اي و الله على قد ما انا زعلانه على قد مافرحني هذا الشي
اللي شفته من يوم ماصار الحادث بالجرايد لليوم عور قلبي
- لما شفت كل شعب الكويت من شباب و اعضاء ووعضوات مجلس الامه رايحين بنفسهم يتطمنون على الوضع بالمستشفى
- لما شفت اميرنا الله يخليه لنا وفر لهم كل الامكانيات ولعلاجهم و قال اي حالة تستدعي العلاج برة الكويت سفروهم على طول
-لما الخرافي قطع اجازته و وصل الكويت ثاني يوم عشان يتطمن على الضحايا و المصابين و يتابع الوضع بنفسه
- لما شفت اكثر عوايل الكويت و ديوانياتها و على راسهم سمو الامير الله يحفظه مسكرين ديوانياتهم و ماستقبلوا احد برمضان بسبب الحادث
- لما شفت اليوم بالجريده الحسينيه الجعفريه و التي اقامت تأبين لضحايا الحادث حسيت ماكو فرق بين شيعي و سني و حضري و بدوي
- لما اكثر الناس بالذات اهل الجهرا كنسلوا حفلاتهم و عروسهم ايا كانت قبايلهم
لما شفت الكويت كلها من حضر و بدو و شيعه و سنه كلهم واقفين ايد وحده و قلب واحد على بعض
ماقال الشيعي اللي توفوا بدو مالي شغل فيهم و لا قال الاصيل هذول مالي شغل فيهم و لا الحضري و لا و لا و لا و لا كلهم صاروا ايد وحده و بالنهايه كلنا عايشين على ارض وحده مافرقنا شي ووقت الشدايد صرنا كلنا نفس الشي و هذا الصح
جد جد جد اتمنى ناخذ هذا الشي عبرة لنا باننا كلنا كويتيين و كلنا على ارض وحده و شعب احد و انه اي شي يمس الكويت بالشمال احنا نحزن عليه بالجنوب
خلونا ايد و حده شعب و احد نتحد ونتكاتف و نطور ديرتنا بعيد عن الفتن و المشاكل و الخرابيط اللي مالها داعي
حيل فرحانه لترابطنا و تكلتفنا مع بعض
هذا احنا يالكويتيين مهما نختلف تظل قلوبنا على بعض و نحب بعض مهما صار
الله يتمم علينا هالحب و الترابط يارب و الله لايفرقنا و عساها خاتمة الاحزان يارب
و بالنهايه لاتنسون ضحايانا و اهلنا بالدعاء رمضان جانا ادعولهم بكل صلاة الله يرحمهم و يغفر لهم يارب
و يصبر اهلهم و يمسح على قلبهم ياكريم
