على اي اساس تختارون العملية ؟ شفط او تكميم او تحوير ؟؟؟

[وردة بيتنا]

السلام عليكم ورحمة الله وبركاته

خواتي

يزاكم الله خير

بغيت اسألكم

على اي اساس تختارين العملية ؟

يعني ليش ما تسوون شفط على طول ؟

ليش تختارون تكميم او تحوير ؟

انا جديدة بهالمواضيع و حبيت اتعلم

 

[:: Diva ::]

الشفط فااااااااااااااااااااااااااااااااااااااااااشل
انا سويته و تشوهت والله

و نزلني 5 كيلو بس

سويت باي باس الي اهي التحوير
لاني مدمنة حلويات
و وزني وااااااايد كبير ياثر على صحتي
حت مشي ما امشي


لكن الحين اللهم لك الحمد
ياليتني مسويتها من زمان

 

[وردة بيتنا]

اختي ديفا

مشكووورة حبيبتي على الرد . ربي يوفقج و يحفظج

حبيبتي انزين انا اصلا ما اكل يعني مخففة اكلي و بديت التزم برجيم محدد ، اول كنت على كيفي

ما راح ينفعني التحوير صح ؟ لان المشكلة مو بأكلي ، اكلي كله سلطة و فاكهة و خضرا و دياي مشوي و ماي و شاي اخضر

وزني ثابت بشكل مو طبيعي ، شهر كامل ما انزل الا كيلو بالغصب و اشهر ولا شي انزل

عشان جذي طرا ببالي الشفط

مادري شفيه وزني تعبت نفسيا

 

[حياة زوجي]

على اي اساس تختارين العملية ؟


اختار العمليه اللى تناسبنى وتناسب جسمى وعلى الدكتور الشاطر اللى ارتاح له


يعني ليش ما تسوون شفط على طول ؟



انتى تحسبين الشفط هين لا مو هين وبعدين تعب كله شفط شفط اصلا جسمج يتعب




ليش تختارون تكميم او تحوير ؟




انا الحمدالله تحورت وارتحت وااااااااااااااااااااااااااايد والحين جسمى سمبتيك




انا جديدة بهالمواضيع و حبيت اتعلم [/quote]
وانشاء الله استفدتى من اجوبتى

 

[وردة بيتنا]

يزاج الله كل خير اختي حياة زوجج

ربي يحفظج و يحميج يا رب

شاكرة لج على الرد الحلو





يا رب توفق ديفا و حياة زوجها و تسهل لهم كل امورهم

 

[Kuwaitigirl1973]

السلام عليكم ورحمة الله وبركاته

خواتي

يزاكم الله خير

بغيت اسألكم

على اي اساس تختارين العملية ؟

يعني ليش ما تسوون شفط على طول ؟

ليش تختارون تكميم او تحوير ؟
أنصحك بهذي المحاضرة على اليوتيوب من ٨ أو تسع أجزاء فيها شرح وافي عن الموضوع
http://www.youtube.com/watch?v=XDRmDDbWacM

 

[ManGaQ8]

رد : رد: على اي اساس تختارون العملية ؟ شفط او تكميم او تحوير ؟؟؟

وعليكم السلام والرحمه
شوفي حبيبتى انسى شي اسمه شفط اكثر البلاوى اللى نسمعها بسبة هل شفط وياريت النتيجه مرضيه كلها جم كيلو

من كلامج واضح ان عندج مشكله اهى اللى تسبب عدم نزول وزنج لأن واضح ان اكلج صحى
فى البدايه سوى فحوصات وعالجى سبب المشكله ..

واذا احترتى فى امرج ذيج الساعه فكري بالعمليه
انا ان شاء الله بعد العيد على طول عمليتى الله يسهلها ان شاء الله واخترت التكميم
فى البدايه كنت ملزمه على التحوير بس يوم رحت للدكتور شفتها سالفه بيشسلون ويحطون ويلزقون وعفسه
هذا غير المراجعات والفيتامينات اللى طول عمرج تاخذيتها صراحه هذا اللى خلانى اتردد واغير فكرتى

واخترت التكميم على الاقل مافيها تغيير بخلقة ربى سوى اللهم تصغير المعده بس وهم مافيها فيتامينات طول العمر وكثرة مراجعات

والقرار لج ياقلبى
موفقه ان شاء الله

 

[وردة بيتنا]

اختي Kuwaitigirl1973
مشكووووورة و يزاج الله كل خييير
كاني الحين راح اسمعها الف الف شكر


اختي ManGaQ8
مشكوووووووووورة و يزاج الله كل خيييير
والله تصدقين صاجة
التحوير مشكلتها قص و اشياء تخوف
التكميم اسلم
عسى ربي يوفقج و يسهل لج العملية و توصلين للنتيجة اللي تبينها يااااااا رب



الله يوفقكم كلكم