علموني ع الايفون بليز

[kewii93]

السلام عليكم

شلونكم بنات ؟
إن شالله كلكم تمام

ومبارك عليكم الشهر

بنات بليز ساعدوني
انا شاريه الايفون من شهرين
ومو عارفتله كلش
بس اعرف ارد وادق وامسج

ولم تتكلمون عن ios4 ماافهمكم
وحتى عن الجيلبريك

وودي انزل الواتز اب بس مااعرف اي شي

ابيكم تساعدوني بلييييز ​

 

[فيونكه فوشية]

رد : علموني ع الايفون بليز

والله يا اختي ودي افيدج ..

اخذي فرة على منتديات متخصصة بالايفون

والـ ios 4 هو سوفتوير جديد للأيفون ..

والـ ios هووو النظام الي شغال عليه الجهاز

مثل نوكيا سمبيان والبلاك بيري rim والـhtc شغال على ويندوز

اتمنى فهمتيني .. والـ 4 هو الجيل الرابع للنظام وحاليا تقدرين تنزلينه على جهاز الـ3gs

يعني بيكون نفس الايفون 4 من الداخل ..

مع فوارق بسيطة لصالح اللايفون 4

بالنسبة للبرامج ..

اول شي الجيلبريك هو كسر الحماية ..

عشان تقدرين تنزلين عليه برامج غير عن الموجوده بالاستور

وفي شرح بأكثر من موضوع عن شلون تسوين جيلبريك لللايفون

واذا سويتيه بينزل عندج السيديا

هذا برنامج تنزلين منه برامج وايد

ولو ماتبين تسوين له جيلبريك عندج الاب ستور والايتونز

نزلي منه برامج

والواتس اب دشي الاب ستور واكتبي بالسيرج whatsapp

وحمليه هو مجاني اعتقد

وفكرته ان لما تحملين البرنامج بيطلب منج تحطين رقمج عشان يطلع لج كل الي مسيفتهم بالجهاز والي عندهم هالبرنامج

وتسوليفن معاهم يعني لازم تكونين مسيفه ارقامهم عشان تسولفين معاهم

في برنامج اسمه بي مسانجر مثل البلاك بيري وتسولفين مع اي احد بس ضيفي الـ id وسلامتج

بس بسألج ليش شريتي الايفون اختي

؟؟؟؟؟

شهرين ولا تعرفين فيه شي المفروض هالمعلومات عارفتهم قبل لاتاخذينه عشان لاتتوهقين

وتقبلي مروري

 

[سحر الانوثة]

هلا والله حبوبه
بالنسبه للواتسب اهوا بالاب ستور بفلوس مادري جم بالضبط والله
اول ماتحملينه يتبط يطلب منج رقم فونج بتحطينه وراح اتيي لج مسج فيها كود روحي البرنامج وحطي الكود ولما يشتغل بتلقين جم رقم عندج مبين انه عندهم واتسب بتقدرين تسولفين وياهم عادي ببلاش اذا كنتي شابكه بواير لس او خط ايقو المهم شابك يعني
وبالنسبه للباجي ماعندي فكره
وحياجج الله حبيبتي

 

[kewii93]

يا حياتي ثنتينتكم
والله ماقصرتو

ان شالله بروح عند اي ستي وبخليه يظبطلي اياه :d

فيونكة انا شريته مع رفيجاتي عشان نصير نفس الفون بس