب]

ممالت عليهم


عبااااالهم اوروبا يدرسون من فجر الله


مايطلعون الا الساعه ٩ ونص الصبح اصلااااا


وجوهم يرد الرررروح


ويييييع علي الحسودين اللي حاسدين المعلمات


عسي الله يشغلهم بنفسسسهم



اناااا فيه ناس تعتبرني بنك متحرك !! تخيلووو بس عشان اني مدرسه

 

[randomy]

حسبي الله ونعم الوكييييييل


البنات الحصة السادسة يطقون رووس مالهم خلق الابله!!

بعد اطاله ... ليش من زين الجو ولا من نظافة الحمامات !! ولا من زين اكل المقصف

 

[غلااي الكويت]

من زماان كنا نسمع عن اطالة اليوم الدراسي
وان شاء الله يطلع كلاام جرااايد, واتوقع انه ماراح يصير بس مجرد حجي جراايد... قولوا آمين

 

[منال القلب]

^
^

آمين
اصلا مايقدرون يطبقونه

 

[∫ ∫ ∫ ∫ جــوان ∫ ∫ ∫ ∫]

بيطولون اليوم الدراسى ؟؟؟

على بالهم بجذى يخلون عيالهم عباقره يعنى

 

[أبلة فاتن]

طال ولا قصر هذا سيفوه وهذي .... كملوها عني


يبا عيالنا ما ينفع معاهم اطالة الدوام بالعكس مفروض يدرسون تقليله

يعني لي س 12 ونص راده بيتها وعن الزحمه

​

 

[*مطبخ الذواقة*]

اي مو من حلات الجو عندنا

9 شهور حر و3 بين الغبار والمطر

الحمدالله على كل حال

 

[جيتك تعال]

ما ادري شيبون هذيل .... عبالهم المشكلة في الساعات
ما يدرون ان المشكلة في عقول جيل الابفون ...
يباا هالجيل لوبتخلون الدوام لين الليل .... هم بيسقطوون

 

[طالبة1990]

عادي وين المشكلة

دام الاطالة في صالح التعليم

بس ياليت يكون التطببيق كامل

ويستحسن يجربونه قبل مايعممونه

ويخلوون وكيلات الوزارة والمراقبات والمراقبين اهمه اللي يطبقون هالشي

واذا شافوا ان الوضع اوكي يعممونه



او يضبطون المباني عشان تكون مهيأة للطلبة

ويحطون استراحات وكافتيريا للمعلمات

ويسوون نفس دول اوروبا المعلمات مثل الشفتات

يعني اللي تداوم الصبح ماتداوم بعد الظهر

ويحلون مشكلة الكثافة العالية في الفصول

ويطبقون نظام اوروبا بحذاافييره

وانا اول وحدة اوافق واعتصم لاجل اطالة الدوام المدرسي

 

[RowTow]

طالبه اهما مراح ينفذون هالشي بشكل يفيد الطالب.
راح ينفذونه بطريقه غبيه مثل طريقة الملف الإنجازي و الفلاش, بدون دراسه و لا تفكير و لا اهتمام بطبيعة ديرتنا.

الكويت على مدار السنه رطوبه و غبار, و مع هذا مدارسنا مفتوحه و الشمس فوق روسنا ليما احنا يالمدرسات صدعنا.
طول اليوم لقمه ما نقدر ناكل بسبب ضغط الشغل و ما في مقصف أو كافتريا متوفره لنا, كله ككاو و حلاو و يلهمون فلوس البنات بالهخرابيط.

الأجانب دوامهم من 9 لي 3. احنا يبونا نداوم من 7 و نص لي 3. ليش احنا نساء خارقات؟ و الا عيالنا حياتهم كلها دراسه؟
يعني حتى ما يبون الناس تقيِّل. فراح تنمص طاقتنا يالمدرسات و طاقة الأطفال. محد راح يستفيد من قراراتهم الفاشله و العشوائيه.

