على كل اللي سوته الدنيا فيني الا ان عندي امل...(ثاني روياتي ) miss disaster

[miss disaster]

على كل اللي سوته الدنيا فيني الا ان عندي امل...(ثاني روياتي )


مقدمه :
1-القصه اللي راح اكتبها فكرتها واقعيه واحداثها من خيالي بفضل نجاح الاولى وتشجيعكم اكييد
2-كل يوم وترك راح يكون اكو بارت (باذن الله ) بس اذا المنتدى خرف ووهقني ارجو انكم تنطروني
3-وبليييز لما يكون اكو بارت لا تقولون قصير راح احاول اطول كثر ما اقدر
4- اتمنى اشوف ردودكم وترى اتقبل النقد بكل رحابة صدر
5- اي سؤال تبونه انا حاضره
6- ما احلل اي وحده تنقل القصه بدون ذكر اسمي miss disasterوبدون ما تذكر منتدى كويتيات (هذا تجنبا للي صار مع الكاتبات قبلي )​

 

[miss disaster]

بارت (1)​

قاعده من الصبح انطر احد يبشرني اففففف متى يقولولي ولا يرن التلفون
ييت بشيله ولا ترد مرت ابوي وبعدها احذفت السماعه علي وراحت
رديت وكانت احلى مكالمه سمعتها بحياتي اليوم اللي بشروني فيه اني الاولى على الكويت بالقسم العلمي ...هاذي انا بطلتكم ضي

خل اوصف لكم ضي (طويله عيونها زرق غامجيين ما يلاحظهم الا اللي قريب منها وايد شعرها اشقر طويل ناعم ضعيفه )

نطرت لما الظهر ولا ينطق باب غرفتي وكانت الخدامه تقولي نزلي الغدا محطوط
نزلت وانا فرحانه وايد ببشر ابوي

ضي : السلام عليكم ..يبا حبيت ابشرك انا.. ولا تقاطعني مرت ابوي:يدري لجيتينا جنج الوحيده اللي طلعتي الاولى
سكت وانا كلي خيبة امل ولا يسأل ابوي :دلال حبيبتي جم يبتي
دلال :انا 75 واهي شاقه الحلج
ابوي (مبين عليه الفرح ):مبروك حبيبتي ولج مني احلى هديه بمناسبة التخرج

خل اتكلم شوي عن عايلة ضي :
ابوها متزوج 2 اول شي تزوج ام ضي عن حب وما يابو عيال وبعد 5 سنين زواج امه حنت عليه عشان يتزوج لانها بتشوف عياله وتعرفون سوالف الخالات اللي ما تخلص وعقبها خطب منال مرت ابوها (ام ضاري) اللي يابتله ضاري وبعده طلال بعدها حملت بدلال وكان نفس الوقت اللي ام ضي حملت فيها
عايلتهم ما عليها قاصر لا من شركات ولا من فلوس ولا شي والكل يشهد بسمعتهم الطيبه واخلاقهم العاليه

نرجع لهم الحين
دلال:يبا انا ابي سياره
ابوي:ان شاء الله من عيوني..ولف علي وانتي ضي ما تبين سياره ؟
ضي :اكييد يبا عيل شلون اروح الجامعه ؟
ابوي:خير ان شاء الله
مرت ابوي:بعد ليش جامعه روحي مع دلال نفس المكان وخلاص
ضي(فيني بجوه):بس دلال نسبتها مو شي وانا اقدر ادش الجامعه وانا ابي ادشها عشان احقق حلم امي الله يرحمها..يبا انت وعدت امي بتخلف بوعدك
ابوي :سكت بس بين عليه انه متضايق وبعدين قال :لا يبا وان شاء الله بتصيرين طبيبه مثل ما كانت تبي
ضي:مشكور يبا
ومرت ابوي مع دلال كانوا يطالعوني بنظرة حقد بس ما اهتميت
وهديت اللي بيدي وقمت من السفره وانا اقول الحمدالله
وانا صاعده الدري كنت حدي متضايقه لان ما احس انهم فرحانين فيني كثر ما اهم فرحانين بدلال ولا بدشت ضاري اللي سلم وصعد وراي
ضاري:ضي..ضيون..ضيوو
ضي:هلا ضاري
ضاري:هلا فيج مبروك مبروك ومنها للاعلى يا رب
ضي:مشكور وما تقصر
ضاري:شفيج متضايقه ..احد ضايقج طلول قالج شي اهو مع دلول؟؟
ضي:لا ضاري محد كلمني بس انا متضايقه شوي لاني تمنيت امي معاي
ضاري :الله يرحمها ..عموما قبل لا انسى اليوم انتي معزومه
ضي: منو اللي عازمني
ضاري:انا عازمج وبنروح انا وانتي وعزيز ولد خالتي مع عاليه اخته
ضي:اها اوكي بس قول حق ابوي اول لان صاير ما يحب يشوفني او يسمع صوتي
ضاري:لا ضيون اهو يحبج بس تدريين اهو اشكثر كان يحب امج وانتي ما شاء الله نسخه منها وتذكرينه فيها
ضي: (مع تنهييده كبيره) اوكي اخليك
ضاري:عقب صلاه العصر بدلي ملابسج اوكي
ضي:اوك

