على طول مختنقه وما أقدر أتنفس شنو المشكله؟؟

[الفـارسـة]

السلام عليكم

شخباركم بنات؟

قبل سنه جاتني حاله ما أنام إلا وأنا قاعده ما أقدر أحط راسي على المخده

لإن إذا حطيت راسي وانسدحت أختنق وأحس كأني غرقانه حتى لما أروح لدكتور الأسنان وأقعد على كرسيه أختنق

مع العلم أنه ما معاي ربو..بس معاي سوري بلوع جبدوكم :eh_s(22)بلغم)

رحت للمركز الصحي التابع لنا وسويت أشعه للصدر وطلع فيه بياض في الرئه اليسرى

كان حزتها دكتوره بكستانية مناوبة وما عطت الأمر أهتمام قالت إلتهاب بسيط أكتبت لي مضاد حيوي تحسنت عليه

بس ألخين أحس بزياده وأحس كأني أغرق وتكرمون يطلع بلغم وااااايد

أنا خايفه أكون مكبره المسأله وهي تافهه وحتى هلي يقولون حاله نفسية

أخاف أروح وما يطلع فيني شي وأتفشل :eh_s(6):

 

[حبيبته آنا]

انا قبل كنت جذي ورحت حق انف واذن وحنجره وطلع من اللحميات ومن الانحراف بالحاجز الانفي

 

[ii DareeN ii]

ممم اضن حساسيه انف وايد ناس يعانون منها هالسنتين الي راحو وينزل الي بالانف على الصدر روحي طبيب انف واذن وحنجره مثل ماقالت الاخت احسن لج انا جذي كنت ماقدر انام صرت جني ديايه مختنقه

 

[فتونة الكويت]

روحى دكتور مختص احسن وما تشوفين شر

 

[فتون علف]

ماتشوفين شر ان شاء الله
واذا عندج لحمية او جيوب لازم تعالجينهم عشان يروح البلغم المستمر

 

[دانتيل]

اختي حضرتك عندج مشاكل بالقلب .. او ضغط؟؟؟؟
انا اقول لا تتهاونين بالاعراض الي عندج و روحي الطبيب هالاعراض ممكن تكون مشكله بسيطه و ممكن مشكله كبيره
ما تشوفين شر
.......................................................اختج دانتيل

 

[ياسمينا]

اختي انا صابتني هالحاله من فتره وراحت لما خف وزني يمكن من السمنه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