[ علوم و بـ آحول آجتمآعيةة !؟ ]

[DaLoo3t BaBaTii]

.



آلسلآم عليكم ..



بنآت آنآ علوم و بـ آحول إجتمآعيةة ،


شنو آلموآد آللي لآزم آخذهآ ..


آنآ خلصت ، مهارات اتصال + تاريخ الكويت + تاريخ حضآرة + مدخل علم إجتمآع + مدخل علم نفس + مدخل رعآية ..



شنو آخذ بعد !؟


آللي آعرفه آن لآزم آخلص آلموآد آلإلزآمية :

[ تاريخ الكويت ، مهارات اتصال ، تاريخ حضارة ] < خلصتهم
و جماليات الادب ، مهارات معلوماتيةة !


و إن لازم 30 وحدة ..


بس اللي ابي اعرفه ان بالمجرشيت ، حاطين مع المواد الالزامية مادتين انقلش !

هذول لازم اخذهم قبل التحويل ؟



بليز هيلب !

.​

 

[بـربـوشـآ]

أي أنجليـزي 141 و142 قآلوا لي قبـل التحوـويـل ..

جمآليآت أدب أخذيهـآإ عنـد صبآح سويفـآإن أو حمـد العجـمي ..

جربـت انا حمد العجـمي صرآحه الدكتور زين .. يحب اللي ينآقشه وكلميـه قوليله المآده الزاميه لاني بأحول يسآعدج ..
يعطي أسئلة الميدتيرم والفآينل يعطي بونص حفظ مقطع قصيده او أيـه .. يهتم بالحضور ويحب الحضور واللي مآتغيب يعطي + .. ويطلب تقرير وآحد اول الكورس والثآني اخر الكورس طبعآ التقرير من بنآت افكآرج مو من النت وهيك ..
التقرير عبآره عن شرح للقصيده او الايه من جمآل وجذي ويسلمج التقرير لو فيه أخطآء ويعطيج مهله تعدلينه وجذي ..

 

[بـربـوشـآ]

وأنا بعـد بأحول فـ رآح اخذ الانقلش صيفي لآني مو شآطرهـ فيه والصيفي يمششـون لنـآإ ..

 

[DaLoo3t BaBaTii]

.



آهآآ عيل آنآ نفسج بـ آخذهم بآلصيفي



و جمآليآت نآطرة يفجون شعب :/ كله مغلق قطيعة :/

.​

 

[عادت ذكرياتي]

أب

أب

ربي يوفقج ويسهل عليج

 

[DaLoo3t BaBaTii]

up

up

 

[دبلومـاسيه]

السلاااام

بنات لا لا لا لا
الله يهداكم يصير تحويل قبل لا تأخذون الانقلش ترا لا يضيعونكم .. منو قالكم ما تحولون الا بعد ما تخلصون الانقلش @@

مجرد ان معدلج يكون 3 نقاط وخلصتي 30 وحده مثلا من المواد المشتركه او الاختياريه تحولين على طول
يعني دلوعة انتي حسبي الوحدات اللي اخذتيها ؟ مع الكورس الثاني تأخذين 4 مواد تصيرين 30 وحده

اخذو جماليات الادب عند مشاري الموسى الدكتور عجججيب تطلعين a
وانتي مغمضه بس اهم شي تشدين حيلج معاه

.. ثقافه اسلاميه .. تربيه بيئه .. اساليب التفكير ..< هذيلا مواد سهله واختياريه

و الله يوفقكمم يااارب​

 

[DaLoo3t BaBaTii]

.



اكييييد يصير التحويل بدون الانقلش !!؟؟؟

.

 

[! q8ya !]

اي امبيه شكو الأنجلش !!

لا يبا اكيد يسير رفيجتي توها محوله

وبعدين الانجلش هذا خلوه آآخر شي قبل التخرج

مايسير بنات تقولون اشياء مو متأكدين منها ! وتوهقونا

دلوعه انتي الحين جم وحده مخلصه ؟ وجم معدلج ؟

 

[DaLoo3t BaBaTii]

.



مع هالكورس خلصت ١٨ وحدة ..

و الكورس الياي اخذ ٤ مواد ، يصيرون ٣٠ و اقدر احول ان شاء آلله ..



و المعدل تمام التمام الحمدلله

.

 

[! q8ya !]

حييل حلوو

بس انتي اي دفعه خل اشوف المجرشيت مالكم ؟
وشنو ودج تتخصصين ؟


وبغيت اسألج شلون مدخل علم اجتماع ؟ سهله وعند منو خذيتيها ؟

 

[~عيون الحب~]

مادري عن طريقه التحويل
بس وحده من الخوات قالت اخذي جماليات عند صباح السويفان قلت لازم ارد
لااااااااااالاااااااااااااااااااااااااا تاخذووون عنده
يبط الجبدددددد ماخذه عنده هالكورس وحده رافع ضغطنا وكل بنات كلاسي يتحلطمون مو بس انا عشان ما ابالغ !
مضيعنااا بالماده وكله قرقه من شي لي شي ماتاخذين منه لا حق ولا باطل
عشان ماظلمه احسه طيب ومرات يقولنا اشكرا انتو حسبت بناتي وراح اساعدكم وازيدكم
ومرات يقعد يخرعنا يعني مادري شلوون يتعب نفسيه الواحد على ما اطلع من الكلاس الا اعصابي منتلفه
حدي ندمت اني سجلت عنده
يعطيج اسئله الامتحان قبل الامتحان بس امشي طحسي بالاجوبه مايعطيج ياها ماتدرين شنو يبي بالضبط
يعني فيه ايجابيات بس سلبياته تغطيييييي عالايجابيات
ومايندرا شلون بيحط لنا القريدات خنشوف مزاجه والله يستر
وموفقه بالتحويل :eh_s(17):

 

[قَلبيْ صُويبكْ !]

،



موفقه يَ قلبي :$$

 

[دبلومـاسيه]

اي حبيبتي يصير الانقلش عادي تأخذينه بعد التحويل .. اهم شي اختارو دكاتره سنعين مو معقدين نفسيا
عيون الحب ماكو على مشاري الموسى جماليات دكتور بقمة الاحترام يعطيج حقج وزياده وكانا يعطينا ورقه فيها 8 اسئله تكون اسئله الميدتيرم تخيلي ؟ وحتى الفاينل نفس الطريقه ..

وموفقين ان شاءالله بناات عؤبال ما تبشرونا بالتحويل :**​

 

[! q8ya !]

اي صح انا ماخذه جماليات عند صباح السويفان ويع طلعت منها d !!
ضايع حده ماينعرفله

وعدتها عند يوسف الحشاش وطلعت c !

امبيه كلش مو متوفقه بهالمااده

اخذوها عند مرسل العجمي او مشاري الموسى وفي دكاتره شكثر زينين بعد