خل اتكلم عن ضاري شوي :
اول شي بوصفه (طويل وحنطاوي عيونه بنيه وشعره اسود مسوي قفل)
ضاري الوحيد اللي كان يحب ضي وكانت وايد تكسر خاطره لانها فقدت امها واهي صغيره وكان يشوف امه شلون تكرهها وكان يشوفها بنته مو اخته ااهو اكبر منها ب7 سنين وعمره كان 24 عنده كاريزما وحضور يجذب الكل على الرغم من ملامحه الحاده

نرجع حق ضي
دخلت غرفتي افكر شنو البس اذن فصليت ولبست نفنوف اصفر قصته وسيعه فوق ركبي بشوي مع جاكييت كحلي يبين لون عيوني عدل وحطييت مكياج خفيف ولبست جيجي كحلي وفلات اصفر مع كلتش لونها اصفر وتاج كحلي فيه ورده ملونه اصفر مع كحلي
وطلعت من غرفتي ورحت غرفة ضاري دشيت وسمعته يتكلم بالتلفون
ضاري:اي حبيبتي ..شوي وايي بس اشوف ضيون اذا خلصت ولا لا
وقلت :انا خالصه بس انت الللي غارق بالعسل وما تدري عني
ضاري:لوول انتي من متى هني ؟
ضي :من شوي وسلم على علوي وقولها خلاص ما بقى شي وتتخرج صبروا ليش مستعيلين
ضاري:لووول سمعتيها ؟
ضي :يلا ضاري بعد شوي بتشوفها
ضاري:خلاص يلا باي وانتي طلعي عشان ابدل
وانا طالعه ولا طلال ايي بويهي
طلال :استغفر الله انا قايل اليوم هذا نحس واكتمل النحس بشوفتج
ما رديت عليه وييت بمشي ولا يمسكني
طلال :لما تشوفيني واقف ما تتحركين ولاتتكلمين الا لما اسمحلج ولا بتشوفيين شي عمرج ما شفتيه
ولا ايي صوت ضاري :شبتسوي يعني خل اشوف ورني عضلاتك؟
طلال تبلعم وما عرف ش يرد
وكمل ضاري:ان عرفت انك مأذيها والله ما يصير لك شي زين
طلال :حاضر
ولا اتيي دلال ودزتني ومن كثر ما انا يمها ريشه تحركت من مكاني
ضاري:ما تشوفيين عميه ؟؟
دلال:ضروي طلعني تكفى ..
ضاري:خلي حبيب قلبج طلول يطلعج انا مشغول يلا ضي
ومشينا ولا يقول لحظه ودش على ابوي المكتب وطلع

خل اقولكم دلال ليش تبي تطلع معانا اهي سمعت ضاري واهو يقول اسم عبدالعزيز فعشان جذي تبي تطلع كانت تموت بشي اسمه عزيز بس اهو ما يدري عن هوا دارها لان قلبه كان مع وحده ثانيه

واحنا طالعين ولا تقول منال(مرت ابوي): ضاري اخذ دلال معاك
سكت ضاري ما كان يقدر يقول اي شي ولا تنزل دلال فجان يقول ضاري:بتطلعيين جذي @@!!؟؟
دلال :اي شفيها يعني
ضاري:تغيرين لبسج تطلعيين ما تغيرينه ماكو طلعه(بعصبيه)
دلال :شفيه لبسي ما فيه شي
ضاري:من حلاة جسمج لابسه ضيج ولا من زين ريولج لابسه قصير !!(باستهزاء)
دلال:اي كاهي ضيو لابسه قصير ما علقت عليها
ضاري:اسمها ضي ..و لما تصيرين ضعيفه مثلها لبسي اللي تبين مو درام ولابسه ضيج ولا قصير بعد

