على اعصابي قربت المهله تنتهي وباجي يوم

[اوبراا]

قوه
بكره نهاية المهله لو مادقيت على ريلي واعتذرت منه مع اني بس لمحت له وهم هشغلات فيه
راح يطلقني
وايد تعبانه نفسيا واحاتي عيونه زائغه من تحت لتحت وانا توني وياه ايل شلون باجر بعد جم سنه زواج
بنات انا بشرتي سمار فاتح مثل خايفه من الحمل والولاده راح يكبروني
هم صار فيني وسواس بشكل تعقدت
وهم اتذكر كلامهم علي واستهزائهم فيني
والسوال اللي محيرني وايد
شنو يخلي الريال يتعلق بمرته وهي جيكره ليه فهموني صج ماشاءالله اعرف حرم جكر ورياليهم خاتم باصبعهم
وانا مع النفسيه جكرت ابي تساعدوني شنو الشغلات اللي تغيرني وتردني مثل قبل واحلى

 

[اميرة بكلامي]

حبيبتي توكلي على الله و ردي لريلج
اهوو لو ما ييبيج جان من زمان طلقج و لا رد عليج
ما عليج توكلي و ردي و انسي اللي صاار

و الكلمه الحلوه و تبعدين عن الحنه اهممم اللي يعلقون الريال فيج

 

[جوري 2007]

ثقي بنفسج بتشوفين روحج حلوة واهوة بيشوفج جذي بعد
اهوة اختارج جذي ولا اشتكى منج

 

[اوبراا]

مشكورين وايد بس هو مايرد اطرش له خلي نتفاهم وخلاص نحاول نحل اللي بينا ولامعبرني كلش

 

[shak!shoka]

انا اتوقع يبي يقرصج لا اكثر ولا اقل


دزيله مسج انج بتردين وبس

الله يسخره لج و يهديكم

 

[متواضعة]

ماعرف شنو المشكله


بس بدعي لج ربي يفرج همج ويسر لج امورج ويجعل لج الخير والصالح يارب

 

[مآيكبرني نك]

هو ﻻ فيه مهلة من الآسآس وﻻ شي

لؤ قررتي تسايرينه وتردين لآزم تحلين مشكله السلبيه اللي فيج

حل جذري ،

 

[Aloe Vera]

دام قلتيله خل نحل المشاكل معناته تبينه

 

[اوبراا]

الظروف هي اللي تبيه

 

[اوبراا]

باختصار هي الاسباب
الحموله مناشبني ي كل شي حتى من اطلع يعرفون وين اروح وين ارد يدقون كل شوي عليه نبيك
هم من الاسباب انه طلع يتحجى عني وي ربعه ماتتفهتم جيكره وو
هم يتراسلون صور ----------- ومقاطع ---- وهم كل كلامه عن الحريم اللي بدوامه مره وحده من ----- يقول تتوقع اهلي يوافقون اتزوج من ---------- ومره ياحلوها ودي اخطبها وافتك من اللي عندي
وهم طول اليوم مشغول بين شغله ومجابل اهله
وه

 

[Ro7_alwfa]

حبيبتي اول شي رجعي لزوجج ودايما ادعي انه الله يسخره لج ولا تفكرين بالامور السلبيه
ثانيا ثقي في نفسج وفي جمالج ما اعتقد احد الحين مب جميل فلا تخلين ثقتج بنفسج تنهز
على امور بسيطه
ثالثا اشغلي نفسج ومع ربعج ولا تخلينه محور اهتمامج كل ما درتي وراه سمعتي شي ما يسرج خلي حياتج ويومج لج انتي
وباقي الامور امور معروفه والكل يعاني منها فانتي لازم طورين من نفسج نفسيا وتعالجين روحج معنويا بعدين فكري فيه لانه كل ما كنتي واثقه
كل ما تعلق فيج
والله يوفقج في حياتج

 

[اوبراا]

وايد محتاره الظروف تقول لي ردي له والقلب والعقل يقول لا

 

[الجادل الخشف]

امشي ورا عقلج لان قراره اهو الصح

 

[نـعـومـه]

مافكرتي تصارحينه بلي قريتيه

 

[نـعـومـه]

وشي ثاني اذل فكرتي ترديله لازم تغيرين وايد شغلات



اولها شخصيتج

جربي تصيرين ثقيله

حسسيه بثقه بالنفس حسسيه انج جميله وانج واثقه من روحج حسسيه انه لج حياتج
لاتلزقين وايد

لاتتبجبجين

كلميه بإحترام اي اهتمي فيه اي بس تتلزقين وخري هالعاده دام مانفعت مع ريلج

 

[Ro7_alwfa]

لو ما تبين تردين له ما كتبتي موضوع اللي فيج حاله صدمه وكبت
ما تخيلتي حياتج تكون كذيه بس اغلب المتزوجات يعانون مثل مشكلتج
وانتي وبشطارتج تحلينها شوفي حبيبتي انا اشوف ما في خساره لو عطيتي
نفسج فرصه ثانيه ما راح تخسرين شي جربي وغيري نفسج تخيلي انج
بتعشين مع شخص ثاني غير زوجج وغيري افكارج السلبيه عنه يبيلج شويه صبر
وبتكون حياتج حلوه بس دوم تفائلي واستغفري وانا ارد واقولج ارجعي له زوجج لو ما يحبج
طلق من زمان

 

[كاملة الدسم]

حبيبتي انا قريت لج اكثر من موضوع وعرفت انج متزوجة وماعندج اطفال يعني وضعج مثل ماهو انصحج لوجه الله لا تحملين وعطيه فرصة اخيرة وانتي فيها غيري من شملج اسلوبج نفسيتج والحموله حقريهم سيفوووووون مردهم بيملون وزوجج بيمل منهم وبيعرف حقيقتهم انتي غيري من نفسج اهتمي بشكلج لبسي كشخي مارسي هوايات تابعي مسلسلات اقري تثقفي وشوفي النتيجة اذازتغير كملي زواجج واذا مافي تغيير ابدا الطلاق احيانا حل وراحة

 

[اوبراا]

مشكورين وايد ماقصرتوا حاولت اتجاهل الحمول ماكو فائده تصير مشاكل مثل المسلسلات ماتوقعت جذي
بس الحمدالله نفسيتي احسن الحمدالله مشكورين
صج انا مصدومه هم محتاره مشكورين على الردود
خايفه واحاتي بعد ماضحي بكل شي يكفي الغربه ومجابل الحموله وحدتي وجني متزوجه نفسي
القاها يكفاني بزوجه ثانيه ولا بعلاقات ولاخرابيط

 

[نـعـومـه]

شرايج تصلين صلاة الاستخاره

استخيري بردتج له

وشي ثاني انتي ماخذته عن حب ولا تقليدي ؟!؟

احسج متعومسه وموعارفه تتخذين قرار اول شي انتي تحسين انه مرتاح معاج ويحبج بس عيبه يكتب حق ربعه شغلات ؟!؟ ولا اهوه بكبره موطايقج ويدور مشاكل ؟؟ اي نوع من هذا ؟!؟

قوليله اذا رديتي انا بحطك بعيوني بس انت بعد ابيك ماتشوف غيري وتعوضني عن الغربه ونعيش مع بعض بسعاده وسلام

وسالفه شكل اهتمي بروحج كشخي لبسي مره جنزات وبديات مره بجامات قصيره مره حني ايدج مره لبسي نفنوف قصير ورشي عطورات وبتشوفين نفسج حلوه

 

[نـعـومـه]

واهله مولازم تزورينهم اذا ماوراهم الا المشاكل