و كافي انهم يعطون البنات 7 حصص باليوم ب13 ماده (هذا بالبتدائي). جم حصه بيعطونهم بعد؟ و جم ماده بيزيدون؟

 

[أبلة فاتن]

حاطين دوبهم ودوب المدرسات ياخي بسكم تطفييييييييييييييييييييش افف حسد حسد ذابحهم ​

مع تقليل الدوام الدراسي يالله نبي يقللونه

ويجيبون موظفات خاصين للاشراف وغيره

المدرسه بس شغلتها تدش حصتها وتمشي بس تخلص ساعت حصتها ترد بيتهم


غصب تكرهونا بالشغله ​

 

[سلاسل ذهبيه]

محد بيتحمل لاطلاب ولامعلمين وش ورى الساعه 2 مابقي من النهار شي

 

[gala q8]

عادي وين المشكلة

دام الاطالة في صالح التعليم

بس ياليت يكون التطببيق كامل

ويستحسن يجربونه قبل مايعممونه

ويخلوون وكيلات الوزارة والمراقبات والمراقبين اهمه اللي يطبقون هالشي

واذا شافوا ان الوضع اوكي يعممونه



او يضبطون المباني عشان تكون مهيأة للطلبة

ويحطون استراحات وكافتيريا للمعلمات

ويسوون نفس دول اوروبا المعلمات مثل الشفتات

يعني اللي تداوم الصبح ماتداوم بعد الظهر

ويحلون مشكلة الكثافة العالية في الفصول

ويطبقون نظام اوروبا بحذاافييره

وانا اول وحدة اوافق واعتصم لاجل اطالة الدوام المدرسي

انا طالبه وانا معاااااج :eh_s(15): , وانا بقول وجهت نظري للمعلمات اللي تقوول حر و ماحر < وانا ما اتكلم عن الكل , في ابلات ورب الككعبه يتعبوون و يشقوون و ينسوون عيالهم عشان الطالبات , و في ابلااات ورب الكعبه ولا همهم الطالبات , طول الوقت ماسكه التليفون و تتضحك ! و لا قاعدين بمكاتبهم و فاجين التكييف ! ويقولون حر , !! وين الحر !!!!!!! لوول
و صج إذا على سالفه المدرسات , ترى احنا يا الطلاب اللي بنتعب يعني بنقعد 7 حصص و زوود بنقعد بمكانا و ندرس اما المدرسات مو بكل وقت بتقعد و تفكر !!!

بس اذا بيطولون الدوام اوكي بس يطبقون القوانين , :eh_s(17):

 

[كويتيه cool]

انا بصراحة أأيد اطاله الدوام

بالذات احنا الاجتماعيات

نبي حصة بس نعلم الطالبات مهارات الاجتماعيات

 

[عبوره الحربي]

حبيباتي ما يصير تجذي تحجون عن الجو الحمدلله ع كل حال هذا وانتو قدوة لطلبتنا الله يصلحكم بس
اعترضوا ع القرارات وبس ما عليكم امر

 

[CrystalQ8]

حسبي الله عليهم يعني بعرف متحسفين علي جم فلس اللي زادونا بيحللونها مالت بس سنعو المدارس وغيروا النظام خلي المدرسه بس تداوم وقت حصتها واللي تخلص الحصص ليش مرتزه بالمكتب تروح البيت مومن صباح الله خير قاعده ناس حسد

 

[PuPa^^SWeeT]

شكووو المدرسات الحين يحللون رواتبهم



اذا زادو الدوام


انا اقوولكم اللي ابياكلها عيالكم


يا اهل تحليل الرواتب


خلي ولدج ولا بنتج اتحلل عقلها ذيج الساعة احلل معاشي بنظرتج السطحية



طبعا ردي على اللي ردت بجريدة الوطن



وبالنسبة للي اتقوول الابلة اتسولف بالتلفون



انا اقوولج البنات اتييب بلاك بيريها و اتصور الابلات بكل الاوضاع


فا بدلي سالفة التلفون بغيرها


تحلييل المعاش مو بايد احد


اذا الابلة ظالمة الله فوقها


حتى بهالموضوع فيها تحلييل راتب


صج ماكو حيا

 

[ناتشوو]

المشكله مو باطالة اليوم الدراسي
بس بشنو بيطولونه؟
بيألفون اي شي مو مفيد ولا نافع للطلبة بس علشان يطولون
بس الواحد وده يغير اي شي
بدون مايفكرون اذا نافع اولا
نفس التربية الحياتية
ونفس غيرها وغيرها