خل اقولكم دلال شنو كانت لابسه كانت لابسه نفنوف على الجسم كركمي واهي كانت متينه بس شنو عندها ثقه بانها تقدر تلبس اللي تبي بالاحلام طبعا ووايد قصير لي نص فخوذها

دلال:اففف الحين اغير
ضاري:اف بعينج وانا ناطرج بالسياره
يلا ضي
ضي:يلا وفتحلي الباب وطلعت

يت واهي لابسه بنطرون جنز مع تيشيرت هم ضيج بس اهون من النفنوف لونه احمر
حرك ضاري السياره ووصلنا وكاله سيارات وقال ضاري:ضي نزلي شوي
ضي :اوكي وفتحت الباب ونزلت ولا دلال تنزل
ضاري:دلال قعدي بالسياره ما راح نطول
دلال:اففففففف انزين

ودخلنا انا وضاري الوكاله
ضاري:اختاري السياره اللي تعجبج
ضي:هااا
ضاري:انا قلت حق ابوي ابي اشتريلج سياره واهو وافق وعطاني كرته وقال خل تختار اللي تبي
ضي :ما ادري اختارلي انت
ضاري:لا يبا شوفي السياره اللي تعجبج انا شكو
ضي:انزين بس انت قول هاذي زينه ولا لا
ضاري:اوك

وافترينا لحد ما رسينا على جيب انفنتي اسود

ضاري:مبروك والله يعطيج خيرها ويكفيج شرها
ضي:اميين ومشكور ..بس متى استلمها؟
ضاري:بعد 6 ايام نيي ونستلمها
ضي:اوكي مشكوره ولميته
ضاري:بس وخري فضحتينا
ضي:لوووول اخوي كيفي
ضاري:الله يخليج لي
ضي :اميين ويخليك لي 

ركبنا السياره ووصلنا بيت خالتهم
نزلت انا وركبت ورى عشان عزيز يركب جدام
وانا صرت وراه ركبوا ولا تهف ر يحه عطره علي
ضي (بقلبي):والله عنده ذوق بالعطور بعد
وصلنا لانتور البحر ودخلنا وقعدنا وطلبنا وبعدها بدو يسولفون وانا بس اسمعهم ولا يقول عزيز :اقول ضي مبروك التخرج ووين ناويه تدرسيين
ضي:الله يبارك فيك وان شاء الله طب اسنان
عزيز:اها يعني بتصيرين زميلتي بالمهنه
ضي:اي ان شاء الله
عزيز:بتدرسيين بالكويت ولا بره؟
ضاري:نعم شنو بره واذا راحت انا اسولف مع منو واشكي همومي حق منو؟
ضي:لووووول ساسرته حق علوي وكملت بصوت عالي :لا ان شاء الله بدرس بالكويت
ولا يكفخني شوي شوي على جتفي ويقول بمساسر:انتي غير

الموهييم كملنا سوالف ولا الاحظ عزيز سرحان شوي ولا يقول ضاري:الوووو..عزيز الوووووو..عزيز(بصراخ)
عبدالعزيز:اف وصمخ شتبي؟
ضاري:الله يهنيها
عبدالعزيز :منو ؟؟
ضاري:اللي ماخذه قلبك
عبدالعزيز :اقول انطم ماكو احد ماخذ قلبي
ضاري:خيير ان شاء الله
عبدالعزيز :انت بتسكت ولا اشلون
ضي:خلاص ضاري احرجت الولد
ضاري:عشانج والله
ضي :تسلم بس الحين علوي بتذبحني
ضاري:لييش ؟
ضي:من مساع وانت اتدلعني
ضاري:علوي تدري انتي بنتي مو اختي وتدري بغلاتج عندي
عبدالعزيز :اي الله يعين اللي بياخذها امه داعيه عليه​

ليش دلال للحين ما تكلمت؟
وطلال شناوي عليه ؟؟

ابي توقعاتكم حبايبي


:ggdw:​

 

[so_what]

ثاانكس على البارت بدايه تشوق

 

[om sa3ad]

مشكورة بداية حيل حلوة

 

[rayona]

hla Oo '3aLLah Oo MashaLLah :balo:.. gayltlich bkon awal w7da tgra rwaytich bs

sbgonii:weight_lift: .. bs yallah a5r w7da awal w7da elmohim gryt.ha

Oo bnsba leltwgo3at fa atwaga3

dalal oo 6alal nawen 3LA neya gashra b '9aii .. Oo '9ari mshallah 3lieh o ne3ma

el a5 wallah .. oo 3azez 7asita mo3jab ow eli ma5tha galba 3la golat '9ari ehya

'9aii bs bn6r el partat el yayah oo b3rf etha tw8i3i 9a7 wla '3ala6 .. oo y36ich

iL3afya 3La iLpart :rerrerek:Oo bedya mowafaga 7abibtii ..

 

[sweet.sanfoora]

يا رب دلال تموووووووووووووووووووووووووووووووووووووووووووووووووووووووووووووووووووت ! هي وامها واخوها الشري

 

[Cruella Devil]

shaklha 3ajeeba ,, mtab3ench 7abebty

 

[MeeMeeYoo_2]

انا تبط جبدي مرت الابو الي جذي والاخوان الي يكرهون اخوانهم ;s

يعطيج العاااااااافيه

 

[miss disaster]

ثاانكس على البارت بدايه تشوق

ويلكموووو حياتو :tek:

 

[miss disaster]

مشكورة بداية حيل حلوة

العفو وانتي الحلوه حبيبتي :hjy5jewf:

 

[miss disaster]

hla Oo '3aLLah Oo MashaLLah :balo:.. gayltlich bkon awal w7da tgra rwaytich bs

sbgonii:weight_lift: .. bs yallah a5r w7da awal w7da elmohim gryt.ha

Oo bnsba leltwgo3at fa atwaga3

dalal oo 6alal nawen 3LA neya gashra b '9aii .. Oo '9ari mshallah 3lieh o ne3ma

el a5 wallah .. oo 3azez 7asita mo3jab ow eli ma5tha galba 3la golat '9ari ehya

'9aii bs bn6r el partat el yayah oo b3rf etha tw8i3i 9a7 wla '3ala6 .. oo y36ich

iL3afya 3La iLpart :rerrerek:Oo bedya mowafaga 7abibtii ..

هلا فيج حبيبتي وعادي اول ولا اخر وحده ما تفرق

اممم وعلى توقعاتج باجر البارت وبتعرفيين اذا صح ولا لا :eh_s(15):

 

[miss disaster]

يا رب دلال تموووووووووووووووووووووووووووووووووووووووووووووووووووووووووووووووووووت ! هي وامها واخوها الشري

ما ادري شقول بس حرام خل نعطي الاشخاص فرصه قبل لا ندعي عليهم اوك :eh_s(9):

 

[miss disaster]

shaklha 3ajeeba ,, mtab3ench 7abebty

حبيبتي حياج الله :eh_s(22):

 

[miss disaster]

انا تبط جبدي مرت الابو الي جذي والاخوان الي يكرهون اخوانهم ;s

يعطيج العاااااااافيه

الله يعافيج حبيبتي وهذا من رداة الام والابو :eh_s(14):

 

[عيون فوشيه]

رد : على كل اللي سوته الدنيا فيني الا ان عندي امل...(ثاني روياتي ) miss disaster

يسلمـــوووو ع البـارت بـدايــه قوويـه

ليش دلال للحين ما تكلمت؟
ناويه ع نيه شينه
وطلال شناوي عليه ؟؟
ناوي ع نيه شينه اكيييد

يعني جااايبه شي جدييد لوول

 

[6amni bs]

رد : على كل اللي سوته الدنيا فيني الا ان عندي امل...(ثاني روياتي ) miss disaster

يعطيج العافيه القصه عجيبه
كمليييي حبوبه
ناطرينج

 

[miss disaster]

رد: رد : على كل اللي سوته الدنيا فيني الا ان عندي امل...(ثاني روياتي ) miss disaster

يسلمـــوووو ع البـارت بـدايــه قوويـه

ليش دلال للحين ما تكلمت؟
ناويه ع نيه شينه
وطلال شناوي عليه ؟؟
ناوي ع نيه شينه اكيييد

يعني جااايبه شي جدييد لوول

لووووووول حبيبتي الله يسلمج :eh_s(22):

 

[miss disaster]

رد: رد : على كل اللي سوته الدنيا فيني الا ان عندي امل...(ثاني روياتي ) miss disaster

يعطيج العافيه القصه عجيبه
كمليييي حبوبه
ناطرينج

الله يعافيج حياتي :eh_s(22):

حبيبتي البارت باجر ان شاء الله :fun:

 

[miss disaster]

شدعوه بنات فوق ال100 مشاهده وشوي اللي ردوا

لهالدرجه القصه ما تشجع !!!!!!!!:s

 

[عاشقة المسك]

ـ هلا هلا هلا لاهلا هلا
ـ القصه وااااااااااااو
ـ واسلوبج روووعه
ـ وناطرين الياي